Allerhand

Hoi Mitenand! Schö üch endlich wiedermal zunere nüüä Podcastfolg döffä z begrüesse und eini wo mir unglaublich Freud macht!

Ich ha döffä mit eim vo üsnä zwei Ständerät usem Kanton redä. De Mathias Zopfi. Agfragt hani ihn ämal mit de Idee, zum gmeinsam überleggä, wie mä viellicht politisch chenti Chostäwahrheit implementiere. Zu dem Thema hets zum Abschluss mega gueti Gedanggä vom This Zopfi geh, wo mich selber mega motiviered, i die Richtig wiiterzdänggä. Für ihn staht im Moment aber es anders Thema no meh im Zentrum und das isch würggli beidruckend gsii. Er isch vor vor einigä Täg mitere schwiizer Delegation ide Ukraine gsi, zum sich vor Ort es Bild vo de Situation z machä. Det hetter under anderem au mitem Selenskyj über d Unterstützigsmöglichkeit vo de Schwiiz geredet oder sich mitere Bürgermeisterin vomä teils zerbombtä Gebiet troffä. Was er für Idrück, Schlussfolgerigä aber au Hoffnigä mitnimmt, isch mir nach gangä und het mini Sicht au chlä gschärft. Ich hoffä ihr chänd au öppis drus mitneh.

Danggä vielmal für die Ziit woner mir schängged und etz viel Spass mit derä Folg.

 

https://www.mathiaszopfi.ch/

 

Intro und Outro:

The Success by Keys of Moon | https://soundcloud.com/keysofmoon

Music promoted by https://www.chosic.com/free-music/all/

Attribution 4.0 International (CC BY 4.0)

https://creativecommons.org/licenses/by/4.0/

Meeega cool :DE nüüi Podcastfolg! Ich freu mich mega.

 

Ich ha döffä mitem Peter Oberholzer herähoggä und es isch scho wieder mega interessant und sogar konkret wordä... So wie ichs mir wünsche :D

 

Viel Spass! :)

De zweiti Teil vom Podcast mitem Markus, wo politisch grad öppä z Gegäteil vo mir isch… Und trotzdem hemmer igedwie ziemlich z gliiche Ziel… Ich bliib wiiter uf de Suechi nach öpperem woni würggli nöd cha verstoh… 

 

Falls etz nonig abgstumme hesch, wetti da nomal de gliich ufruef wie nachem erste Teil mache. Gang schnell uf Smartvote.ch, lueg det wer du am ehnste söttisch wähle und denn füll die Liste us und wirf sie bis am Dsiestig igedwo bide Post ii, oder bring sie spetischtens bis am Wucheänd uf d Gmeind.Danggä vielmal!

 

Viel Spass mit derä Folg! :)

_______________________________________

Allerhand im Glarnerland - Für meh Nachhaltigkeit und Gmeinschaft!

Merci am JK-OB für de Intro-Beat "Sundown":

https://www.youtube.com/watch?v=41qrZRTNzdk

Uf smartvote.ch chamä paar usgwählti Fragä zu aktuelle politische Themene beantworte. Ufgrund vode eigete Antworte gseht meh denn, welli Landratskandidat*inne im Kanton am beste mit eim selber übereinstimmed. Das hani gmacht. Z Oberst bi mir bi würggli ich gsii… Und denn hani gluegt wer z underst isch, aso mit wem ich am wenigste Übereinstimmig ha. De Markus Schnyder. Er isch bisherige Landrat und Gmeindrat in Glarus Mitti für d SVP. 

Ich hanä grad agschriibe und zumä Podcast iglade. Ich ha ihn under anderem gfragt, was Nachhaltigkeit für ihn isch und was sini Lösigsasätz sind. Das ghöreder etz i zwei Teil 😁.

 

Bevord de zweit Teil losisch, gang doch grad etz schnell uf smartvote.ch, beantworte die Frage und schriib denn entweder die einzelne Lüüt uf die leer Liste (chasch jede Name entweder eimal oder zweimal ufschriibe), oder luegsch welli Partei am meiste vertrete isch und wirfsch die entsprechend Partei-Liste ii.

Bis spätistens am Dsiestig chasch das gratis igedwo bide Post iwerfe oder abgeh, bis am Wucheänd chasches eifach uf de Gmeind verbii bringe. Danggä schomal im Vorus, as du mit diner Stimmabgab d Demokratie stärksch!

 

Viel Spass mit derä Folg! :)

_______________________________________

Allerhand im Glarnerland - Für meh Nachhaltigkeit und Gmeinschaft!

Merci am JK-OB für de Intro-Beat "Sundown":

https://www.youtube.com/watch?v=41qrZRTNzdk

Endli wiedermal e Folg! 

Ich ha döffä mitem Kurt vom VFMB - Verein für musikalische Begeisterung - drüber redä was sie so mached und wieso ases das brucht. 

Am 14. Mai erwartemer üch denn mega gerä im Güeterschuppe zum d glarner Musig-Netzwerk-Plattform mitklangluet.ch vom VFMB z launche. Aber losed selber… :P

 

Viel Spass mit derä Folg! :)

_______________________________________

Allerhand im Glarnerland - Für meh Nachhaltigkeit und Gmeinschaft!

