حبيت افضفض او ادردش مع نفسي شوية. لقيتني سجلت حلقة بودكاست جديدة!

اتكلمت عن ازاي تحسب قسط القرض البنكي بتاعك، وشرحت فايدة القروض بتتحسب ازاي. اتمني تستفيدوا وتشاركوني باسئلتكم

يعني ايه فيزا وماستركارد واميركان اكسبريس وديسكوڤر وميزا. Visa , Mastercard , Discover , American Express

زي ما مينفعش تسيب فلوسك تتسرق منك مينفعش تشارك البيانات بتاعة الفيزا بتاعتك مع اي حد. خلي بالك من فلوسك. مستني رأيكم فى الحلقة واسئلتكم.

حبيت اتكلم عن وسيلة البنك بيأمن بيها تعاملاتك علي الانترنت باستخدام بطاقاتك البنكية. التقنية دي اسمها 3D Secure يارب تستفيدوا ومستني رأيكم وأسئلتكم.

حبيت اجاوب عن تساؤل بيجي فى دماغ ناس كتير من اللي متابعاني علي يوتيوب من زمان، وهو ليه بطلت اصور فيديوهات وبقيت اسجل بودكاس؟! مستني كل اسئلتكم وارائكم.

حبيت اجاوب الاسئلة بتاعتكم علشان اشجعكم تسيبوا اسئلة تانية وعلشان لو فيه حد مش عارف الاجابة يعرفها، وحبيت برضو بالمرة اجاوب شوية اسئلة انتوا سايبينها علي اليوتيوب. بشجعكم تتابعوني وتسيبوا كل اسئلتكم.

ليه دايما مش مبسوط زي اللي حواليا؟ ليه كل حاجه معانده معايا؟ ليه كل حاجه مش سهله زي اللي حواليا؟ ليه دايما مبلحقش افرح؟ وليه وليه وليه، حبيت ادردش مع نفسي الاول وبعدين معاكم كام حاجه كدا دايما بمر بيها واكيد فيه كام واحد فيكم بيمر بيها. لو عجبك النوع دا من الحلقات ياريت تبلغني. شكرا ومستني رأيكم واسئلتكم.

حبيت اتكلم عن بعض المشاكل اللي ممكن تقابلك وانت بتشتري بالفيزا بتاعتك سواء اونلاين من مواقع او من تجار بقي حواليك. شاركت معاكم اغلب المشاكل اللي واجهتني وحليتها ازاي. يارب تستفادوا، ومستني كل اسئلتكم وارائكم طبعا.

حبيت اتكلم عن موضوع خفيف ومهم فى نفس الوقت وهو طريقة حساب الفايدة فى حساب التوفير او الشهادة البنكية بتاعتك او حتي الوديعه البنكية.. ليه حبيت اتكلم عن الموضوع دا؟ علشان فيه خطأ شائع عند ناس كتير حبيت اصححه واوضح الطريقة الصح علشان تحسب الفايدة. مستني كل اسئلتكم وارائكم.