雖則無大家都熱切期望嘅 iPhone 5，甚至連一件新硬件都無！但 Steve Jobs 又再粉墨登場，親自全身推介全新的 Mac OS X 10.7 Lion，iOS 5 及 iCloud，務求一擊即中。教主病都踩足兩個鐘，大家都俾俾面，唔買都埋嚟聽吓睇吓啦。

七彩蘋果、灰色蘋果、透明蘋果、銀色蘋果就見得多，黑蘋果究竟係乜？你聽過未？見過未？用過未？黑蘋果喺祖國和台灣都遍地開花，點解？原因都係 $$$。Apple 點解唔阻止？嘉賓同我哋講解吓黑蘋果點樣慳啲啦！

配置八十年代極其先進的同一款兼同一個速度 CPU，仍然內置九吋黑白顯示器及只配有軟碟機的 AIO 電腦，你估可以賣幾多年唔使換？真係講你都唔信，又淨係唯一得 Apple 先做得到！食老本食到九十年代先知死，跟住發哂癲密住咁出機，一年出嘅機多過以往十年，令 Apple 的電腦配置進入前所未有的混亂年代。

最新配備 i5/i7 極速 CPU 的 iMac 出咗你用過未？而家 All In One 型式的電腦多如天上繁星，你知唔知 Apple 廿幾年來由第一部 Macintosh 到而家都不斷推出 AIO 機款？Lisa, Mac 128, Mac 512, Mac XL, Mac Plus… 你聽過未？見過未？用過未？今集敗家仔又自爆當年敗家歷史俾大家知。

一個

全新的 Final Cut Pro X 超多新功能，一集當然講唔完，兩位專業的 Final Cut Pro User Group 負責人繼續為你詳細介紹。佢哋更會話俾你聽點樣先可以取得 Final Cut Pro 及其它 Apple 的專業資格，等全世界都知道你掂，助你走進專業的領域。

Final Cut Pro 雄霸咗 60% 專業剪片市場都重未夠，Apple 繼續精益求精，務求再下一城，唔通要拿下整個市場先肯罷手？這個幫助 Apple 重新站穩專業平台的殺手級軟件，原來開始時又係一個無人要嘅孤兒仔，Steve Jobs 又係人棄我取，再係一次有運嘅巧合，定係真係咁有慧眼呢！今次兩位好朋友帶我哋去拉斯維加斯，偷窺 Apple 最新嘅 Final Cut Pro X。

買完又買，買完再買，沒完沒了的買係女人天性定係不分男女呢？天生購物狂都有停手的一刻，闊太除咗帶我哋買、買、買之外，更加會帶我哋進入電腦的時光隧道，道盡電腦之過去及自己的未來。

Apple 三十五年來，由一開始已經舉世關注，從前是帶領着科技走，現在是以科技帶着潮流走，期間大上大落，從雲端跌到地獄，再由谷底反彈至天堂，你都咪話唔神奇。教主三歲定八十，全間公司成也 Steve Jobs 敗也 Steve Jobs，真係唔到你信邪！

終於守得雲開，Pixar 十幾年後一洗多年頹氣，Steve Jobs 更是同時 Apple 及 Pixar 兩得意，意氣風發之餘，狂莽性格又嚟啦，居然夠胆同老闆反檯，重唔止一次