ཨ་རིའི་རླུང་འཕྲིན་ཁང་།

ཉིན་ལྟར་ཐོན་བཞིན་པའི་བོད་དང་ཨ་རིའི་གསར་འགྱུར་ཁག་དང་། འཛམ་གླིང་གསར་འགྱུར་ཁག་རྒྱང་སྲིང་ཞུས་པ་ཕུད། དེ་མིན་དམིགས་བསལ་ལེ་ཚན་ཁག་ཅིག་རྒྱང་སྲིང་ཞུ་བཞིན་ཡོད།

༄༅།། །རྒྱ་གར་གྱི་ཞིབ་འཇུག་ལས་ཁང་གིས་ཡུལ་དེའི་ནང་ཚོང་ལས་བྱེད་མཁན་རྒྱ་ནག་གི་བཟོ་ཚོང་ལས་ཁང་ཚོའི་ལས་འགུལ་ལ་ཞིབ་འཇུག་ཡང་ཡང་བྱེད་ཀྱི་ཡོད་པ་དེས་ཚོང་ལས་བྱེད་ཕྱོཌ་ཀྱི་ཐོག་འགོག་རྐྱེན་འཕྲད་ཀྱི་ཡོད་ལུགས་རྒྱ་ནག་གཞུང་གིས་སྐྱོན་བརྗོད་བྱས་ཡོད་པའི་སྐོར་ཕུན་ཚོཌ་ཚེ་རིང་གིས་སྙན་སྒྲོན་གནང་གི་རེད།།

༄༅། ཡུཀ་རེན་གྱིས་རང་གི་བདག་ཏུ་བཟུང་བའི་མཚོ་གླིང་བསྐྱར་ལེན་བྱས་པའི་ཐོག་རྒྱལ་དར་འགྲེངས་འཛུགས་བྱས་ཡོད་ཀྱང་ཨིན་ཇིའི་སྲིད་བློན་བྷོ་རེསེ་འཇོན་སན་དགོངས་ཞུའི་གསལ་བསྒྲགས་གནང་བ་དེས་ཡུཀ་རེན་གྱི་རྒྱབ་བསྐྱོར་བ་གཙོ་གྲས་ཤིག་མེད་པར་གྱུར་པའི་སྐོར་པདྨ་བདེ་ཆེན་ལགས་ཀྱིས་ཕྱོགས་བསྒྲིགས་དང་སྙན་སྒྲོན་ཞུ་ཡི་རེད།

༄༅།། ཨ་རི་དང་དབྱིན་ཇིའི་གསང་བའི་ལས་ཁུངས་ཀྱི་འགོ་ཁྲིད་ཁག་མཐུན་མོང་གིས་རྒྱ་ནག་གིས་ཨ་མི་རི་ཀ་དང་དབྱིན་ཇི་སོགས་རྒྱལ་སྤྱིའི་སྤྱི་ཚོགས་ཀྱི་བདེ་འཇགས་སོགས་ལ་ཉེན་ཚབས་བཟོ་ཤུགས་ཆེ་རུ་འགྲོ་བཞིན་ཡོད་པའི་ཉེན་བརྡ་བཏང་ཡོད་པའི་སྐོར་རྒྱལ་མཚན་ཚེ་རིང་ལགས་ཀྱིས་སྙན་སྒྲོན་ཞུ་ཡི་རེད།།

༅༅།། ཨ་མི་རི་ཀའི་གསང་བའི་སྡེ་ཚན་གྱིས་ཟླ་བ་༧པའི་ཚེས་༦རེས་གཟའ་ལྷག་པའི་ཉིན་ཨ་རིའི་མངའ་སྡེ་ཁག་དང་ས་གནས་ཀྱི་འགོ་ཁྲིད་དེ་དག་ལ་རྒྱ་ནག་དམར་ཤོག་དབང་འཛིན་པས་་བེད་སྤྱོད་འོག་མ་འགྲོ་བར་དོགས་ཟོན་དགོས་པའི་ཉེན་བརྡ་བཏང་ཡོད་པའི་སྐོར་བདེ་ཆེན་རྒྱ་མཚོས་སྙན་སྒྲོན་ཞུ་ཡི་རེད།

