༢༠༢༥་ལོའི་ཕྱི་ཟླ་༣་པའི་ཚེས་༥ཉིན། ཨམ་སྐད་ཀྱི་དགོང་དྲོའི་ལས་རིམ་གྱི་ནང་དོན་མདོར་བསྡུས།

༡ ༸གོང་ས་༸སྐྱབས་མགོན་ཆེན་པོ་མཆོག་གིས་གང་ཉིད་ད་དུང་ཡང་ལོ་མང་པོར་བཞུགས་ཏེ་འཛམ་གླིང་སྤྱི་དང་། ལྷག་པར་རྒྱ་ནག་ཏུ་ནང་ཆོས་ལ་དོ་སྣང་ཅན་གྱི་རྒྱ་རིགས་ཚོར་རོགས་ཕན་སྒྲུབ་ཐུབ་པའི་ཐུགས་རེ་གནང་གི་ཡོད་ཅེས་ཕོ་བྲང་དུ་བརྟན་བཞུགས་བསྟར་འབུལ་སྐབས་བཀའ་སྩལ་འདུག

༢ ཕྱི་ཟླ་ ༣ ཚེས་ ༤ ཉིན་ཨ་རིའི་ཕྱི་སྲིད་ལས་ཁུངས་སུ་བོད་ཀྱི་ལོ་སར་ཐེངས་ ༡༡ པ་སྲུང་བརྩི་ཞུས་ཤིང་། བོད་རྒྱའི་དཀའ་རྙོག་སེལ་ཐབས་དང་། བོད་མིའི་ངོ་བོ་སྲུང་སྐྱོབ་ཐད་ཨ་རིས་མུ་མཐུད་ཕྱག་ལས་གནང་རྒྱུ་ཡིན་པ་གསུངས་སོང་།

༣ རྒྱ་ནག་གི་འགྲོ་བ་མིའི་ཐོབ་ཐང་སྲུང་སྐྱོབ་ཚོགས་པས་རྒྱ་ནག་ནང་འདས་པའི་ལོ་དྲུག་རིང་ཞི་བའི་སྒོ་ནས་འགྲོ་བ་མིའི་ཐོབ་ཐང་རྩོད་ལེན་མཁན་མི་མང་སྟོང་ཕྲག་མང་པོ་གང་བྱུང་འཛིན་བཟུང་བྱས་པ་དང་། མི་གྲངས་༡༥༤༥་ལ་ནག་ཉེས་བཙུགས་ནས་ཁྲིམས་ཐག་བཅད་ཡོད་པའི་སྐོར་སོཊ་ཕྱི་ཚེས་༥་ཉིན་སྙན་ཐོ་ཞིག་བཏོན་འདུག

༤ ཨ་རི་དང་ལྷན་དུ་ཚོང་དོན་དམག་འཁྲུག་དང་འགལ་རྐྱེན་གཞན་དག་བྱུང་བཞིན་ཡོད་ཀྱང་། རྒྱ་ནག་གིས་༢༠༢༥ལོའི་དཔལ་འབྱོར་འཕར་ཚད་ཀྱི་དམིགས་ཚད་དེ་བརྒྱ་ཆ་༥ཡས་མས་ལ་རྒྱུན་འཁྱོངས་བྱས་ཡོད་འདུག

Hosted on Acast. See acast.com/privacy for more information.