Arndakt

Arndakt

By Arni ZachariassenSociety & Culture
Download on the App Store

Arndakt episodes

  • Eitt ummæli av "Skál"

    "Skál" er ein góður filmur. Hann gjørdi meg eitt sindur keddan, men meira enn tað, takksaman. Tí hann lýsir veruleikan, sum hann faktist er í Føroyum beint nú. Og tað gera vit rætt, at fyrihalda okkum til við umhugsni og erligheit. 

    36 min
  • Meira enn bara ímóti fosturtøku (við Charles Camosy)

    Triðja innslag í bókamánaðinum, sum nú reint tekniskt er blivin meira enn ein mánaði langur. Ikki so farligt.

    Charles Camosy er dosentur á Fordham University, har hann undirvísur í gudfrøði og samfelagsetikki. Í hesum partinum tosi eg við hann um hansara nýggjastu bók, Resisting Throwaway Culture: How a Consistent Life Ethic Can Unite a Fractured People. 

    Charlie viðmælir bókina hjá Daniel K. Williams, sum eitur Defenders of the Unborn: The Pro-Life Movement before Roe v. Wade.

    (Hin samrøðan, eg gjørdi við Charlie, er ikki longur online, tíverri.)

    49 min
  • Ein betri javnvág millum høvd, hond og hjarta (við David Goodhart)

    Bókamánaðin apríl 2021 heldur áfram.

    Í hesum partinum tosi eg við David Goodhart um bøkurnar hjá honum, Head Hand Heart: The Struggle for Dignity and Status in the 21st Century (2020) og The Road to Somewhere: The New Tribes Shaping British Politics (2017). 

    David viðmælir The Master and His Emissary: The Divided Brain and the Making of the Western World (2019) hjá Ian McGilchrist.

    1 hr 11 min
  • Sterku gudarnir venda aftur (við R.R. Reno)

    Aprílmánaði er bókamánaði. Hendan mánaðin fari eg at tosa við (í hvørt fall) fýra rithøvdunar, sum hava skrivað nakrar av teimum bestu bókunum, eg havi lisið í seinastuni.

    Tann fyrsti er R.R. Reno, sum hevur skrivað Return of the Strong Gods: Nationalism, Populism, and the Future of the West.

    Rusty, sum hann eitur, er ritstjóri á First Things. Hann skrivaði eisini Resurrecting the Idea of a Christian Society, sum eg las fyri nøkrum árum síðani og mær dámdi.

    Reno viðmælir Two Cities hjá Andrew Willard Jones, sum ikki er komin út enn og eg tí ikki kann linka til. Hann skrivaði til mín aftaná samrøðuna og bað meg siga, at hann eisini viðmælir tí nýggjastu hjá Ryszard Legutko, The Cunning of Freedom: Saving the Self in an Age of False Idols.

    50 min
  • Ímóti fosturtøku og "Fríum vali" (við Astrið Breckmann)

    Eg og Astrið Breckmann tosa um Instagram profilin hjá Fríum vali, sum arbeiðir fyri fríari fosturtøku í Føroyum. Vit eru ikki samd við felagsskapinum.

    Teirra profilur er her: https://www.instagram.com/frittvalfo/

    Heimasíðan hjá hesum podcastinum er her: https://arndakt.wordpress.com

    Upptikið: 12. mars 2021

    59 min
  • Hvussu er tað, at hava eitt sjúkt barn? (við Heina Kristiansen)

    Heini Kristiansen er HR-leiðari á Bakkafrost, limur í Nes kommunu bygdaráði og deknur. So er hann pápi hjá Markus, sum varð føddur við hjartafeili og hevði tað hart við sjúku fyrstu tíðina í sínum lívi. Eg eri eisini pápi ein sjúkan drong, og tí vildi eg tosa við Heina um kenslurnar, sum eru knýttar at tí. 

    Hetta er ein partur í eini røð, eg geri um menn og kenslur. 

    Upptikið: 17. februar 2021. 

    Heimasíða: https://arndakt.wordpress.com/2021/03/01/arndakt-12-hvussu-er-tad-at-hava-eitt-sjukt-barn-vid-heina-kristiansen/

    1 hr 5 min
  • Vísindaskepsis, virðisrelativisma og høgra/vinstra (við Heina í Skorini og Sjúrður Hammer)

    Heini og Sjúrður er gamlir vinmenn hjá mær og eitt hugnaligt leygarkvøld tosaðu vit um týdningarmikil ting. Vit blivu enntá ósamdir móti endanum.

    Heini í Skorini er PhD í altjóða sambondum og adjunktur á Fróðskaparsetrinum.

    Sjúrður Hammer er PhD í lívfrøði og arbeiðir á Umhvørvisstovuni.

    Eg eri ikki PhD í nøkrum.

    Upptikið leygarkvøldið 13. februar 2021. 

    1 hr 11 min
  • Fimm moralsk grundarløg

    Hvat hava fuglar og vindmyllulundir við moral at gera?

    Ástøðið hjá Jonathan Haidt (m.a.) um at okkara moralska resonering byggir á fimm ymisk grundarløg hjálpir okkum, at fáa skil uppá okkara egnu moralsku niðurstøður og at skilja hvar onnur koma frá.

    Tey fimm grundarløgini eru:

    Umsorgan/skaði

    Rættvísi/mismunur
    Loyalitetur/svik
    Myndugleiki/uppreistur
    Heilagleiki/vanæra

    (Og kanska: Frælsi/kúgan)

    Les meir um "moral foundations theory" her og her.

    "Vindmyllur á Eiði: Loyvið til vindmyllur tikið aftur" á Dimma.fo.

    Hetta er heimasíðan hjá Jonathan Haidt.

    Keyp hansara The Righteous Mind: Why Good People are Divided by Politics and Religion her (og The Coddling of the American Mind : How Good Intentions and Bad Ideas Are Setting Up a Generation for Failure her, nú tú ert í gongd).

    Facebook-innleggið hjá Svend Brinkman um standmyndir.

    Um Chesterton's Fence.

    46 min
  • Tú kanst steðga pínuni, tú hevur arvað

    Hvønn dag stríðast fólk við pínu, sum tey hava arvað. Eitt tað besta, menniskju kunnu gera, er at steðga hesi ræðuligu tilgongdini.

    Og HARRIN gekk fram við honum og rópti: "HARRIN! HARRIN! - miskunnsamur og náðigur Gud, langmóðigur og ríkur í miskunn og trúfesti, sum goymir náði í túsund mannaminni, sum fyrigevur misgerð, lógbrot og synd, men als ikki letur hin seka verða óstraffaðan, sum straffar misgerðir fedra á børn og barnabørn, ja á børn barnabarna og á børn teirra uppaftur!"
    - 2. Mósebók 34:6-7
    Og Hann kallaði fólkið til Sín, og eisini lærisveinar Sínar, og segði við tey: "Tann, ið vil koma aftan á Mær, má avnokta seg sjálvan og taka upp kross sín og fylgja Mær."
    - Markus 8:34
    So fór Hann eitt sindur longur, fall á andlit Sítt, bað og segði: "Faðir Mín! Er tað møguligt, so lat henda kalik fara frá Mær! Tó, ikki sum Eg vil, men sum Tú vilt!"
    - Matteus 26:39
    14 min

About Arndakt

From the publisher's feed

Hugarensl um mangt og hvat.