ԱՐՄԵՆՊՐԵՍ/ARMENPRESS

Հայաստանի հրաձգության հավաքականի անդամ Էլմիրա Կարապետյանը աշխարհի գավաթի խաղարկության հերթական փուլում ոսկե մեդալ նվաճելու հետո մասնակցելու է հրաձգության աշխարհի առաջնությանը, որն անցկացվելու է նոյեմբերի 1-14-ը, Կատարի մայրաքաղաք Դոհայում։  

«Արմենպրես»-ի Podcast-Sport-ում հյուրընկալել ենք Էլմիրա Կարապետյանին, որի հետ խոսել ենք երկրորդ անգամ մայր դառնալուց հետո կրկին մարզումներին վերադառնալու, աշխարհի գավաթի խաղարկության ոսկե մեդալի, հրաձգության հավաքականի, Երևանում կայացած Եվրոպայի առաջնության արձագանքների, ինչպես նաև աշխարհի առաջիկա առաջնությունից նրա ակնկալիքների մասին, որը վարկանիշային է 2028 թվականի Օլիմպիական խաղերի համար

2023 թվականին «Մշակույթների երկխոսություն» կազմակերպությունը Հայաստանի Հանրապետության կառավարությանն է ներկայացրել Սյունիքի մարզի Մեղրի համայնքի Շվանիձոր գյուղում ժամանակակից արվեստի կենտրոն հիմնելու նախագիծը, որը հավանության է արժանացել։  

Թեմայի շուրջ «Արմենպրես»-ի թղթակիցն օրեր առաջ փոդքասթի ձևաչափով զրուցել է «Մշակույթների երկխոսություն» կազմակերպության հիմնադիր նախագահ Սոնա Հարությունյանի հետ։

-Կխնդրեմ մի փոքր բացել նախագծի փակագծերը․ ինչպե՞ս է ծնվել գաղափարը։ Նախագծի հիմքում ի՞նչ առաջնահերթություններ են ընկած։

-Շնորհակալ եմ, որ «Արմենպրես»-ի ուշադրության կենտրոնում է այս նախագիծը, քանի որ սա ոչ միայն արվեստի ոլորտում ստեղծագործող և գործող մարդկանց համար է կարևոր, այլ նաև Հայաստանի Հանրապետության համար։ Մեր գործունեության ընթացքում փաստեցինք, որ արվեստային և մշակութային կյանքը շատ է կենտրոնացած մայրաքաղաքում։ Ցանկացանք մեր ուժերի չափով նպաստել արվեստի ապակենտրոնացմանը։ Բոլորի համար հայտնի իրադարձությունների հետևանքով Սյունիքի մարզը հատկապես 2023 թվականից հետո վտանգված էր, ուստի ցանկացանք այդ մարզի սահմանամերձ գյուղերից մեկում իրականացնել մեր նախաձեռնությունը, որպեսզի կարողանանք արվեստի և մշակույթի միջոցով պահպանել և ամրակայել այդ տարածքը։ Մեր ընտրությունը կանգ առավ Շվանիձոր բնակավայրի վրա։ Այն շատ հայտնի է իր պատմամշակութային տարբեր հուշարձաններով և Արաքսի ափին է։ Թվում է՝ ձեռքով հնարավոր է դիպչել Իրանի լեռներին։

2023-ից մեկնարկեցինք նախապատրաստական աշխատանքները։ Շվանիձոր բնակավայրի ղեկավարի, Մեղրիի համայնքապետի հետ հանդիպման արդյունքում գաղափարի իրականացման համար Շվանիձորում մեզ տրամադրվեց յոթ տարածք՝ որպես մեկնարկային կառույցներ, որոնք հիմք կհանդիսանան բուն բնակավայրը ժամանակակից արվեստի կենտրոնի վերածելու համար։

