ཨ་རིའི་རླུང་འཕྲིན་ཁང་།

རྒྱ་གར་ནང་སྤྱི་ཟླ་༦ -༩བར་རླུང་ཁམས་འགྱུར་ལྡོག་ལ་བརྟེན་ནས་བསྟུད་མར་ཆར་ཞོད་ཆེན་པོ་ཡོང་གི་ཡོད་པས་ན། གནམ་གཤིས་འགྱུར་ལྡོག་དེས་རྒྱ་གར་གྱི་ཞིང་པ་དང་ས་གནས་མང་ཚོགས་ཀྱི་འཚོ་བར་ཤུགས་རྐྱེན་ཇི་ཙམ་བྱེད་ཀྱི་ཡོད་པ་སོགས་ཀྱི་སྐོར་ལ་འབུམ་རམས་པ་ཚེ་རིང་དབྱངས་ཅན་ལགས་དང་ཚེ་བརྟན་ཆོས་སྒྲོན་ལགས་གཉིས་གླེང་མོལ་བྱས་ཡོད།

ཡུཀ་རེན་གྱི་དམག་མིས་ཡུལ་དེའི་ཤར་ཕྱོགས་ཀྱི་གྲོང་ཁྱེར་ལི་སི་ཅན་སག་ནས་ཕྱིར་འཐེན་བྱས་འདུག་པ་དང་ཆབས་ཅིག ཨུ་རུ་སུས་ཡུ་ཀེ་རན་ཤར་ཕྱོཌ་ཀྱི་མངའ་སྡེ་ཡོངས་སུ་དབང་འཛིན་བྱས་ལུགས་ཀྱི་འདོད་གཏམ་བཤད་འདུག་པ་སོགས་ཀྱི་སྐོར་ཕུན་ཚོགས་ཚེ་རིང་ལགས་ཀྱིས་སྙན་སྒྲོན་ཞུ་ཡི་རེད།

འདི་ལོའི་ཨ་རིའི་རང་བཙན་ཉིན་མོ་འདི་དང་པོའི་ཚེས་དྲུག་གི་དོན་རྐྱེན་ཐོག་འདྲི་ཞིབ་བྱེད་བཞིན་པ། ཉེ་ཆར་ཆེས་མཐོའི་ཁྲིམས་ཁང་ཆེན་མོས་མངལ་གནས་ཕྲུག་འདོར་དང་ མེ་མདའི་བདག་དབང་གི་ཁྲིམས་གཞིར་འགྱུར་བཅོས་བཏང་བ་བཅས་རྙོག་ཟིང་ཆེ་བའི་དུས་སྐབས་ཤིག་ལ་སྲུང་རྩིས་བྱེད་ཀྱིན་པ་ནོར་བུ་བསམ་འཕེལ་ལགས་ཀྱིས་སྙན་སྒྲོན་ཞུས་གནང་གི་རེད།

འབྲུག་ཡུལ་ནང་དཔལ་འབྱོར་སླར་གསོ་ཡོང་ཐབས་སུ་རིང་མིན་ཕྱི་ཟླ་དགུ་པ་ནས་བཟུང་ཡུལ་དེའི་ནང་རྒྱལ་སྤྱིའི་ཡུལ་སྐོར་སྤྲོ་འཆམ་པ་རྣམས་བསྐྱར་དུ་ཡོང་ཆོག་པ་དང་ཆབས་ཅིག ཉིན་རེའི་སྤྲོད་བབ་དངུལ་རིན་སྤོར་རྒྱུའི་གསལ་བསྒྲགས་བྱས་འདུག་པའི་སྐོར་ཀུན་བཟང་སྒྲོལ་མ་ལགས་ཀྱིས་སྙན་སྒྲོན་ཞུ་རྒྱུ་རེད།

