Eise Reporter Pierre Reyland mellt sech vun der Plaz.

De Grand-Duc Guillaume leet säin Eed virun der Chamber of.

Eise Reporter Pierre Reyland mellt sech kuerz virun der Vereedegung vum Grand-Duc Guillaume.

Leit aus der ganzer Welt hunn sech op d’Péitersplaz zu Roum versammelt. Si wëllen de berüümte wäissen Damp gesinn deen d’Wiel vun engem neie Poopst nom Doud vum Franziskus haut annoncéiere kéint.

Bis elo gouf et just schwaarzen Damp ze gesinn, dat heescht dat déi 133 Kardineel an der Sixtinescher Kapell nach keng Zweedrëttel-Majoritéit fonnt hunn.

Eise Korrespondent Philip Crowther ass zu Roum an huet do och Lëtzebuerger getraff.

Mir hu bei verschiddenen Acteuren nogefrot.

Historesch, monumental, du jamais-vu – sou gëtt a Groussbritannien d’Victoire vun der Labour-Partei bei de Parlamentswalen kommentéiert. No 14 Joer an der Oppositioun huet d’Labour-Partei bei de Parlamentswalen kloer d’Majoritéit gewonnen. 410 vun 650 Deputéiert am Parlament dierft déi sozialdemokratesch Labour BBC-Prognosen no stellen. Dat sinn der duebelt sou vill wéi bis elo. Déi konservativ Tories sinn ofgewielt a mussen eng schwéier Néierlag hinhuelen. Groussbritannien steet virun engem Muechtwiessel. De Labour-Chef Keir Starmer gëtt den neie Premierminister a kënnt an d’Downing Street. Schonn haut wäert de King Charles him den Optrag vun der Regierungsbildung ginn. Éischt Reaktiounen no de Walresultater huet den ARD-Korrespondent Christoph Prössel.

Wou sinn d'Léisunge fir d'Aarmutsbekämpfung? Dat sinn d’Froen déi d’Oppositiounsparteie sech gëschter no der Ried vum Premier Luc Frieden zur Lag vun der Natioun gestallt hunn.

D'Commemoratioune fir den 80. Anniversaire vun de Landungen an der Normandie fänken dëse Méindeg an England un. D'Veterane gi fir d'éischt op Portsmouth am Süde vum Land, wou d’Kommandozentral war, éier e puer vun hinnen duerno iwwer den Äermelkanal an d'Normandie ginn. Si si bal 100 Joer al, mee wat si erlieft hunn, wéi si jonk waren, deemools de 6. Juni 1944, den Dag vun de Landungen an der Normandie, dorunner erënnere si sech heiansdo, wéi wann et gëschter gewiescht wier. Eis Korrespondentin Marie Billon bericht vu London.

De Björn Höcke gëllt als ee vun den ëmstriddenste Politiker an Däitschland. Hien ass Chef vun der AFD an Thüringen, déi vum Landesverfassungsschutz als rietsextrem agestuuft gouf an ënner Observatioun ass. Ëmmer nees si Riede vum Höcke an d’Diskussioun geroden. An elo steet hien dowéinst viru Geriicht. Hien kritt virgehäit, NS-Vocabulaire a Symboler vun terroristeschen a verfassungsfeindlechen Organisatioune benotzt ze hunn.  De fréiere Geschichtsenseignant behaapt, dass hien net wosst, dass et sech bei deene Begrëffer ëm eng verbueten SA-Parole gehandelt huet. 

Beim Optakt vum Prozess um Landgericht zu Halle an Däitschland gouf et eng Rei Ënnerbriechungen. Et hat e puer Stonne gedauert, bis datt d’Uklo virgelies konnt ginn.