Në episodin e 79-të të podcastit “Arena e Yjeve”, gazetarët e Telegrafit, ofrojnë një analizë të thelluar mbi ngjarjet më të fundit në futbollin vendor dhe atë evropian.  Gjatë bisedës, Lavdim Pireva ndau analizën për dy përballjet më të forta të Ligës së Kampionëve, duke theksuar rëndësinë strategjike të këtyre dueleve dhe ndikimin që ato mund të kenë në fatin e ekipeve në fazat vendimtare. Shkumbin Pireva u ndal te Real Madridi, duke vlerësuar mundësinë që ky sezon të përfundojë pa trofe për “Los Blancos”. Analiza e tij u shtri edhe te Superliga e Kosovës, ku ai theksoi skuadrën më të fortë dhe mënyrën se si garojnë ekipet për vendin e parë. Gazetari Bardh Maxhuni dha parashikimet e tij për Ligën e Kampionëve, duke analizuar cilat skuadra kanë më shumë gjasa të arrijnë deri në finale. Ai foli gjithashtu për rivalitetin e ashpër për titull në Superligën e Kosovës, dramatizmin dhe konkurrencën mes ekipeve kryesore, dhe ndikimin që kjo ka tek tifozët dhe zhvillimi i futbollit vendor.

 Një segment i veçantë u fokusua tek gara për mbijetesë në elitën e futbollit kosovar, ku Lavdim Pireva shpjegoi sfidat me të cilat përballen skuadrat që luftojnë për të qëndruar në Superligë dhe rëndësinë e çdo pikë për të shmangur rënien nga kategoria.

Mbështetur nga:

 
- EXFIS 

- Exfis është kompani që vepron në tregun e derivateve të naftës në Kosovë, e specializuar në importin, shpërndarjen dhe shitjen me pakicë e shumicë të karburanteve me standarde evropiane.

Për më shumë: https://www.facebook.com/exfisqualit

- E Bukura e Dheut

- E Bukura e Dheut është një kompani kosovare e specializuar në prodhimin dhe shitjen e produkteve ushqimore bio dhe të shëndetshme.  

- Për më shumë: https://www.ebukura.com

Në episodin e 78-të të podcastit “Arena e Yjeve”, mysafir ishte zëdhënësi i Komitetit Olimpik të Kosovës (KOK), ish-gazetari sportiv, Kushtrim Krasniqi. Gjatë një bisede të hapur dhe të pasur me detaje, Krasniqi rrëfeu një lajm ekskluziv nga periudha kur Kosova ishte gati të zhvillonte një ndeshje miqësore me Dinamo Zagreb. Ai tregoi entuziazmin që kishte përfshirë opinionin sportiv, por gjithashtu ndikimin e ndërhyrjeve nga Serbia që çuan në anulimin e takimit, duke e lënë Kosovën pa një përballje historike në atë kohë. Një moment i veçantë i episodit ishte rrëfimi për ndeshjen historike ndaj Finlandës, ku Krasniqi kujtoi emocionet e asaj mbrëmjeje dhe lotët e Valon Berishës, duke e përshkruar si një nga skenat më prekëse që kishte përjetuar në stadium, në një periudhë vendimtare për Kombëtaren. Biseda u ndal edhe te pranimi i Kosovës në UEFA, ku Krasniqi përshkroi tensionin dhe emocionet e gazetarëve kosovarë në sallë, pritjen e votimit dhe shpërthimin e gëzimit pas vendimit pozitiv – një nga momentet më historike për sportin kosovar. Një tjetër kapitull i episodit lidhej me takimin e tij me legjendën e tenisit Serena Williams, ku Krasniqi tregoi për bisedën dhe interesimin e saj për Kosovën, përfshirë logot, simbolet dhe historinë e vendit. Në përmbyllje, mysafiri foli për medaljet në Lojërat Olimpike, duke analizuar rëndësinë historike të suksesit olimpik për sportin kosovar dhe ndikimin e tyre në forcimin e imazhit të Kosovës në arenën ndërkombëtare.

Mbështetur nga:

 
- EXFIS 

- Exfis është kompani që vepron në tregun e derivateve të naftës në Kosovë, e specializuar në importin, shpërndarjen dhe shitjen me pakicë e shumicë të karburanteve me standarde evropiane.