བྷོ་རོད་སི་ཇོན་སོན་གྱིས་དབྱིན་ཇིའི་སྲིད་བློན་གྱི་ལས་གནས་ནས་རྩ་དགོངས་ཞུ་རྒྱུའི་གསལ་བསྒྲགས་སྤེལ་ཡོད་པའི་གནས་ཚུལ་དཀོན་མཆོག་དོན་གྲུབ་ཀྱིས་སྙན་སྒྲོན་ཞུས་ཡོད།

ཨུ་རུ་སུའི་སྲིད་འཛིན་ཟུར་པས་ཡུ་ཀེ་རན་དམག་འཁྲུག་གི་རྐྱེན་པས་ནུབ་ཕྱོགས་རྒྱལ་ཁབ་ཚོས་རྡུལ་ཕྲན་གོ་མཚོན་ལྡན་པའི་ཨུ་རུ་སུའི་ཐོག་ལ་ཉེས་ཆད་མུ་མཐུད་བཏང་བ་ཡིན་ན་དེས་འགྲོ་བ་མིའི་རིགས་སྤྱིའི་བདེ་འཇགས་ལ་ཉེན་ཚབས་ཡོང་སྲིད་ཀྱི་རེད་ཅེས་ཉེན་བརྡ་བཏང་འདུག་པའི་སྐོར་པ་སངས་དབྱངས་སྐྱིད་ལགས་ཀྱིས་སྙན་སྒྲོན་གནང་གི་རེད།

༄༅། །རྒྱ་ནག་གིས་བོད་མཐོ་སྒང་གི་ཁོར་ཡུག་ལ་གཏོར་སྐྱོན་གཏོང་བའི་ཚབས་ཆེའི་བྱེད་ཐབས་ལག་བསྟར་བྱེད་ཀྱི་ཡོད་པ་དེས་ཨེ་ཤེ་ཡའི་ནང་གི་མི་མང་ཐེར་འབུམ་མང་པོའི་འཚོ་གནས་ལ་ཉེན་ཚབས་བཟོ་ཉེན་ཡོད་པའི་སྐོར་རྒྱལ་མཚན་ཚེ་རིང་ལགས་ཀྱིས་སྙན་སྒྲོན་ཞུ་རྒྱུ་རེད།

རྒྱ་གར་གྱི་རྒྱལ་ས་ལྡི་ལིར་༧གོང་ས་མཆོག་གི་འཁྲུངས་སྐར་སྲུང་བརྩིའི་དགའ་སྟོན་ལ་རྒྱ་གར་གྱི་བློན་ཆེན་དང་ཕྱི་རྒྱལ་གཞུང་ཚབ་པ་སོགས་གནད་ཡོད་མི་སྣ་བཅུ་ཕྲག་འགའ་དང་། ཨ་རིའི་གཞུང་ཚབ་ཆེན་མོ་བཅས་ཕེབས་འདུག་པའི་གནས་ཚུལ་འདི་གའི་གསར་འགོད་པ་བསྟན་འཛིན་ནོར་བཟང་ལགས་ཀྱིས་བཏང་བའི་གནས་ཚུལ་ལ་གསན་རོགས་གནོངས།

ཨ་རིའི་བོད་དོན་དམིགས་བསལ་འབྲེལ་མཐུད་པ་ལྕམ་ཨུཛ་ར་ཛི་ཡ་ལགས་ཀྱིས་སྤྱི་ནོར་༧གོང་ས་༧སྐྱབས་མགོན་ཆེན་པོ་མཆོག་གི་༧སྐུའི་འཁྲུངས་སྐར་ལ་འཚམས་འདྲི་གནང་བ་དང་ཆབས་ཅིག བོད་དོན་དཀའ་རྙོག་སེལ་ཐབས་སོགས་ལ་ཨ་རིའི་གཞུང་གིས་མུ་མཐུད་རྒྱབ་སྐྱོར་གནང་གི་ཡིན་གསུངས་སོང་བའི་སྐོར། རྣམ་རྒྱལ་ཤཱསྟྲིས་སྙན་སྒྲོན་ཞུས་ཡོད།