Misirangoolu tuŋ be feŋ meŋnu batuliŋ, Ala xi ii tee, xi ii tee, xi i tee. Woo keliŋo, a xa yita, xo ate kiliŋ nee mu Ala ti, xo ate kiliŋo mu Mansoo ti.

Kiiti ñaa labaŋo, Ala naata meŋ ti, woo be xuuyaa la toolu ti, bari Ala xa kisi siloo labo, ii bee kiliŋ kiliŋ se kisi woo kitoo ma ñaa meŋna la fanaŋ. Woo keliŋma, a xa a la gullo baa fanaŋ mawura tuguŋ, xa a tanxumaŋ nn yeŋ. Ni i fakili ta a kuu, Ala la gullo ba mu feŋ meŋ ti, woo mu siloo ti, Ala faŋo xa meŋ natege, ate faŋo be meŋ ñaa bo la, fo Haadamadiŋo se kisi jahanama taxoo ma ñaa meŋ na.

Musaa niŋ a la moxoolu be Misira arame niŋ geyjiy wuleŋo fulaŋ tee. Bori dulaaŋ ti ii yeŋ. Ii mee Misira kele fanaŋ. Woo to, ii se muŋ ke? Ii mee fuwi noo, fo xa sigi, xa Ala la kisoo maxonoŋ. Ala xi ii kisi ñaa meŋna la, nn be woo lee je la karaŋo niŋ nee to, xa a je fanaŋ, Ala mutoo niŋ diina mutoo be talaaliŋ ñaa meŋnu la.

I xa a loŋ, keñee wuloo be ñaa meŋ, jiy te jee, domoliŋ te je. Fuwi te jee.  Bari, haabii, Ala xa moxoo million fula ñoxoŋ topoto keñee wuloo lee xono la, a xi ii labo joŋñaa to Misira waxatoo meŋ. Ilaŋ nn xa a mee, a xa woo ke ñaa meŋ.

Ala xa laafidoo meŋ taa Musaa yeŋ, a xa woo daafaa lee. A naata Musaa niŋ Isirayilangoolu ti Sinayi konkoo xaŋ tuguŋ, a tuŋ xumata a yeŋ jaŋ meŋ, a xa a kii luŋ meŋ.  Silaŋ, Ala xumata ii jamaa yeŋ, xa a la sariyaŋ taŋolu fo.

Ala la sariyaŋ taŋo be ñaa meŋ, ni i xa haali kiliŋ tiñaa, fo i xa faxa.  Woo mu lee, i niŋ i Daali Mansoo xa xaŋ xa talaa lee, kadawuŋ.  Ilaŋ nn xa sariyaŋ doolu lamee, xa a je, fo i xa doolu tiñaa ii to.

Ala xoo, xo jalaŋo mee ke. Bari, i sa a tara naa, jalaŋo mu feŋ meŋ ti, yiri doroŋ te, kuru doroŋ te.  Jalaŋo mu feŋ meŋ ti, i je feŋfeŋ bula Ala ñaa, xa a lasiyaa Ala ti, woo lee keŋ mu jalaŋo ti Ala ñaa xoto. Ilaŋ nn be woo lee tofo la karaŋo niŋ nee to.

Niŋ meŋ soobee xa Ala la sariyaŋ taŋo lasaxa, a sa a soŋo loo a la, xo a xi ii bee kiliŋ kiliŋ tiñaa lee. I la miira to, Ala fanaŋ tuŋ ma a loŋ, xo haadamadiŋo ba a bee tiñaa la? A tuŋ xa a loŋ nee de! Woo to, niŋ Ala tuŋ xa a loŋ, xo haadamadiŋo mee sariyaŋo muta a ñaa ma, muŋ xa a ti la, a xa sariyaŋo dii? Muŋ nafaa lee be sariyaŋo la, niŋ a mee moxoo kisi noo?

Anabi Musaa be Sinayi konkoo xaŋ tumoo meŋ, Ala xa a fo a yeŋ, xo a xa Tawureta safee. Ni i xa a je, xo Musa xa duniyaa daa ñaa safee, xa nn bembaa Haadamalu la kuwo safee, a niŋ Anabi Nunfuŋ, niŋ Iburayima, Nsyaxa niŋ Yanxuuba. Ala xo a yeŋ, Ate, Ala xa meŋ ke woolu tiloolu la; niŋ wooŋ te, Musaa tuŋ miya ke noo, baawoo ate wuluuta sanjiy siyamaŋ siyamaŋ woo tiloolu xoo la.

Anabi Musaa tuŋ be konkoo xaŋ tumoo meŋ, Isirayilnagoolu boyita sika la a to, xa miira, xo aŋ te naa kuta la.  Ii woomaalu xa turandiŋ samumaa lee daraa, xa woo lee batu.  Xa a fo, xo woo lee xi i labo Misira, xo woo lee bi ii topoto la.  Awa. Ala xo Musa a yeŋ, xo ii la woo lee xaŋma, xo a ba a fee xi ii bee kiliŋ kiliŋ siilasaa.  Xa tara, Musa xa Ala mataraa, fo a mini ii faxa.  I la miira to, Musaa xa Ala matara muŋ xaŋ ma?  A xoo, xo ii miya ñoxoŋ ke ba?  A xoo, xo ii mu moxoo ñimmaa leelu ti ba? Ilaŋ nn xa a mee Musaa xa Ala mataraa ii yeŋ meŋ xaŋ ma.