Për më shumë: https://www.facebook.com/exfisqualit

- E Bukura e Dheut

- E Bukura e Dheut është një kompani kosovare e specializuar në prodhimin dhe shitjen e produkteve ushqimore bio dhe të shëndetshme.  

- Për më shumë: https://www.ebukura.com

Në episodin e 77-të të podcastit “Arena e Yjeve”, mysafir ishte trajneri i njohur dhe përgatitësi atletik, Artan Luzi. Ai rrëfen emocionet e para të debutimit si 16-vjeçar te Tirana, duke përshkruar presionin, kënaqësinë dhe ndjenjat e papërshkrueshme të paraqitjes së tij të parë në futbollin profesionist. Trajneri foli gjithashtu për futbollistët shqiptarë që e kanë lënë më shumë mbresë gjatë karrierës së tij, duke përmendur dy emra të jashtëzakonshëm për cilësitë teknike dhe mentalitetin e tyre në fushë. Një pjesë e veçantë e bisedës u fokusua tek zbulimi i Ernest Muçit. Ai rrëfeu gjithashtu eksperiencat e hershme në Kosovë, duke përshkruar ardhjen te Prishtina, stërvitjen e parë dhe ambientin që e ndihmoi të konsolidohej si futbollist. Një tjetër kapitull i rëndësishëm ishte rikthimi i Dukagjinit dhe pjesëmarrja historike e ekipit në Evropë, ku Luzi kujtoi emocionet dhe rëndësinë e atyre arritjeve për klubin dhe për karrierën e tij personale.

Mbështetur nga:

 
- EXFIS 

- Exfis është kompani që vepron në tregun e derivateve të naftës në Kosovë, e specializuar në importin, shpërndarjen dhe shitjen me pakicë e shumicë të karburanteve me standarde evropiane.

Për më shumë: https://www.facebook.com/exfisqualit

- E Bukura e Dheut

- E Bukura e Dheut është një kompani kosovare e specializuar në prodhimin dhe shitjen e produkteve ushqimore bio dhe të shëndetshme.  

- Për më shumë: https://www.ebukura.com

Në episodin e 76-të të podcastit “Arena e Yjeve”, mysafir ishte futbollisti i njohur Bajram Jashanica.  Gjatë një bisede të sinqertë dhe pa filtra, Jashanica rrëfeu përvojën e tij kur kaloi provat te një skuadër gjermane, transferim që në fund nuk u realizua. Ai tregoi se si ishte pritur nga një lojtar i Kombëtares dhe çfarë ndodhi prapa skenave që bëri që marrëveshja të mbetej vetëm në tentativë. Ish-mbrojtësi u ndal te momenti historik në Ligën e Evropës me fanellën e Skënderbeut, duke kujtuar golin e shënuar ndaj Sportingut të Lisbonës – një natë emocionesh të forta që mbetet ndër kulmet e karrierës së tij dhe një nga momentet më të rëndësishme për futbollin shqiptar në arenën evropiane. Ai foli hapur edhe për periudhën e vështirë jashtë fushës, duke zbuluar se kishte marrë kërcënime në rrjetet sociale nga serbë, ndërsa gjatë qëndrimit në Beograd ishin ruajtur nga ushtria për arsye sigurie – një përjetim që e përshkroi si të pazakontë dhe emocionalisht të rëndë. Një tjetër kapitull i ndjeshëm i intervistës ishte rasti i dopingut pas një ndeshjeje në Ligën e Evropës. Jashanica sqaroi rrethanat se si rezultoi pozitiv, çfarë ndodhi në prapaskenë dhe si e përjetoi atë periudhë që ndikoi ndjeshëm në karrierën e tij.

Mbështetur nga:

 
- EXFIS 

- Exfis është kompani që vepron në tregun e derivateve të naftës në Kosovë, e specializuar në importin, shpërndarjen dhe shitjen me pakicë e shumicë të karburanteve me standarde evropiane.

Për më shumë: https://www.facebook.com/exfisqualit

- E Bukura e Dheut

- E Bukura e Dheut është një kompani kosovare e specializuar në prodhimin dhe shitjen e produkteve ushqimore bio dhe të shëndetshme.  