Merci am JK-OB für de Intro-Beat "Sundown":

https://www.youtube.com/watch?v=41qrZRTNzdk

De Bänz isch min beste Kolleg und er gfindet, ich mach zwar cooli Sache mit mine Projekt und de junge Grüene, aber z Problem bi üs Ökos segi, as mir viel Lüüt nöd erreiched… Dadefür müssi mä ebä meh usraste… Und das hani mit ihm probiert.

 

Ihr ghöred i dem Podcast mini überspitzt Meinig und nöd die vom Netzwerk Allerhand im Glarnerland. Das isch mer mega wichtig und ich fühl mich au nöd guet zum die Episode so z veröffentliche… Aber mir bruched nüüi Wäg zum ganz schnell zunere bessere und gerechtere Zuekunft z cho… Und viellicht isch das ja eine :)

 

Viel Spass mit derä Folg! :)

_______________________________________

Allerhand im Glarnerland - Für meh Nachhaltigkeit und Gmeinschaft!

Merci am JK-OB für de Intro-Beat "Sundown":

https://www.youtube.com/watch?v=41qrZRTNzdk

D Ümmi isch mit mir id Kanti und sit denn hani sie nur sehr sporadisch ab und zue gseh. Es isch sehr spannend gsii, mit ihre drüber z redä, ob mir üse Lebensstandard chend rechtfertige und was das für üs heisst wenn nöd.Ich ha das vorher nöd gwüsst, aber d Ümmi het öppä tupf die gliich Meinig i dem Thema wie ich… Eis vo dene Gspräch wo zwei Lüüt sich gegesiitig i ihrer Meinig bestätiged. Ich glaub aber das trotzdem e paar spannendi Gedanke für üch debii sind :)) das werded er etz denn grad ghöre ^^

 

Viel Spass mit derä Folg :D

_______________________________________

Allerhand im Glarnerland - Für meh Nachhaltigkeit und Gmeinschaft!

Merci am JK-OB für de Intro-Beat "Sundown":

https://www.youtube.com/watch?v=41qrZRTNzdk

De Pascal isch en Kolleg vo Basel wo ich imä christliche Leiterkurs für d Jungschi kenneglernt ha, vor paar Jahr. Ursprünglich hani mit ihm wellä drüber philosophiere, ob gläubigi Lüüt e spezielli Verantwortig hend für Nachhaltigkeit. Dadezue ischs aber gar nöd cho, will mir üs bitz imä Gspräch über de Unterschied vo phillipinische Slums undem schwiizer Luxus verlore hend und denn no über di potentiell notwendigkeit vo kinderarbet imä spetere Ziitpunkt diskutiert hend und so wiiter… Schlussamänd hani bim Pascal, wo sich no nie mega mit dem Thema Nachhaltigkeit usenandgsetzt het, döffä für Bioläde werbig mache, was au schöö gsii isch :))

 

Viel Spass mit derä Folg :D

_______________________________________

Allerhand im Glarnerland - Für meh Nachhaltigkeit und Gmeinschaft!

Merci am JK-OB für de Intro-Beat "Sundown":

https://www.youtube.com/watch?v=41qrZRTNzdk

Ich ha d Ehr gha, mitem Regierigsrat Herr Kaspar Becker z redä. Er het z Department Bau und Umwelt vom Kanton unter sich, wo natürlich genau mis Interessegebiet isch und über das hani ihn döffä usfragä.

Es isch nöd nur sehr spannend worde, woni zum Biespiel Iblick becho ha über di aktuell Lag vo üsnä Wälder, sondern au sehr schön persönlich.

Ich bi sehr danggbar für die Ziit wo sich de Herr Becker gno het und döff allne Zuehörer*inne herzlich empfehle, fanged aa mit üsne Politiker*inne z redä. Das Gspräch het mir nomal chli meh Hoffnig gmacht, as mir mitenand mega viel guets chänd erreiche, au wenn d Useforderige riesig sind wo mir vor üs hend.

 

Etz hani üch aber gnueg warte loh, ich wünsch üch ganz viel Spass vim lose vo dere Podcastfolg!

 

Kontakt zum Herr Kaspar Becker:

 

Viel Spass

_______________________________________

Allerhand im Glarnerland - Für meh Nachhaltigkeit und Gmeinschaft!

Merci am JK-OB für de Intro-Beat "Sundown":

https://www.youtube.com/watch?v=41qrZRTNzdk

Mängisch bruchi de Podcast zum mit Lüüt chännä ztue ha, woni viel zu seltä gseh. De Segun isch so eine. Mir hend en früehne Teil vo üsre Chindheit mitenand verbracht, bevor er ine andere Kanton züglet isch…

Er isch nöd numä en Chindheitsfründ vo mir, sondern sin Dad setzt sich für echti Entwickligshilf i sim Herkunftsland Nigeria ii. Über das hani de Segun, wo selber au i das Projekt involviert isch döffä usfragä. 

Gits gueti Entwickligshilf und was het die mit Nachhaltigkeit und mit üs Schwiizerinne und Schwiizer ztue?

Ich ha mega viel glernt und nüüi Erkenntnis gwunnä und hoffä natürli, üch gahts nachem losä vo derä Folg gliich! :)

 

Für wiiteri Infos chänder uf d Websiite www.collett-schweiz.ch

 

Viel Spass

_______________________________________

Allerhand im Glarnerland - Für meh Nachhaltigkeit und Gmeinschaft!

Merci am JK-OB für de Intro-Beat "Sundown":

https://www.youtube.com/watch?v=41qrZRTNzdk