Gervigreind er orðin hluti af daglegum rekstri fyrirtækja og stofnana. En hvert fara gögnin þegar við notum ChatGPT, Claude og aðrar gervigreindarlausnir? Í þessum þætti APRÓ Varpsins er farið yfir hvernig sömu gervigreindarmódelin geta verið háð gjörólíkum vinnslusamningum, gagnavernd og lögsögu eftir því hvaða leið er valin. Fjallað er um EU Data Boundary, ábyrgð kaupenda og þjónustuaðila og hvað fyrirtæki þurfa að hafa í huga áður en nýjar gervigreindarlausnir eru teknar í notkun. Viðmælendur okkar eru þau Andri Örvar Baldvinsson, forstöðumaður viðskiptaþróunar hjá APRÓ, og Anna Kristín Agnarsdóttir, lögfræðingur og ráðgjafi hjá SoftwareOne. Þáttarstjórnandi sem fyrr er Stefán Hrafn Hagalín.

Markviss notkun gervigreindar er ómissandi hluti af árangursríkri hugbúnaðarþróun. Í þessum þætti APRÓ Varpsins ræðum við forritun og endurforritun með gervigreind. Við veltum vöngum yfir stöðunni í dag og bregðum upp framtíðarsýn. Viðmælendur okkar eru þeir Hjálmar Leó Einarsson verkefnastjóri og Jósúa Theodórsson forritari, báðir hjá APRÓ.

APRÓ er upplýsingatæknifélag byggt á sameiningu þriggja sérhæfðra fyrirtækja í hugbúnaði, skýjaþjónustu, gagnatækni og gervigreind: Andes, Prógramm og Miracle. Hlöðver Þór Árnason er framkvæmdastjóri APRÓ. Hér er rætt við Hlöðver um bakgrunn hans, tilurð APRÓ, verkefni fyrirtækisins í dag og sýn hans á framtíðina.