- Për më shumë: https://www.ebukura.com

Në episodin e 75-të të podcastit “Arena e Yjeve”, mysafir ishte ish-futbollisti i njohur dhe tashmë trajneri Fadil Ademi.  Gjatë një bisede të hapur dhe plot rrëfime interesante, Fadil Ademi ndau një nga historitë më të veçanta të jetës së tij, kur paradite zhvilloi një ndeshje futbolli, ndërsa pasdite u martua. Ai tregoi se ky vendim bëri që babai i tij të mos i fliste për dy javë, një episod që sot e kujton me humor, por që në atë kohë kishte peshë të madhe emocionale. Ish-mbrojtësi kampion i Dritës foli hapur edhe për pagën që merrte gjatë asaj periudhe, duke përmendur drejtpërdrejt presidentin Selmani Osmani – Bezi, si dhe mënyrën se si funksiononte klubi në ato vite, mes sakrificave, disiplinës dhe respektit ndaj fanellës. Ademi u ndal edhe te ftesa nga Ismet Munishi për t’iu bashkuar një klubi në Slloveni, duke zbuluar arsyet pse ky transferim nuk u realizua dhe si ndonjëherë karriera merr drejtime të papritura. Një tjetër kapitull interesant i bisedës ishte ftesa e Kosovës për ndeshjen madhështore ndaj Shqipërisë, si dhe kartoni i kuq që shënoi një moment të veçantë dhe emocional në karrierën e tij si futbollist. Në fund, Fadil Ademi foli për suksesin e madh kur u shpall kampion me Hysin si trajner, duke kujtuar rikthimin e jashtëzakonshëm të skuadrës, e cila nga 9 pikë minus arriti ta fitojë titullin kampion – një nga historitë më të paharrueshme të futbollit kosovar.

Mbështetur nga:

- Golden Eagle  

- Golden Eagle është një kompani lidere nga Kosova, e njohur për prodhimin e pijeve energjike që kombinojnë shijen unike me cilësinë e lartë.  

Për më shumë: https://www.goldeneagle-ks.com  

- EXFIS 

- Exfis është kompani që vepron në tregun e derivateve të naftës në Kosovë, e specializuar në importin, shpërndarjen dhe shitjen me pakicë e shumicë të karburanteve me standarde evropiane.

Për më shumë: https://www.facebook.com/exfisqualit

- E Bukura e Dheut

- E Bukura e Dheut është një kompani kosovare e specializuar në prodhimin dhe shitjen e produkteve ushqimore bio dhe të shëndetshme.  

- Për më shumë: https://www.ebukura.com

Në episodin e 74-të të podcastit “Arena e Yjeve”, në fokus vjen analiza e thelluar e gazetarëve të Telegrafit, të cilët diskutuan pa filtra për zhvillimet më aktuale në futbollin kosovar dhe atë ndërkombëtar.  Gjatë bisedës, gazetarët ndanë opinione të drejtpërdrejta dhe shpesh kritike për realitetin e futbollit vendor, duke prekur temat më të nxehta të momentit. Lavdim Pireva u tregua i ashpër në analizën e tij për Prishtinën, duke kritikuar rezultatet dhe duke theksuar rëndësinë e seriozitetit maksimal në ndeshjet vendimtare, veçanërisht në një sezon ku çdo pikë ka peshë të madhe. Nga ana tjetër, Romak Zeqiri adresoi një problem të kahershëm të klubeve kosovare, duke bërë thirrje që kontratat e lojtarëve të rinovohen me kohë, në mënyrë që klubet të mos humbasin futbollistë falas dhe të dëmtohen si financiarisht ashtu edhe sportivisht.

Diskutimi u zhvendos edhe te parashikimet për sezonin aktual. Shkumbin Pireva ndau analizën e tij mbi garën për titull dhe luftën për Evropë, duke u bazuar në formën aktuale, kontigjentin e lojtarëve dhe stabilitetin e klubeve. Në një tjetër parashikim, Romak Zeqiri u shpreh se Drita është favorite për titullin kampion, ndërsa parashikoi që Gjilani ta përfundojë sezonin mbi Prishtinën, bazuar në performancat e deritanishme.

