Áttundi þátturinn í útvarpsþáttaröðinni Árið er .... Íslensk dægurlagasaga í tali og tónum fer í loftið á Rás 2 klukkan 16.05 í dag, laugardaginn 22. júní og verður endurfluttur sunnudagskvöldið 23. júní kl. 22.05.

Meðal viðmælenda í áttunda þættinum, þar sem íslenska tónlistarárið 1990 verður tekið fyrir, eru Björk Guðmundsdóttir, Sigríður Beinteinsdóttir, Jakob Frímann Magnússon, Egill Ólafsson,Daníel Ágúst Haraldsson, Sigtryggur Baldursson, Máni Svavarsson, Jón Ólafsson, Helgi Björnsson, Jakob Smári Magnússon, Björgvin Halldórsson og Þorvaldur Bjarni Þorvaldsson.

Árið er.... Íslensk dægurlagasaga í tali og tónum er á dagskrá á laugardögum á Rás 2 og þættirnir eru endurfluttir á sunnudagskvöldum. Þar eru helstu straumar og stefnur í íslenskri tónlist til umfjöllunar og eitt ár tekið fyrir í einu, auk þess sem drepið er á helstu dægurmálum samtímans hverju sinni.

Umsjónarmaður er Gunnlaugur Jónsson og honum til aðstoðar eru Ásgeir Eyþórsson, Jónatan Garðarsson og Sigríður Thorlacius.