मित्रांनो या एपिसोड मध्ये अमेरिकेचा जगाला ज्ञात नसलेला इतिहास ऑलिव्हर स्टोन आणि पीटर कुजनीक यांनी सांगितला आहे. आपली लोकशाही मिरवणारा आणि जगाला लोकशाहीचे धडे देण्यात धन्यता मानणारा देश म्हणजे अमेरिका अशी आपल्या सर्वांना अमेरिकेची ओळख आणि खात्री आहे. परंतु या पुस्तकात मात्र इतिहासकार पीटर कुजनीक यांनी पुराव्या सकट अमेरिका आपल्या भांडवलाच रक्षण करण्यासाठी जगामध्ये काय काय उच्छाद मांडत आहे याची जंत्री दिली आहे. जगातील लोकशाहीचा राखणदार देश म्हणून मिरवणारा अमेरिका इराणमधील इंडोनेशियामधील लोकशाहीचा गळा घोटला .व्हिएतनांमध्ये नापाम केमिकल अस्त्र वापरून 38 लाख लोकांचा बळी घेतला .हे सत्य या पुस्तकात लेखकाने सांगितल आहे. मध्यपूर्वे मधील तेल आपल्याला मिळाव म्हणून संपूर्ण मध्यपूर्वेत अमेरिकेने जी कृत्य केली आहेत ती वाचून आपल्यातला विवेकी आणि संवेदनशील वाचक अस्वस्थ होतो. आपल्या मुलांना अमेरिकेत पाठवून उठल्या बसल्या अमेरिकेचे नाव कौतुकाने घेणाऱ्या देशातील लोकांनी हे पुस्तक वाचलंच पाहिजे. इतिहास माणसाला शहाणपण शिकवतो. चुका करण्यापासून परावृत करतो आणि सुधारण्याची संधीही देतो. असं म्हटलं जातं. परंतु अमेरिकेने केलेल्या चुकां पासून कोणताही बोध न घेता पुन्हा पुन्हा जगाला युद्धाच्या उंबरठ्यावर नेऊन ठेवला आहे.अमेरिकेची ही काळी बाजू समजून घेण्यासाठी हे पुस्तक नक्की वाचा. पॉडकास्ट कसा वाटला तेही तुम्ही कॉमेंट बॉक्समध्ये लिहा. धन्यवाद.