Lavdim Pireva vlerësoi Ballkanin si skuadrën me lojën më të mirë në kampionat, duke parashikuar se ekipi nga Suhareka do të shpallet kampion, falë organizimit, vazhdimësisë dhe stabilitetit në lojë. Një temë e veçantë e episodit ishte edhe formati i ri i garave të UEFA-s, për të cilin Shkumbin Pireva u shpreh se është “gjëja më e mirë që i ka ndodhur futbollit”. Në fund, gazetarët dhanë edhe parashikimet e tyre për fituesin e Ligës së Kampionëve, duke ndarë mendime të ndryshme dhe argumente interesante për ekipet që shihen si favorite këtë sezon.

Mbështetur nga:

- Golden Eagle  

- Golden Eagle është një kompani lidere nga Kosova, e njohur për prodhimin e pijeve energjike që kombinojnë shijen unike me cilësinë e lartë.  

Për më shumë: https://www.goldeneagle-ks.com  

- EXFIS 

- Exfis është kompani që vepron në tregun e derivateve të naftës në Kosovë, e specializuar në importin, shpërndarjen dhe shitjen me pakicë e shumicë të karburanteve me standarde evropiane.

Për më shumë: https://www.facebook.com/exfisqualit

- E Bukura e Dheut

- E Bukura e Dheut është një kompani kosovare e specializuar në prodhimin dhe shitjen e produkteve ushqimore bio dhe të shëndetshme.  

- Për më shumë: https://www.ebukura.com

I ftuari i radhës në podcastin “Arena e Yjeve” ishte futbollisti i njohur kosovar Lindon Emërllahu. Mesfushori rrëfeu në detaje rrugëtimin e tij në futboll, duke u ndalur te fillimet e hershme dhe debutimi si 17-vjeçar te Ballkani, një moment kyç që shënoi hyrjen e tij në skenën e futbollit elitar kosovar. Ai tregoi se ishte Ismet Munishi ai që e afroi në ekipin e parë, ndërsa debutimin zyrtar ia dha Blendi Shkëmbi, një hap që, sipas tij, i dha vetëbesim dhe e bindi se ishte gati për nivelin më të lartë. Një kapitull i rëndësishëm i bisedës ishte periudha nën drejtimin e Ilir Dajës, ku Emërllahu u shndërrua në titullar të rregullt. Mesfushori foli për besimin e madh që mori, disiplinën taktike dhe profesionalizmin që e ndihmuan të rritej ndjeshëm si lojtar. Emërllahu u ndal edhe te ndeshjet evropiane me Ballkanin, duke zbuluar kundërshtarin më të vështirë që ka përballuar në Ligën e Konferencës. Ai përshkroi emocionin, intensitetin dhe rëndësinë e këtyre netëve, të cilat, sipas tij, i dhanë përvojë të çmuar dhe e përgatitën për hapa më të mëdhenj në karrierë. Një tjetër temë interesante ishte transferimi i dështuar për shkak të dëmtimit. Emërllahu konfirmoi interesimin konkret nga Ludogorets, duke zbuluar se kishte pasur edhe kontakte direkte me trajnerin e klubit bullgar, por një dëmtim në momentin më të papërshtatshëm ia pamundësoi realizimin e këtij kalimi. Në fund, ai foli për transferimin në Ukrainë, duke theksuar se ishte bindur nga projekti ambicioz i klubit dhe se këtë hap e sheh si shumë të rëndësishëm për zhvillimin e tij profesional dhe të ardhmen në futbollin evropian.

Mbështetur nga:

- Golden Eagle  

- Golden Eagle është një kompani lidere nga Kosova, e njohur për prodhimin e pijeve energjike që kombinojnë shijen unike me cilësinë e lartë.  

Për më shumë: https://www.goldeneagle-ks.com  

- Air Munich  

- Air Munich është agjension turistik që ju sjell fluturime direkte me çmime fantastike drejt qyteteve më të kërkuara jo vet nga Gjermania dhe Zvicëra, por edhe më gjerë.  

Për më shumë: https://www.facebook.com/AirMunichks 

- EXFIS 

- Exfis është kompani që vepron në tregun e derivateve të naftës në Kosovë, e specializuar në importin, shpërndarjen dhe shitjen me pakicë e shumicë të karburanteve me standarde evropiane.

Për më shumë: https://www.facebook.com/exfisqualit

- E Bukura e Dheut

- E Bukura e Dheut është një kompani kosovare e specializuar në prodhimin dhe shitjen e produkteve ushqimore bio dhe të shëndetshme.  

