గుంపులో ఉంటే గందరగోళం

ఒంటరిగా ఉండటమే ఎంతో ఇష్టం

చేతకాదు నోటికి ఏదోస్తే అది అనేయటం

వినేవారు ఏమనుకుంటారో అని ముందే భయం

తెలియని వారితో మాటలు కలపాలంటే బిడియ

అవసరమున్నా అడగాలంటే మొహమాటం

ఏం మాట్లాడాలో తెలియక మౌనంగా ఉంటాం

దాన్ని పొగరని మీరనుకుంటే మేమేం చేయాలేం

ఎవరైనా చెప్తుంటే వినటం

వింటూ ఊ అనటం

ఆసక్తి లేకున్నా అపరా బాబు అనలేం

అంత సులువుగా అర్థం కాని అంతర్ముఖం

చుట్టూ ఎందరువున్నా నచ్చిన వారితోనే సహవాసం

ఖాళీ దొరికితే వారితోనే కాలక్షేపం

పలకరిస్తే నవ్వుతూ సమాధానం చెప్తాo

చులకనగా చూస్తే భరించలేం

మా అంతట మేము ఎవ్వరి జోలికీ పోము

కావాలని బాధపెడితే చూస్తూ ఊరుకోము

మాలో మాకే ఏవో ఆలోచనలు

ఎక్కడుంది ఇంకొకరి గురించి ఆలోచించే వీలు

అనవసరమైన విషయాలలో పెట్టే అలవాటు లేదు వేలు

అయినా ఎవ్వరి పని వారు చూసుకుంటే మేలు

కొందరు మాకు అర్థం కారు

ఎప్పుడూ ప్రక్కవారి గురించే ఆలోచిస్తుంటారు

పరులని గిల్లి పండగ చేసుకుంటారు

పొగిడితే కానీ పని జరగని ఈ లోకంలో

పొదుపుగా మాట్లాడే మేం ఎదగటం కష్టం అనిపిస్తుంది

అయినా అవసరం కోసం మారుతూ పోతే వ్యక్తిత్వానికి విలువేముంది

నష్టపోతున్నా నమ్మిన సిద్ధాంతానికి నిలబడటమే కదా గెలుపుకి నాంది

Please check out my YouTube channel:

www.youtube.com/c/NS360