Ang Love ay isa  sa mga pinakamisteryosong konsepto sa mundong ito o sa buhay pangkalahatan. Marami nang sumubok na i-define ito simula pa noong nagkaroon ang mga tao ng kapasidad na mag-isip. Mula sa mga makata, nobelista, at iba pang mga alagad ng literary arts, wala pa ring nakatumbok ng mismong kahulugan nito. Tila isang likidong nagkakaroon lamang ng hugis depende kung saan ito nakalagay, Ang Love ay nabibigyan-kahulugan lang ng  mga taong nakakaranas nito. Kaya marahil wala itong nag-iisang definition. Samahan niyo kami sa isa na namang Positibong Usapan at Balitaktakan habang kinikilig at dumudugo ang ilong na hinihimay ang Love mula sa pananaw ng mga batikang manunulat na nabuhay sa iba't-ibang era nitong nakaraang dalawandaang taon. 

Times changed and it will continue changing. Graduate na tayo sa mga panahong doctor, abogado at engineer lang ang mga ideal course o career. Samahan niyo kami sa isa na namang Positibong Usapan at Balitaktakan tungkol sa pagkilala at pagpapahalaga sa passion ng mga kabataan ngayon at kung paano sila gagabayan at susuportahan sa pag-pursue nito.

ECQ season 3 na! Nandito na talaga tayo sa yugtong, "New normal". Samahan niyo ulit kami habang ibinabahagi namin ang mga pagbabagong naranasan namin ngayong mga panahon na ito.

Ituloy natin ang pagrereminisce sa mga kaganapan noong kolehiyo - this time with extra sauce, extrang sabaw at extra gravy para mas malasa! Paano ka namili ng school sa college? Anong course ang napili mo? Choice mo ba ito talaga o pinili ng ibang tao para sa iyo? Magkano ang baon mo nung college? Naalala mo pa ba saan ka madalas tumatambay?  

Masarap alalahanin ang mga naging teachers, classmates, subjects na pahirap, masasarap na tambayan at paboritong personalities sa panahon ng ating pag aaral. Mainam din na balikan ang mga napagdaanan para maalala ang mga natutunan at ang dapat pahalagahan ay di makalimutan. Tara at makipagkwentuhan uli kayo sa amin.

Samahan niyo kaming magbaliktanaw sa mga happenings, dalawang dekada na ang nakaraan at hayaan niyong ikuwento namin ang buhay kolehiyo sa isang all-boys school sa pagtawid ng bagong milenyo.