- Për më shumë: https://www.ebukura.com

Në episodin më të ri të podcastit “Arena e Yjeve”, mysafir ishte futbollisti i talentuar Milot Avdyli.  Avdyli rrëfeu rrugëtimin e tij në futboll, duke u ndalur te fillimet dhe momentet që kanë shënuar karrierën e tij, veçanërisht debutimi me gol si 17-vjeçar te Trepça ’89 gjatë pandemisë – një start i veçantë që, sipas tij, i dha besim dhe shtysë për të synuar nivele më të larta. Një pjesë interesante e bisedës iu kushtua transferimit te Aarau, ku Avdyli zbuloi se iniciativa për këtë hap erdhi nga vetë ai. Ai tregoi se i shkroi një menaxheri dhe, falë vendosmërisë dhe besimit në vete, arriti të sigurojë kalimin te klubi zviceran. Futbollisti kosovar foli edhe për periudhën e suksesshme te “Aarau i shqiptarëve”, duke përshkruar atmosferën pozitive në ekip, përkushtimin e klubit dhe rolin që kjo përvojë pati në rritjen e tij si lojtar dhe si individ.

Avdyli u ndal edhe te aventura në Ukrainë, një projekt që e kishte bindur plotësisht, por që u ndërpre papritur për shkak të luftës, duke e detyruar të largohej pavarësisht se gjithçka po shkonte sipas planit. Ai tregoi gjithashtu për bashkëpunimin me trajnerin spanjoll Albert Riera, duke veçuar analizat e detajuara dhe ndikimin e madh që ai pati në zhvillimin e tij profesional. Në fund, një temë e rëndësishme ishte edhe kombëtarja. Avdyli zbuloi se ende pret një ftesë nga Kosova, pavarësisht se prej dy vitesh nuk ka pasur kontakt, ndërsa konfirmoi se është monitoruar edhe nga Shqipëria dhe nuk e përjashton mundësinë që në të ardhmen të veshë fanellën kuqezi.  

Mbështetur nga:

- Golden Eagle  

- Golden Eagle është një kompani lidere nga Kosova, e njohur për prodhimin e pijeve energjike që kombinojnë shijen unike me cilësinë e lartë.  

Për më shumë: https://www.goldeneagle-ks.com  

- Air Munich  

- Air Munich është agjension turistik që ju sjell fluturime direkte me çmime fantastike drejt qyteteve më të kërkuara jo vet nga Gjermania dhe Zvicëra, por edhe më gjerë.  

Për më shumë: https://www.facebook.com/AirMunichks 

- EXFIS 

- Exfis është kompani që vepron në tregun e derivateve të naftës në Kosovë, e specializuar në importin, shpërndarjen dhe shitjen me pakicë e shumicë të karburanteve me standarde evropiane.

Për më shumë: https://www.facebook.com/exfisqualit

- E Bukura e Dheut

- E Bukura e Dheut është një kompani kosovare e specializuar në prodhimin dhe shitjen e produkteve ushqimore bio dhe të shëndetshme.  

- Për më shumë: https://www.ebukura.com

Në episodin më të ri të podcastit “Arena e Yjeve”, mysafir ishte portieri i njohur Betim Halimi.  Ai rrëfeu rrugëtimin e tij në futboll, duke nisur nga ftesa surprizë për të shkuar në prova te Chelsea – një përvojë unike që erdhi si rezultat i përkushtimit, punës së palodhur dhe paraqitjeve të vazhdueshme. Ai tregoi edhe për stërvitjen në qendrën legjendare Cobham, ku pati mundësinë të punojë në kushte elitare dhe të takojë nga afër yjet e Chelseat, një moment që i hapi horizontet për futbollin evropian në nivel të lartë. Një pjesë e veçantë e bisedës iu kushtua historisë së tij me legjendën ukrainase Vyacheslav Shevchuk, nga i cili Halimi tha se mësoi shumë, jo vetëm në aspektin profesional, por edhe atë njerëzor. Portieri zbuloi gjithashtu një prapaskenë nga koha e tij te Shakhtari, ku për një paraqitje të shkëlqyer fitoi një shpërblim prej 10 mijë eurosh, të cilin e konsideron një nga momentet më domethënëse të karrierës së tij. Në fund, Halimi foli për ndikimin e jashtëzakonshëm që legjenda Yaya Touré pati në zhvillimin e tij si futbollist dhe në mentalitetin profesional: “Nuk kam parë kurrë dikë si ai”, tha portieri, duke theksuar se çdo mësim i marrë prej Touré ka qenë thelbësor për karrierën dhe qasjen e tij ndaj futbollit. Ky episod ofron një rrëfim të hapur dhe inspirues për një portier kosovar që ka shkelur skenën ndërkombëtare dhe ka marrë mësime të çmuara nga legjendat e futbollit.

