Kommunuval

Eg havi valt at stilla upp aftur til býráðsvalið, sum verður tann 12. november. Eg havi sitið leingi í býráðnum í Fuglafirði - ja, í 24 ár, so mann hevur eftirhondini nakað av royndum. 

Ómetaliga nógv er hent hesi árini. Uttan at fara í smálutir her, kann eg nevna barnagarðsøkið, skúlaøkið, fríðkanarøkið, mentanarøkið og harí eisini ítróttarøkið - og so vinnuøkið. Sera, sera stórur framburður hevur verið í øllum hesum lutum. 

Veri eg valdur aftur, fari eg framhaldandi at virka fyri, at Fuglafjørður verður ein góð og trivnaðarrík kommuna at búgva í, og millum annað mangt fari eg at arbeiða fyri, at 64 skúlin verður settur í stand (endurnýggjaður), at nýggja miðbýarætlanin verður sett í verk og ikki minst, at vit framhaldandi hava møguleika at seta búgv í okkara kommunu. Hetta er sjálvandi bara ein lítil partur úr rúgvuni, - og meira verður at frætta framyvir.

So - eg vóni sjálvandi at verða valdur.

X við lista B

X við Eyðun á Lakjuni