ཨ་རིའི་རླུང་འཕྲིན་ཁང་།

ཉིན་ལྟར་ཐོན་བཞིན་པའི་བོད་དང་ཨ་རིའི་གསར་འགྱུར་ཁག་དང་། འཛམ་གླིང་གསར་འགྱུར་ཁག་རྒྱང་སྲིང་ཞུས་པ་ཕུད། དེ་མིན་དམིགས་བསལ་ལེ་ཚན་ཁག་ཅིག་རྒྱང་སྲིང་ཞུ་བཞིན་ཡོད།

ཉིན་ལྟར་ཐོན་བཞིན་པའི་བོད་དང་ཨ་རིའི་གསར་འགྱུར་ཁག་དང་། འཛམ་གླིང་གསར་འགྱུར་ཁག་རྒྱང་སྲིང་ཞུས་པ་ཕུད། དེ་མིན་དམིགས་བསལ་ལེ་ཚན་ཁག་ཅིག་རྒྱང་སྲིང་ཞུ་བཞིན་ཡོད།

༅༅།། །རེས་གཟའ་ལྷག་པའི་ཉིན་ཧོང་ཀོང་གི་ཁྲིམས་ཁང་ཞིག་ནས་ཧོང་རྨོའོ་ཟེར་བའི་ལོ་ན་༦༦ཡིན་པའི་ལས་འགུལ་མི་སྣ་ཞིག་ཟླ་བ་དྲུག་གི་བཙོན་བཅུག་ཉེས་ཆད་བཏང་ཡོད་པའི་སྐོར་བདེ་ཆེན་རྒྱ་མཚོ་ལགས་ཀྱིས་སྙན་སྒྲོན་གནང་གི་རེད།

༄༅། ཉེ་ཆར་བྲོས་བྱོལ་དུ་བསྐྱོད་མཁན་ཤི་རི་ལང་ཀའི་སྲིད་འཛིན་ར་ཛ་པཀ་ས་ད་ཆ་སིང་ག་པོར་ཡུལ་ནང་འབྱོར་ཡོད་པ་སྒེར་དོན་ཡིན་པ་ལས་སིན་ག་པོར་གྱིས་ཁོང་ལ་བསྐྱབ་བཅོལ་གྱིས་ཐོབ་ཐང་སྤྲད་མེད་ཅེས་གསལ་སྟོན་བྱུང་ཡོད་པའི་སྐོར་ པདྨ་བདེ་ཆེན་ལགས་ཀྱིས་སྙན་སྒྲོན་ཞུ་ཡི་རེད།

༄༅། ཟླ་བ། ༧ ཚེས། ༡༣ ཉིན་གནས་བརྟན་སྡེ་བའི་ལུགས་ལྟར་སངས་རྒྱས་ཀྱིས་བདེན་བཞི་ཆོས་འཁོར་བསྐོར་བའི་གཞུང་འབྲེལ་དུས་དྲན་མཛད་སྒོར་དབུ་བཞུགས་སུ་གླིང་མཆོག་སྤྲུལ་རིན་པོ་ཆེ་གདན་ཞུ་གནང་ཡོད་པའི་སྐོར་བློ་བཟང་ཡེ་ཤེས་ལགས་ཀྱིས་གནས་ཚུལ་སྙན་སྒྲོན་གནང་གི་རེད།

༄༅། ཨ་རི་དང་ཨ་རིའི་མཐུན་ཕྱོགས་ཚོས་ཨུ་རུ་སུས་ཡུཀ་རེན་ཐོག་གི་བཙན་འཛུལ་དཔུང་འཇུག་ལ་འགོག་རྐྱེན་བཟོ་རྒྱུར་དམིགས་ཏེ་ཨུ་རུ་སུའི་ཐོན་བསྐྱེད་གཙོ་བོ་རྡོ་སྣུམ་གྱི་རིན་གོང་ལ་ཚད་བཀག་གཏན་འབེབ་བྱ་རྒྱུའི་གྲོས་འཆར་དེར་ཤུགས་བསྣོན་བྱ་བཞིན་པའི་སྐོར་པདྨ་བདེ་ཆེན་ལགས་ཀྱིས་སྙན་སྒྲོན་ཞུ་ཡི་རེད།

བོད་ཀྱི་ས་ཁུལ་ནག་ཆུ་ནས་ལོ་ན་༢༠ཡིན་པའི་བུད་མེད་ཞིག་གིས་༧གོང་ས་མཆོག་གི་སྐུ་པར་སྒྲིག་བཤམས་བྱས་པའི་ཉེས་མིང་འོག་རེས་གཟའ་ཟླ་བའི་ཐོ་རེངས་ཙམ་ལ་ཉེན་རྟོག་པས་འཛིན་བཟུང་བྱས་ཏེ་ལྷ་སར་བཙན་ཁྲིད་བྱས་འདུག་པ་བཅས་ཀྱི་གནས་ཚུལ་རྒྱལ་མཚན་ཆོས་གྲགས་ཀྱིས་སྙན་སྒྲོན་ཞུས་ཡོད།

སིང་གྷ་ལར་ངོ་རྒོལ་ཞི་འཇགས་བྱུང་ནས་མི་དམངས་རྣམས་རང་སར་ཕྱིར་ལོག་བྱས་འདུག་ཀྱང་། སྲིད་འཛིན་གྷོ་ཊ་བྷ་ཡ་ར་ཇ་པཀ་ས་བྲོས་བྱོལ་དུ་སོང་ནས་དགོངས་ཞུའི་ཐག་གཅོད་མ་བྱུང་བར་མགོ་ཁྲིད་ཀྱི་ལས་གནས་སྟོང་པར་ལྷག་འདུག་པའི་སྐོར་ལ་ནོར་བུ་བསམ་འཕེལ་གྱིས་སྙན་སྒྲོན་ཞུས་ཡོད།

སྤྱི་ནོར་༧གོང་ས་༧སྐྱབས་མགོན་ཆེན་པོ་མཆོག་ལོ་བཞི་ཙམ་གྱི་རྗེས་སུ་ལ་དྭགས་སུ་ཆིབས་སྒྱུར་བཀའ་དྲིན་བསྐྱང་གཏན་འཁེལ་ཡོད་པ་བཞིན་ལ་དྭགས་གཞུང་དམངས་གཉིས་ཀྱིས་དགའ་དད་སྤྲོ་གསུམ་ངང་ཕེབས་བསུའི་གྲ་སྒྲིག་གནང་ཡོད་པའི་གནས་ཚུལ་ལ་དྭགས་ནས་བསྟན་འཛིན་ནོར་བཟང་གིས་སྙན་སྒྲོན་ཞུས་ཡོད།

རྔ་བའི་འབར་ཁམས་ས་ཁུལ་དུ་ཟླ་སྔོན་མར་ས་ཡོམ་གྱི་གོད་ཆག་བྱུང་ནས་འབར་ཁམས་མཚོ་བདུན་དགོན་པར་གནོད་སྐྱོན་ཚབས་ཆེན་བྱུང་འདུག་པ་མ་ཟད། ད་ལྟའི་ཆར་དགེ་འདུན་པ་རྣམས་གུར་ནང་དུ་གནས་སྡོད་བྱེད་དགོས་བྱུང་ཡོད་པ་བཅས་ཀྱི་སྐོར་ཀུན་བཟང་བསྟན་འཛིན་གྱིས་སྙན་སྒྲོན་ཞུས་ཡོད།