Mbështetur nga:

- Golden Eagle  

- Golden Eagle është një kompani lidere nga Kosova, e njohur për prodhimin e pijeve energjike që kombinojnë shijen unike me cilësinë e lartë.  

Për më shumë: https://www.goldeneagle-ks.com  

- Air Munich  

- Air Munich është agjension turistik që ju sjell fluturime direkte me çmime fantastike drejt qyteteve më të kërkuara jo vet nga Gjermania dhe Zvicëra, por edhe më gjerë.  

Për më shumë: https://www.facebook.com/AirMunichks 

- EXFIS 

- Exfis është kompani që vepron në tregun e derivateve të naftës në Kosovë, e specializuar në importin, shpërndarjen dhe shitjen me pakicë e shumicë të karburanteve me standarde evropiane.

Për më shumë: https://www.facebook.com/exfisqualit

- E Bukura e Dheut

- E Bukura e Dheut është një kompani kosovare e specializuar në prodhimin dhe shitjen e produkteve ushqimore bio dhe të shëndetshme.  

- Për më shumë: https://www.ebukura.com

Në episodin e 70-të të podcastit “Arena e Yjeve”, prodhim i Telegrafit, mysafir është futbollisti i njohur Albin Krasniqi.  Në një rrëfim të sinqertë dhe kronologjik, Krasniqi ndan rrugëtimin e tij në futboll, duke nisur nga vendimi i guximshëm për të shkuar në prova te Shkëndija vetëm 15 vjeç – një hap që në fillim dukej i zakonshëm, por që shpejt u shndërrua në një mundësi reale për ndërtimin e karrierës së tij. Ai rikthehet te takimi i parë me Bylbyl Sokolin në Ferizaj, të cilin e cilëson si një moment kyç që i dha besim dhe e shtyu të besojë më fort në veten e tij. Krasniqi flet hapur edhe për dilemën e madhe të karrierës, kur kontrata me Shkëndijën ishte gati, por në fund zgjodhi Dritën, një vendim që do të ndikonte drejtpërdrejt në rrjedhën e mëtejshme të rrugëtimit të tij.  Biseda ndalet edhe te finalet, aty ku Krasniqi ka ndërtuar reputacionin e tij si “njeriu i ndeshjeve vendimtare”, me dy finale të luajtura me Prishtinën, njëra prej të cilave mbetet e paharrueshme për të. Në fund, ai rrëfen për hapin e madh drejt futbollit jashtë Kosovës, transferimin në Ukrainë, si dhe rolin vendimtar që pati Debatik Curri në realizimin e këtij transferimi, duke hapur një kapitull të ri në karrierën e tij.

Mbështetur nga:

- Golden Eagle  

- Golden Eagle është një kompani lidere nga Kosova, e njohur për prodhimin e pijeve energjike që kombinojnë shijen unike me cilësinë e lartë.  

Për më shumë: https://www.goldeneagle-ks.com  

- Air Munich  

- Air Munich është agjension turistik që ju sjell fluturime direkte me çmime fantastike drejt qyteteve më të kërkuara jo vet nga Gjermania dhe Zvicëra, por edhe më gjerë.  

Për më shumë: https://www.facebook.com/AirMunichks 

- EXFIS 

- Exfis është kompani që vepron në tregun e derivateve të naftës në Kosovë, e specializuar në importin, shpërndarjen dhe shitjen me pakicë e shumicë të karburanteve me standarde evropiane.

Për më shumë: https://www.facebook.com/exfisqualit

- E Bukura e Dheut

- E Bukura e Dheut është një kompani kosovare e specializuar në prodhimin dhe shitjen e produkteve ushqimore bio dhe të shëndetshme.  

- Për më shumë: https://www.ebukura.com