تفتكروا لو الجزء التاني من مسلسل النهاية كان بيتكلم عن نهاية الكون يوسف الشريف هيختار أنهي سيناريو؟

في إصدار احدث للأنمي كان المقاتل الشرير واخد اسم Exia Dark Matter علشان يبقى مرعب بس تفتكروا ليه مفهوم الDark Matter ممكن يكون مرعب؟

لما كنا بنتفرج على أنمي "يوجي" زمان عرفنا أن العين الألفية هي أداة كان مستخدمها يقدر يشوف عالم الظل أو الجزء المظلم من عالم يوجي، يا ترى ايه هو الاختراع اللي كان بمثابة عين الألفية لينا وخلانا نشوف جزء أكبر من العالم المظلم الخاص بالسماء؟

عارفين لعبة ثبت صنم اللي فيها شخص بيكون واقف والناس كلها متجمعة حواليه، تعالوا نرجع بالزمن شوية ونشوف كان ايه المعتقد اللي الناس كلها متجمعة حواليه زي الصنم، وفي نهاية المطاف مين اللي حرك الصنم ده؟

أسطورة طائر العنقاء مشهورة جدا والناس بالغت في وصفه لدرجة انهم قالوا انه بيعمل حاجة مفيش غير جسم واحد في السما بيعملها ..

مش بس إشارة باتمان اللي بتلمع وسط المدينة، لو ركزت كويس هتلاقي في حاجات كتير برضه بتلمع في السما وخلينا نتكلم عن الحاجات الكتير دي بقى شوية

زي ما قال الفنان عمرو دياب "حلوة البدايات كلها حكايات" خلونا نعرف اكتر عن حكايات علم الفلك وبداياته وهل كانت حلوة فعلا ولا قانون عمرو دياب مش هيمشي هنا ..

انا عبدالرحيم او بحر، عندي 22 سنة، طالب في كلية علوم قسم فيزيا فلك، هكون موجود معاك هنا في برنامج كل هدفه انه يوصلك شوية معلومات فلكية بشكل بسيط وممتع، كل اللي عليك انك تستناني كل يوم أتنين الساعة 2 علشان تسمع الحلقة الجديدة، وبس كده.