ཨ་རིའི་རླུང་འཕྲིན་ཁང་།

དེང་སྐབས་རྒྱ་ནག་ཕྱོགས་ནས་ཉེན་ཁའི་གནས་སྟངས་ཇེ་ཆེར་འགྲོ་བཞིན་ཡོད་པའི་སྐབས་འདིར་རྒྱལ་ཁབ་ལྔས་དེ་སྔ་ལོ་ངོ་༥༡གོང་དུ་བཞག་པའི་བདེ་འཇགས་ཀྱི་མཐུན་གྲོས་དེ་སླར་གསོ་བྱས་ཡོད་པ་བཅས་ཀྱི་སྐོར་རྒྱལ་སྤྱིའི་གསར་འགྱུར་བརྒྱུད་ལམ་ཁག་གི་ནང་ཐོན་པའི་གནས་ཚུལ་རྣམས་ཀུན་བཟང་སྒྲོལ་མས་ཕབ་སྒྱུར་དང་སྙན་སྒྲོན་ཞུ་རྒྱུ་རེད།

ཉི་ཧོང་གི་ཨབ་ཐང་རྩེད་མཁན་ཞིག་ལ་དྲ་ལམ་ཐོག་དམའ་འབེབས་ཤུགས་ཆེ་བྱུང་སྟེ་རང་ཤི་རྒྱབ་པའི་དོན་རྐྱེན་བྱུང་བའི་རྗེས་ཉི་ཧོང་གྲོས་ཚོགས་ཀྱིས་སྤྱི་ཚོགས་དྲ་ལམ་ཁག་གི་ཐོག་གཞན་ལ་དམག་འབེབས་ཀྱི་འཆལ་གཏམ་སྤེལ་མཁན་ལ་བཙོན་འཇུག་གི་ཉེས་ཆད་ལྗི་པོ་འགེལ་རྒྱུའི་ཐག་གཅོད་གནང་ཡོད་པའི་སྐོར་ནམ་མཁའ་བསྟན་འཛིན་སྙན་སྒྲོན་ཞུས་ཡོད།

ཟླ་འདིའི་ནང་ཨ་རི་དང་ཐེ་ཝན་བར་དུ་འཐབ་ཇུས་ཐད་མཉམ་འབྲེལ་བྱ་ཕྱོགས་ཀྱི་གྲོས་མོལ་བྱ་འཆར་ཡོད་པ་དང་། གྲོས་མོལ་གྱི་ནང་དོན་ནི་དམག་དོན་སྦྱོང་བརྡར་དང་། ཨ་རིས་ཐེ་ཝན་ལ་མཚོན་ཆ་བཙོང་རྒྱུ་སོགས་ཀྱི་སྐོར་ཡིན་པའི་གནས་ཚུལ་དཀོན་མཆོག་དོན་གྲུབ་ཀྱིས་སྙན་སྒྲོན་ཞུ་གི་རེད།

ཨུ་རུ་སུས་ཡུཀ་རེན་གྱི་ཤར་ཕྱོགས་གྲོང་ཁྱེར་གཅིག་གི་ས་ཁྱོན་བརྒྱ་ཆ་༨༠ཙམ་ཞིག་བཙན་བཟུང་བྱས་ནས་ཡུག་རེན་གྱི་ཤར་ཕྱོགས་ཀྱི་ཟམ་པ་གསུམ་ལ་ཨུ་རུ་སུས་གཏོར་སྟེ་ཕན་མེད་དུ་བཏང་རྗེས་ཡུག་རེན་གྱི་དམག་མིས་སི་ཝོ་རོ་དྷོན་ཚེག་(Sievierodonetsk)ས་གནས་ནས་ཨུ་རུ་སུའི་དམག་ལ་འགོག་རྒོལ་མུ་མཐུད་པ་ཀུན་བཟང་སྒྲོལ་མས་སྙན་སྒྲོན་ཞུས་ཡོད།

