इतिहासकार रामचंद्र गुहा यांनी त्यांच्या कॉलेज जीवनामध्ये क्रिकेट खेळण्यास सुरुवात केली परंतु आपण टेस्ट मॅच खेळू शकत नाही तेवढं कौशल्य आपल्याकडे नाही हे वेळीच ओळखून ते इतिहासकार झाले परंतु त्यांचा पिंड मात्र क्रिकेट प्रेमीच राहिला कॉलेज जीवनात विसंग बेदी राजेंद्र गोयल अशा अनेक दिग्गज खेळाडूंच्या सानिध्यात ते होते क्रिकेटचा क्रिकेटपटूंचा आणि क्रिकेटच्या प्रशासनाचा त्यांचा अभ्यास दांडगा आहे म्हणूनच हे सर्वांग सुंदर पुस्तक ते लिहू शकले प्रत्येक क्रिकेट प्रेमाने प्रेमीने हे पुस्तक वाचल्यास क्रिकेटमधील अनेक रोचक घटना त्यांना नव्याने कळतील असे माझे मत आहे जरूर वाचा हा अनमोल ठेवा

गांधी विरुद्ध आंबेडकर हा संघर्ष रंगवणे मध्ये अनेकांना इंटरेस्ट असतो परंतु गांधी विरुद्ध आंबेडकर म्हणजे नेमकं काय त्यांच्यात नेमके मतभेद कोणते होते कोणत्या मुद्द्यांवर त्यांनी संघर्ष केला आणि कोणत्या मुद्द्यांवर त्यांचं एकमत झालं या सर्वांचा अत्यंत खोलवर अभ्यास करून लेखक रावसाहेब गजबे यांनी हे 740 पानांचा पुस्तक लिहिला आहे या दोन्ही थोर महापुरुषांवर लिहिलेलं हे पुस्तक त्यांच्यातील संबंध नेमके कसे होते हे सांगण्यासाठी येणाऱ्या काळात कायम एक मार्गदर्शक पुस्तक म्हणून वापरले जाणार यात शंका नाही म्हणूनच हे पुस्तक वाचन हे आपल्यासारख्या अभ्यासू वाचकांचे काम आहे असं मला वाटतं नक्की वाचा आणि सांगा मला काय म्हणणं आहे तुमचं काय मत आहे तुमचं

लेखक अच्युत गोडबोले यांनी जनसामान्यांना विज्ञान कळावे या साठी अथक प्रयत्न करून अनेक विषयांवर पुस्तके लिहिली आहेत. प्रकाश या त्यांच्या पुस्तकात आपल्याला या विषयावर झालेलं संशोधन आणि लागलेले शोध याची माहिती तर मिळतेच परंतु संशोधकांची माहिती त्यांनी अत्यंत रसाळ रित्या सांगितली आहे . मराठीला ज्ञान भाषा बनवण्यासाठी त्यांनी केलेल्या अथक परिश्रमातून

हे पुस्तक साकार झाले आहे. त्यांना कडक सलाम दिलसे!

हवानाच्या गल्फ स्ट्रीम किनाऱ्यावर घडणारी ही कथा हेमिंगवेची ही उत्कृष्ट कथा आहे.एक म्हातारा, एक लहान मुलगा आणि एक महाकाय मासा यांची कहाणी या कमालीच्या शौर्य कथेने हेमिंगवेला साहित्याचे नोबेल पारितोषिक मिळवून दिले. पंचमहाभूतांनी माणसासमोर उभ्या केलेल्या आव्हानाचे, त्यातल्या सौंदर्याचे आणि दुःखाचे एक अद्वितीय आणि कालातीत वर्णन म्हणून या कादंबरीचा उल्लेख करावा लागतो.