ཉིན་ལྟར་ཐོན་བཞིན་པའི་བོད་དང་ཨ་རིའི་གསར་འགྱུར་ཁག་དང་། འཛམ་གླིང་གསར་འགྱུར་ཁག་རྒྱང་སྲིང་ཞུས་པ་ཕུད། དེ་མིན་དམིགས་བསལ་ལེ་ཚན་ཁག་ཅིག་རྒྱང་སྲིང་ཞུ་བཞིན་ཡོད།

ཉིན་ལྟར་ཐོན་བཞིན་པའི་བོད་དང་ཨ་རིའི་གསར་འགྱུར་ཁག་དང་། འཛམ་གླིང་གསར་འགྱུར་ཁག་རྒྱང་སྲིང་ཞུས་པ་ཕུད།  དེ་མིན་དམིགས་བསལ་ལེ་ཚན་ཁག་ཅིག་རྒྱང་སྲིང་ཞུ་བཞིན་ཡོད།

རྒྱ་ནག་ནང་ཏོག་དབྱིབས་ཀྱི་ནད་འབུ་ཁྱབ་གདལ་སྔོན་འགོག་ཆེད་བརྟག་དཔྱད་ཇི་ཙམ་བྱས་ཀྱང་ནད་རྟགས་ཐོན་པ་ཇི་མང་དུ་འགྲོ་བཞིན་ཡོད་པ་མ་ཟད་ད་རེས་ཧོང་ཀོང་ནང་ཞི་ཅིང་ཕིང་དང་མཉམ་དུ་པར་རྒྱབ་མཁན་མཐོ་རིམ་མི་སྣ་ཞིག་ལ་ཡང་ནད་འབུ་དེ་འགོས་ཡོད་པའི་སྐོར་འཛམ་གླིང་གི་གསར་འགྱུར་རྒྱུད་ལམ་ཁག་ནང་ཐོན་ཡོད་པ།

༄༅།། རྒྱ་ནག་གི་ཕྱི་སྲིད་བློན་ཆེན་གྱིས་བྷར་མའི་ནང་འཚམས་འདྲི་བྱེད་ཀྱི་ཡོད་ཅིང་། ཁོ་པའི་འཚམས་འདྲི་དེ་ནི་དམག་མིས་གཞུང་གི་སྲིད་བཙན་འཕྲོག་བྱས་པའ་ིརྗེས་ཀྱི་འཚམས་འདྲི་དང་པོ་དེ་ཡིན་པ་སོཌ་ཀྱི་སྐོར་ལ་གསར་འགྱུར་བརྒྱུད་ལམ་དུ་ཐོན་པའི་གནས་ཚུལ་ཁག་ཕུན་ཚོཌ་ཚེ་རིང་གིས་སྙན་སྒྲོན་གནང་གི་རེད།།

༄༅། ༧གོང་ས་མཆོག་གི་སྐུའི་འཁྲུངས་སྐར་གྱི་གཞུང་འབྲེལ་མཛད་སྒོའི་སྐུ་མགྲོན་གཙོ་བོར་ཧི་མ་ཅལ་མངའ་སྡེའི་སྤྱི་ཁྱབ་བློན་ཆེན་མཆོག་མགྲོན་འབོད་གནང་ཡོད་པའི་སྐོར་ཀུན་བཟང་སྒྲོལ་མས་ཕབ་བསྒྱུར་དང་སྙན་སྒྲོན་ཞུ་གི་རེད།།

ཐེངས་འདིའི་རྩོམ་སྒྲིག་པའི་གཏམ་ཚོགས་ཀྱི་ལས་རིམ་ནང་། ཕྱི་ཟླ་བདུན་པའི་ཚེས་༢ ཉིན་སྐུ་ཚེ་མ་ཟིན་པའི་ཆབ་སྲིད་བཙོན་པ་ཟུར་པ་བླ་བྲང་འཇིགས་མེད་རྒྱ་མཚོའམ་ཡོངས་གྲགས་སུ་འཇིགས་མེད་མགོ་རིལ་ཞེས་འབོད་པ་ཁོང་གི་ལོ་རྒྱུས་དང་། སྙིང་སྟོབས་ངོ་སྤྲོད་བྱས་ཡོད།