G7 စက်မှုထိပ်သီး (၇) နိုင်ငံက နိုင်ငံခြားရေးဝန်ကြီးတွေ ကနေဒါနိုင်ငံ Quebec မှာ တွေ့ဆုံကြဖို့ ရှိပါတယ်။ ဒီအစည်းအဝေးအတွင်း ယူကရိန်းအပေါ် ရုရှားကျူးကျော်စစ်နဲ့ ပတ်သက်လို့လည်း ဆွေးနွေးမှာပါ။

မြန်မာနိုင်ငံဘဏ်လုပ်ငန်းတွေက ငွေထုတ်စက်တွေမှာ မကြာသေးခင်ကစလို့ ငွေသားထုတ်ယူရတာ အခက်အခဲတွေ ကြုံနေရတယ်လို့ ကိုယ်တိုင်သုံးစွဲသူတွေက ပြောပါတယ်။

ကချင်တိုင်းရင်းသား လက်နက်ကိုင်အဖွဲ့ရဲ့ ဌာနချုပ် လိုင်ဇာမြို့အနီး စစ်ကောင်စီက ဒီကနေ့ အစောပိုင်းမှာ ဒရုန်းနဲ့တိုက်ခိုက်ခဲ့ကြောင်း KIO အဖွဲ့ ပြန်ကြားရေးတာဝန်ခံက ပြောလိုက်ပါတယ်။ လူနေရပ်ကွက်တွေအနီး တိုက်ခိုက်ခံရမှုမှာ သေကျေထိခိုက်တာတော့ မရှိဘူးလို့လည်း ပြောပါတယ်။

အာဏာသိမ်းပြီးကတည်းက ပထမဦးဆုံး နိုင်ငံတော်အလည်အပတ် ခရီးစဉ်အဖြစ် သွားရောက်ခွင့်ရခဲ့တဲ့ စစ်ကောင်စီ အကြီးအကဲရဲ့ ရုရှားခရီးစဉ်ဟာ အနောက်နိုင်ငံတွေရဲ့ ဒဏ်ခတ်ပိတ်ဆို့မှု ခံနေရတဲ့ ရုရှား-မြန်မာ နှစ်နိုင်ငံအတွက် ဘယ်လို အကျိုးသက်ရောက်မှုတွေ ရှိနိုင်ပါသလဲ။