Հայկական ակումբային ֆուտբոլի համար այս տարին բացառիկ  է. Հայաստանի չեմպիոն «Արարատ-Արմենիա»-ն դարձավ առաջին ակումբը, որը հանդես է գալիս ՈՒԵՖԱ Եվրոպա լիգայի խաղարկության հիմնական փուլում:  «Արմենպրես»-ի Podcast-Sport-ում հյուրընկալել ենք «Արարատ-Արմենիա»-ի մարզչական շտաբի անդամ Գևորգ Ղազարյանին, որի հետ խոսել ենք մարզչական ոլորտում իր ապագայի, «Արարատ-Արմենիա»-ի պատմական նվաճման, Եվրոպա լիգայում ընթացիկ մրցաշրջանի, «Արարատ-Արմենիա»-ի գլխավոր մարզիչ Մանուել Տուլիպայի, հայկական Պրեմիեր լիգայում առկա  մրցակցության ու հայ ֆուտբոլիստների հեռանկարների մասին:

Հայաստանի փոքր լինելն առավելություն է գիտատեխնոլոգիական ոլորտի զարգացման համար. Գուրգեն Մարդոյան

Երևանում կայանալիք COP17 միջազգային համաժողովին հավուր պատշաճի նախապատրաստվում են հատկապես կենսաբազմազանության ոլորտում մասնագիտացած կազմակերպությունները, որոնցից մեկն էլ Վայրի բնության և մշակութային արժեքների պահպանման հիմնադրամն է։

«Արմենպրես»-ի հետ զրույցի ընթացքում հիմնադրամի ծրագրերի տնօրեն Սոնա Քալանթարյանը և բնապահպանական ծրագրերի ղեկավար Ծովինար Հովհաննիսյանը ներկայացրին, թե ինչ ծրագրերով են մասնակցելու  COP17 համաժողովին և ինչ առաքելություն են ունենալու այդ կարևոր միջոցառման ընթացքում։

Գիտության շաբաթ. Հայաստան 2025-2026

Զրույց <<Գիտուժ>>- ի ծրագրերի համակարգող Ֆլոռա Բաբաջանյանի հետ։

Գիտության շաբաթ. Հայաստան 2025-2026

Արհեստական բանականության ներկան ու ապագան։Հարցազրույց արհեստական բանականության ոլորտի գիտնական Վազգեն Հակոբջանյանի հետ։

Հանրապետության ամբողջ տարածքում այսօր մեկնարկել է երրորդ համահայկական «Գիտության շաբաթը»։ Միջոցառումների շարքը կտևի մինչև սեպտեմբերի 26-ը` ընդգրկելով Հայաստանի բոլոր մարզերն ու Երևանը։ 

Ինչպես նախորդ երկու տարիներին, այս տարվա «Գիտության շաբաթվա» առաքելությունը նույնն է. հանրահռչակել գիտությունը, հասարակության հետ խոսել գիտության կարևորության ու գիտնականի աշխատանքի մասին։

Ի՞նչ միջոցառումներ են սպասվում այս տարի։ «Գիտության շաբաթ» փոդքաստի շրջանակներում զրուցել ենք «Գիտուժ»-ի ծրագրերի համակարգող Ֆլորա Բաբաջանյանի հետ։ 

Podcast-ի շրջանակում «Արմենպրես»-ի տաղավարում Հայաստանի՝ Օքսֆորդի շրջանավարտների բիզնես ակումբի խորհրդի նախագահ Ալեքսանդր Շաղիկյանն անդրադարձել է հոկտեմբերի 5-6-ը Երևանում առաջին անգան կայանալիք «Հայաստան-Միացյալ Թագավորություն բիզնես համաժողով»-ի նախապատրաստական աշխատանքներին, բովանդակությանը, ձևաչափային քննարկումներին և ակնկալիքներին։

Երիտասարդ երգիչ Արսեն Զաքարյանին երաժշտասերների լայն շրջանակը ճանաչեց «Ազգային երգիչ» նախագծից, որի ընթացքում Արսենն աչքի ընկավ  ինքնատիպությամբ, անկեղծությամբ, սիրված հեղինակների հանրահայտ ստեղծագործոթյունները նորովի մատուցելու կարողությամբ։ Նախագծից հետո Արսենը շարունակում է երգել, կատարել տարբեր ժանրերի ստեղծագործություններ՝ մեծ նշանակություն տալով ազգային երգին։ Արսենը, որը նաև իր սեփական երգերն է գրում, պարբերաբար համերգներով ներկայանում է Հայաստանի թանգարաններում, համերգասրահներում՝ տարածելով հայ երգը, սակայն նրա հիմնական նպատակն է նպաստել սիրած քաղաքի՝ Արմավիրի մշակութային զարթոնքին։