༢༠༢༥ ལོའི་ཟླ ༣ པའི་ཚེས ༢ ཉིན་། ཨམ་སྐད་ཕྱི་དྲོའི་ལས་རིམ་གྱི་ནང་དོན་མདོར་བསྡུས།

༡༽ཨ་མེ་རི་ཀའི་གྲོང་ཁྱེར་ནེའུ་ཡོག་གི་ས་གནས་བོད་མི་རྣམས་ཀྱིས་བོད་ཀྱི་ལོ་གསར་ཚེས ༡ ཉིན་སྤྱི་ཁང་དུ་ལོ་གསར་སྲུང་བརྩི་ཞུ་སྐབས་ཨ་མེ་རི་ཀའི་གྲོས་ཚོགས་གོང་མའི་འཐུས་མི་ཆུ་ཁི་ཞུ་མེར་མཆོག་དང་ནེའུ་ཡོག་གྲོང་ཁྱེར་གྱི་གྲོང་སྡེ་ལས་ཁུངས་ཀྱི་གནད་ཡོད་མི་སྣ་མང་པོ་བཅས་ཆེད་ཕེབས་གནང་སྟེ་བོད་ཀྱི་ལོ་གསར་ལ་བཀྲ་ཤིས་བདེ་ལེགས་ཞུས་པ་དང་མཉམ་དུ་བོད་མི་ཚོར་གསུང་བཤད་གནང་ཡོད་པ་དང་། ཟླ ༣པའི་ཚེས ༤ ཉིན་ཨ་མེ་རི་ཀའི་ཕྱི་སྲིད་ལྷན་ཁང་དུ་སྔར་སོལ་བཞིན་བོད་ཀྱི་ལོ་གསར་སྲུང་བརྩི་ཞུ་རྒྱུ་ཡིན་པ་རེད།

༢༽བོད་ཀྱི་ཆབ་སྲིད་བཙོན་ཟུར་བསྟན་པ་དར་རྒྱས་ལགས་ཀྱིས་གཞིས་བྱེས་བོད་མཉམ་འཇོམས་མ་བྱུང་བར་ངས་ལོ་མི་སར་ཞེས་པའི་ལས་འགུལ་ཐངས ༡༡ པ་དེ་བཞིན་ད་ལོའི་ཕྱི་ཟླ ༢ པའི་ཚེས ༢༨ ནས་བཟུང་ཡོ་རོབ་གྲོས་ཚོགས་ཀྱི་ལས་ཁུངས་ཨ་མ་ཡོད་ས་ཕ་རན་སིའི་གྲོང་ཁྱེར་སི་ཊ་སི་པག་ཏུ་སྤེལ་ཡོད་པ་རེད།

༬༽འཛམ་གླིང་ཡུ་གུར་གྱི་གྲོས་ཚོགས་ཀྱི་ཚོགས་གཙོ་ཟུར་པ་སྒྲོལ་ཁུན་ཨེ་ས་ཡི་གཅེན་པོ་་ཡལ་ཁུན་ཨེ་ས་ལགས་ཀྱིས་དྲག་སྤྱོད་ཀྱི་ཀུན་སློང་སྤེལ་བའི་ཉེས་མིང་འོག་ལོ་ངོ ༢༠ རིང་བཙོན་འཇུག་གིས་དཀའ་སྡུག་མྱོང་བཞིན་ཡོད་པའི་གནས་ཚུལ་ཐོན་འདུག

Hosted on Acast. See acast.com/privacy for more information.