Ás veces é preciso comezar polo pequeno, como poñer en valor a nosa lingua na educación infantil. Con Marta Díaz falamos da súa tese sobre a socialización en galego.

Pequeno é tamén o Chiriguito Deilán en Vilaboa. Elena entreténnos os veráns dende hai tres anos con propostas musicais de calidade.

Traemos dúas historias

Imos coñecer a da primeira xinécologa en Vigo. “Olimpia Valencia, ocho décadas de historia desde lo ojos de una pionera” escrita pola xornalista Ana Fuentes.

A da Lindona de Galicia foi adaptada recentemente ó teatro radiofónico por Tito Asorey. Trátase dunha obra teatral do s. XVII na que aparece o galego. Sobre a presenza da nosa língua nos textos desa época falamos con Rosario Álvarez, presidenta do Consello da Cultura Galega.

O século XXI. E agora a que retos se enfrenta o movemento asociativo? Diso conversamos cos presidentes do Cvcv deste novo milenio.

Dous proxectos novos e dúas mulleres para contalos.

Amarelante busca manter o rural de Manzaneda vivo. Natalia forma parte desta cooperativa con outros 8 socios mais. No 2013 apostaron por renovar a tradición das castañas ofrecendo novos productos feitos deste froito: fariña, doces... e por que non, bebidas.

Ana Pan é o cerebro de Panadería Desing. A paixón desta arquitecta pola pintura e mais a reciclaxe, levouna a deseñar bañadores de poliester reciclado moi divertidos e que secan enseguida. Intenta non deixar o menor residuo posible, traballa baixo demanda, sen stock.

O de falar sós non é cousa de tolos. Hai alguén que sempre nos escoita: Siri e Alexa, pero as súas respostas parecen que quedaron no século pasado, se as miramos con perspectiva de xénero. Diso falaremos coa profesora Soledad Torres da Uvigo.

Os nosos antergos si que sabían. Os castros están ubicados en lugares con moi boas defensas pero tamén cunhas vistas impresionantes. Coñecemos o de Chandebrito da man de Elena, Árbore Arqueoloxía.

Traemos plans para os días de chuvia: os xogos de mesa en galego de Brazolinda xogos. Creados por Irimia Fernández.

E sobre o bo uso das redes sociais para as empresas e organizacións conversaremos coa consultora Iria Álvarez.

Non só de música se alimenta a nosa alma, tamén de libros. Hai toda una sección adicada á biblioterapia na Biblioteca Pública de Vigo Juan Compañel. E diso conversamos con Cristina García Parga. https://rbgalicia.xunta.gal/sites/default/files/documents/aviso/guia_libros_recomendados_gal.pdf

Realkiddys, un proxecto que naceu dos estudios de máster de Alba Alonso sobre a igualdade de xénero. Non só aberto ós cativos e os pais, senón á infancia en xeral como un patrimonio a coidar entre todas as persoas. Teñan ou non teñan fillos. A vella historia de sempre achegada ós nosos tempos, como mellor nos entra, con moito peso no audiovisual: contos, documentais, tik tok…

Naza Tilve adícase á recuperación física da saúde, especialmente, despois de enfermidades coma os cancros de mama ou de próstata.

Noemí García, profesora de lingua galega que puxo en marcha no seu instituto (Leiras Pulpeiro, Lugo) o proxecto Galego para Boomers… Mais que un xeito de traer o galego ao século XXI, definirémolo como un xeito de traer aos boomers ao século XXI.

Leandro Lamas ten moitas historias que contar, desas que lle serven de inspiración para os seus debuxos. Andivo esta finde pintado “viñetas do camiño” no Camiño Inglés, en Narón e non deu rematado o cadro porque os cativos que por alí andaban non paraban de lle pedir un debuxo. E el facíalles un paxariño. A Leandro gústalle moito a bici e recoméndanos a serra do Forgoselo, que lembra a paixase de Escocia onde tamén hai turbeiras.

En 20metros cadrados pode facerse unha hortiña urbana? Cé Rodríguez comezou así en 2013 nun anaco fronte o torreiro de Bembrive. Cando saían os cherries sacaba foto e contaba unha pequena historia. E así foi crecendo ata convertirse en agrotuber. E hai mais: a huertina de Toni, en Asturias, Cosas del jardín dun arxentino...

Tanxugueiras o fai coa música de raiz levándoo ó mais moderno.

Cos alimentos que nos sobran pola casa (o 40% do desperdicio alimentario faise nos fogares) dámoslle unha volta. Ideas da man da Comuna Nutritiva.