महात्मा गांधींच्या शिष्या मीराबेन यांच मराठीत अनुवादित आत्मचरित्र. फ्रेंच तत्त्वज्ञ रोमा रोलॉ यांनी गांधीजींवर लिहिलेले पुस्तक वाचून आपल्याला आयुष्याचं ध्येय सापडल्याचे वाटल्याने त्या स्वातंत्र्यपूर्व काळात भारतात आल्या. रॉयल नेव्हीच्या ॲडमिरलची सोन्याचा चमचा तोंडात घेऊन जन्माला आलेली  ही मुलगी. मीराबाईंचे जीवन , तिचा गांधीजींशी जोडलेला स्नेह आणि तिची सर्वस्वाने कामात झोकून देण्याची वृत्ती केवळ अतुलनीय आहे. आज हे सारे वाचताना ही कहाणी खरी की कपोकल्पित असे आजच्या वाचकांना वाटले तर नवल नाही. विचारांवरची निष्ठा, एका परक्या देशात येऊन पूर्णतः भिन्न संस्कृतीत लोकांसाठी काम करणं सोपी बाब नव्हती. ब्रिटिश नेव्हीत असलेले वडील, उच्चभ्रू वर्तुळातील उठबस, विशाल प्रासादातील वास्तव्य, शब्द झेलायला हजर असणारे नोकर चाकर, संगीत, नृत्य आणि साहित्य यासह अभिजनातील वावर असं तिचं जीवन होतं.

मीराबेन या झंझावाती काळाच्या साक्षीदारच नव्हे तर भागीदारही होत्या. त्यांचे आयुष्य एका जादूमयी वातावरणाच्या प्रभावात जात होते. विदेशात गांधी नावाच्या महापुरुषाच्या विचाराचे सच्चेपण लोकांना पटवून देण्याचे काम मीराबेन यांनी केले. गांधीजींचे दौरे, गांधीजींची दैनंदिनी ह्या सगळ्यांमध्ये त्यांनी गांधीजींच्या सहाय्यकाची भूमिका चोख निभावली. गोलमेज परिषदेत त्यांनी गांधीजींची सचिव, व्यवस्थापक , पी आर ओ ची देखील भूमिका पार पाडली. ब्रिटिश कामगारवर्ग गांधीजींच्या साधेपणाने, अहिंसेच्या तत्त्वज्ञानाने भारावला होता. त्यांच्याशी संवाद साधून स्वातंत्र्य लढ्याला समर्थन मिळवले.वेळप्रसंगी गांधीजींचे निरोप गव्हर्नर, व्हाईसरॉय,सैनिकी अधिकारी, काँग्रेस कार्यकारिणी सदस्य यांच्यापर्यंत पोहोचवणे, गांधी विचारांचा प्रसार करणारे लेख लिहिणे, विदेशी वृत्तपत्रांमध्ये राजकारण्यांमध्ये गांधीजींबद्दल मत तयार करणे अशी विविध कामे त्यांनी न डगमगता या कालखंडात केली.गांधीजी देखील त्यांच्यावर खूप मोठ्या प्रमाणावर विसंबून होते.

1960 च्या दशकातील ही अजरामर कादंबरी आता मराठीतून वाचायला मिळते. आठ वर्षाची निरागस स्काऊट ही केंद्रस्थानी आहे. तिच्या निरागस भावविश्वात झालेली प्रचंड उलथापालथ वाचताना आपण गहिवरून जातो. तिच्या वडिलांच्या म्हणजे अटिकसच्या विवेकनिष्ठ जीवन मुल्याने मुलांचा जगाकडे बघण्याचा दृष्टीकोन कसा बदलत राहतो. वडील मुलांचं भाव विश्व जपण्यासाठी काय काय करतात हे सर्व वाचणं म्हणजे वेगळा अनुभव आहे. तेव्हा नक्की वाचा.

अत्यंत रंजक पद्धतीने आपल्या पूर्वजांची कहाणी या महाकादंबरीत वाचायला मिळते.

वार्धक्यात माणसाला नेमकी कसली गरज असते? वृध्द मृत्यूला भितात का? वार्धक्य सुसह्य करण्यासाठी काय करावे? या प्रश्नाचा अभ्यास करून आपल निरीक्षण वाचकांसमोर डॉ अतुल गवंदे यांनी या पुस्तकात मांडलं आहे. प्रत्येक ज्येष्ठ नागरिकाने वाचायलाच हवं असं हे पुस्तक आहे.

गणित या विषयावर अत्यंत रंजक पद्धतीने हे पुस्तक लिहिलं आहे. या विषयाची आपली भीती हे पुस्तक वाचून दूर होते... प्रत्येकाने हे पुस्तक वाचायलाच हवं या दर्जाचं ते आहे.

भारताच्या प्रजासत्ताक लोकशाहीला 74 वर्षे पूर्ण झाली. पुढील आव्हाने

काय काय आहेत हे देखील पहावे लागते