Nú tað stundar til fólkatingsval, skulu allir politiskuflokkarnir í Andglettin. 

Tveir vertir tráspyrja tvey valevni hvørja ferð, og so fáa lurtarar eisini høvi at skriva spurningar inn til flokkarnar, sum valevnini síðani svara.

Framsókn var fyrsti flokkur í Andglettinum, sum verður sendur í útvarpinum klokkan 10 og eisini stroymdur á heimasíðuni og at síggja í sjónvarpinum.

Útvarp og sjónvarp senda saman valkvøldið. Í sjónvarpsstovuni fylgja vertir og viðmerkjari við føroyska og danska valinum. Í kringvarps forgongini eru politikarar og aðrir gestir staddir, teir gera viðmerkingar bæði til útvarp og sjónvarp.

Vit hava eisini fólk kring landið, sum fylgja við gongdini har. Alt kvøldið er eitt langt valkvøld, og vit seta ikki punktum, fyrr enn endaligu úrslitini eru komin í hús.