Ufiertamos una entrevista especial n'esta Selmana de les Lletres Asturianes con Carlos Pulgar, ún de los voceros de la Xunta pola Defensa de la Llingua Asturiana, que convoca añalmente una manifestación n'Uviéu col llema "L'asturianu, llingua oficial".

Sedrá esti vienres 8 a les 19.30 dende la Estación Norte na cai Uría d'Uviéu.

www.alderiquesdasturies.com

TV y Radio 100% n'asturianu

Esta selmana ufiertamos a los/es nuesos/es oyentes dos programes d'Alderiques d'Asturies TV.

Pa entamar, tuvimos en Xixón na Manifestación nel Día La Muyer organizada pola Plataforma Feminista d'Asturies recoyendo delles valoraciones.

L'otru asuntu que tratamos nel programa de güei ye l'usu del asturianu nel Conceyu Bimenes áu falemos con Aitor García, conceyal nel consistoriu yerbatu y con Daniel Cueli, el técnicu responsable de la Estaya de Cultura.

Esta selmana ufiertamos dos reportaxes iguaos por Alderiques d'Asturies TV.

Entamamos pola segunda parte del reportaxe "Corrupción n'Asturies" onde afondamos nes trames corruptes del nuesu país. Esta vegada'l testimoniu ye'l d'Antón Saavedra, ex-sindicalista y ex-parllamentariu asturianu.

Darréu sentiremos los testiomonios de persones represaliaes pol franquismu que tuvieron presentes nes Xornaes organizaes al respeutive pola Comuna d'Asturies.

Una selmana más ufiertamos dos entrevistes feches na canal de tv online "Alderiques d'Asturies".

Entamamos cola que fiximos al candidatu a la Secretaría Xeneral de Podemos Asturies dende la corriente Somos Asturies, Daniel Ripa, coles entrugues que mos apurrió la xente al traviés de les redes sociales.

Tamién tuvimos presentes na Gala d'Embaxadores L'Anguleru 2015 que se cellebró en Xixón. Ellí falemos con dellos protagonistes.

Güei ufiertamos el programa de televisión qu'organizó Alderiques d'Asturies coles opiniones de dellos representantes de l'Asturies social nel que se faló d'un garapiellu temes.

Esta selmana nel nuesu programa ufrimos a los nuesos/es siguiores la entrevista que les cámares d'Alderiques d'Asturies TV fixieron a Alejandro Cao de Benós, representante de Corea del Norte pel mundiu.

Dempués sintiremos a Adrián Calvillo de la organización de la mocedá soberanista asturiana Darréu que tomó unes decisiones nel so últimu conceyu.

Pa rematar, ufiertamos asinamesmu la charra completa de Cao de Benós nel centru social autoxestionáu La Llume de Xixón.

Esta selmana ufiertamos a los/es nuesos/es oyentes el programa televisión que la canal on-line Alderiques d'Asturies TV ufrió a los/es sos siguiores onde se recueyen les opiniones de trés convidaos que falen alrodiu'l Casu Fernández Villa y la corrupción en xeneral n'Asturies.

Ellos son:

-Pablo Álvarez, ex-delegáu sindical d'UXT Metal

-Xuan Cándano, Direutor de la revista Atlántica XXII

-Paulo Arboleya, miembru del partíu políticu Andecha Astur

Esta selmana ufiertamos a los nuesos/es oyentes l'alderique que fiximos alrodiu "Persones con Característiques Especiales" na nuesa canal de tv on-line "Alderiques d'Asturies" con miembros de l'Asociación Ceapas y con dos Mas con neños con estremaos problemes.

Amás conoceremos el llabor que fai la ONG Soldepaz Pachakuti.

www.alderiquesdasturies.com

Güei nel nuesu programa ufiertamos dos entrevistes feches nes cámares d'Alderiques d'Asturies TV con Ana María Fueyo, direutora de Política Llinguística del Gobiernu d'Asturies y l'Especial que fiximos nel Intercélticu d'Avilés cellebráu esti branu.

Esta selmana ufiertamos a los nuesos/as oyentes l'Especial 69ª Vuelta España que fiximos n'Alderiques d'Asturies TV col ex-ciclista profesional asturianu, Benjamín Noval, col qu'afondamos nesta carrera de trés selmanes que se ta corriendo estos díes.

www.alderiquesdasturies.com