Dëse Sonndeg ass a Japan déi eenzeg Course am Kader vum Motorrad-Endurance-Weltcup ausserhalb vun Europa. D’Ekippe bestinn aus zwee bis dräi Piloten, déi sech bei de Boxestoppen ofwiesselen. Mat derbäi ass dëst Joer nees de Lëtzebuerger Chris Leesch an der Superstock-Kategorie. Mat senger Ekipp Dafy-Rac41 hëlt de jonke Motocyclist scho fir d’zweet un der Course a Japan deel a rechent sech gutt Chancen op eng Podiumsplaz aus.