Wat fir Däitsch oder Franséisch scho laang zum Alldag gehéiert, ass elo och fir d’Lëtzebuergescht méiglech. Mat Hëllef vun der Online-Software LuxASR kann ee lëtzebuergesch Audio- a Videodateien transkribéiere loossen. De Projet, deen als Kooperatioun vun der uni.lu mat der Chamber an d’Liewe geruff gouf, gëtt vum Professer Peter Gilles vun der Uni.lu mat entwéckelt. LuxASR soll säin Deel dozou bäidroen, datt och eng kleng Sprooche wéi Lëtzebuergesch an der digitaler Welt net ënnergeet.