Agriskoops (Afrikaans)

Op vandag se Agriskoops gesels ons met Flip de Bruyn van die maatskappy Infoled. Flip is ʼn senior verkoopskonsultant by die maatskappy wat veral fokus op landbou en kommersiële gebruik van sonkrag. Hy vertel meer oor die proses om ʼn sonkragstelsels op jou plaas te installeer, waarvoor jy alles moet oplet en hoe Infoled jou deur die proses kan help.

Op vandag se Agriskoops gesels ons met Juandre Erasmus. Hy is die besigheids-ontwikkelingsbestuuder by die maatskappy Candi Solar. He gesels met ons oor verskillende sonkrag finansierings opsies vir boere. Hoe hulle boere help in terme van seisoenale kontant vloei en hul bestaande stelsels.

In hierdie episode van Ecoskoops gesels ons verder oor water. Ons gaan voort met ons gesprek met Gerhard Cronje, uitvoerende hoof van Maskam Water, oor hoe hul baanbrekende afvalwaterbehandelingstelsels besoedeling skerp kan verminder en volhoubare alternatiewe wateropsies vir huishoudings, plase en hele gemeenskappe kan bied. Van gedesentraliseerde behandeling tot die weer gebruik van water op die perseel, ons kyk na hoe slim ingenieurswese afvalwater van 'n las in 'n waardevolle hulpbron kan omskep.

Op vandag se Agriskoops gesels ons met At van Schalkwyk. Hy is die bemarkingsdirekteur by die maatskappy World Focus Agri. Hy vertel ons meer oor die maatskappy en waarop hulle fokus. Ons vind ook meer uit oor plant energie bestuur.

Op vandag se Agriskoops gesels ons met Albertus Burger. Hy is betrokke die Suid-Afrikaanse Besproeiingsinstituut (SABI). Hy deel met ons belangrike statistieke en feite oor water en hoekom dit belangrik is dat ons dit bewaar.

Op vandag se Agriskoops hoor ons van Nantes Kelder. Hy is die projek-koördineerder interkulturele samewerking en verhoudings by AfriForum. Die opkomende boerdery van die Bahurutshe Ba Ga Moiloa-stigting in die Mafikeng-distrik het onlangs hul tweede oes van verskeie soorte groente gehad. AfriForum het verlede jaar die stigting bygestaan met belangrike toerusting om die boerdery se produktiwiteit, volhoubaarheid en winsgewendheid te verbeter. Nantes vertel hoekom hierdie projek veral suksesvol is.

Op vandag se Agriskoops gesels ons met Michael Meyer. Hy is die bemarkingsbestuurder by KM Hydraulic Solutions. Hy verduidelik hoe boere begin oorskakel na ʼn hidroulies aangedrewe pomp in die plek van tradisionele toerusting in terme van plaasveiligheid en brandbestryding.

Op vandag se Agriskoops gesels ons met Emile van den Berg. Hy is die Nasionale Agronomiebestuurder van Pioneer Seeds in Suid-Afrika. Hy gesels oor innovasie by die maatskappy en hoe dit ʼn toekoms kan verseker vir toekomstige geslagte, in terme van boerdery en voedselsekerheid.

Op vandag se Agriskoops luister ons na die uitvoerende hoof van TLU SA, Bennie van Zyl. Hy gesels oor die komplekse verhouding tussen die boer en die natuur, en deel hoekom hy soveel respek vir ons land se boere het.

Op vandag se Agriskoops gesels ons met Elsje Schreuder. Sy is deel van die tegniese- en bemarkingspan by Rovensa Next Sub-Sahara Afrika. Rovensa Next is ‘n multi-nasionale maatskappy wat  biologiese oplossings bied vir boere wat meer volhoubaar wil boer. Elsje deel belangrike inligting oor een van hulle produkte wat as ʼn belangrike byvoegmiddel vir landbouchemie in die landboubespuitingsproses gebruik kan word.