རེས་གཟའ་ཉི་མར་སིང་ཀ་ཕོར་ནང་གི་རྒྱལ་སྤྱིའི་ལྷན་ཚོགས་དེའི་ཞོར་དུ་ཨོ་སི་ཀྲོ་ལི་ཡ་དང་རྒྱ་ནག་གི་བར་གྲོས་མོལ་བྱུང་བ་དེ་ཐོག་ནས་འདས་པའི་ལོ་ཤས་ནང་ཡུལ་གྲུ་གཉིས་ཀྱི་གཞུང་གི་འབྲེལ་ལམ་ཆད་པ་དེ་བསྐྱར་གསོ་བྱ་རྒྱུར་མདུན་སྐྱོད་ཀྱི་གོམ་པ་ཞིག་ལ་ངོས་འཛིན་བྱེད་ཀྱིནཡོད་པའི་སྐོར་ཚེ་བརྟན་ཆོས་སྒྲོན་གྱིས་ཕབ་སྒྱུར་ཞུས་ཡོད།

ཉིན་ལྟར་ཐོན་བཞིན་པའི་བོད་དང་ཨ་རིའི་གསར་འགྱུར་ཁག་དང་། འཛམ་གླིང་གསར་འགྱུར་ཁག་རྒྱང་སྲིང་ཞུས་པ་ཕུད། དེ་མིན་དམིགས་བསལ་ལེ་ཚན་ཁག་ཅིག་རྒྱང་སྲིང་ཞུ་བཞིན་ཡོད།

ན་ནིང་གི་སྤྱི་ཟླ་དང་པོའི་ཚེས་༦ཉིན་ཨ་རིའི་གྲོས་ཚོགས་ཁང་ལ་གཏོར་རྒོལ་བྱུང་བར་ཞིབ་དཔྱོད་གནང་མཁན་ཨ་རིའི་གྲོས་ཚོགས་འོག་མའི་ཚོགས་ཆུང་གིས་ཉན་ཞིབ་གཉིས་པ་དེ་རེས་གཟའ་ཟླ་བའི་ཉིན་བརྙན་འཕྲིན་བརྒྱུད་ལམ་ཁག་ཏུ་ཡོངས་བསྒྲགས་ཐད་གཏོང་བྱས་འདུག

དེ་རིང་ས་ག་ཟླ་བའི་ཚེས་༡༥དང་སྟབས་བསྟུན་ཏེ་སོག་པོའི་ནང་བ་ཚོར་སྟོན་པ་བཅོམ་ལྡན་འདས་ཀྱི་རིང་བསྲེལ་མཇལ་ཁ་ཞུ་རྒྱུའི་གོ་སྐབས་བྱུང་འདུག སྟོན་པའི་རིང་བསྲེས་དེ་དག་ཉིན་༡༤ ལ་སོག་པོའི་དགའ་ལྡན་དགོན་པར་བཞུགས་རྗེས་རྒྱ་གར་ལ་ཕྱིར་གདན་ཞུ་གནང་རྒྱུ་ཡིན་པའི་སྐོར། འདི་གའི་གསར་འགོད་པ་བསྟན་འཛིན་ནོར་བཟང་གིས་གནས་ཚུལ་སྤེལ་ཡོད།

༄༅།། བལ་ཡུལ་ནང་བུད་མེད་ཨིན་དྷི་ར་ར་ན་མ་གྷར་གྱིས་འདས་པའི་མི་ལོ་༣༣རིང་དབུལ་ཞིང་ཉམ་ཐག་པའི་ཕྲུག་གུ་དང་། ཕ་མ་བཙོན་ཁང་ནང་ཡོད་པ་བཅས་ཀྱི་ཕྲུག་གུ་ཉིས་སྟོང་ཙམ་བཙོན་ཁང་ནས་བཏོན་ཏེ་དེ་དག་ལ་ཤེས་ཡོན་སློབ་སྦྱོང་དང་ལྟ་སྐྱོང་བྱས་པའི་སྐོར་ཚེ་བརྟན་ཆོས་སྒྲོན་ལགས་ཀྱིས་སྙན་སྒྲོན་ཞུས་ཡོད།

༡༩༨༩ ལོར་རྒྱ་ནག་གིས་བོད་ཀྱི་གནད་དོན་སྐོར་གྱི་དྲི་བ་བརྒྱ་ཞེས་པའི་དེབ་ཆུང་ཞིག་བཏོན་ཡོད་ཀྱང་ཆེད་མཁས་མི་སྣ་ཚོས་ཞིབ་འཇུག་བྱས་ཏེ་ལན་འདེབས་བྱས་པ་ཞིག་བདེ་ཆེན་རྒྱ་མཚོ་ལགས་དང་ནམ་མཁའ་བསྟན་འཛིན་ལགས་གཉིས་ཀྱིས་བགྲོ་གླེང་གནང་བ་ཞིག་ལ་གསན་རོགས་གནང་།