នៅក្នុងសតវត្សទី២១នេះ គោលនយោបាយការបរទេសរបស់សហរដ្ឋអាមេរិកហាក់មានទំនោរខ្លាំងមកកាន់តំបន់ឥណ្ឌូ-ប៉ាស៊ីហ្វិក ស្របពេលដែលអានុភាពមហាយក្សសេដ្ឋកិច្ចចិនកំពុងតែកើនឡើងជាលំដាប់។ ដើម្បីជាការឆ្លើយតប ក៏ដូចជាទប់ស្ដាក់នូវកំណើនសេដ្ឋកិច្ចនិងអំណាចរបស់ប្រទេសចិន សហរដ្ឋអាមេរិកចាប់ផ្ដើមដាក់ចេញនូវយន្តការជាច្រើននៅក្នុងតំបន់ ជាក់ស្ដែងថ្មីៗនេះជាមួយនឹងសម្ព័ន្ធមិត្តរបស់ខ្លួនក្នុងតំបន់បានដាក់ចេញនូវក្របខណ្ឌសេដ្ឋកិច្ចឥណ្ឌូ-ប៉ាស៊ីហ្វិក (IPEF) ក្នុងគោលបំណងពង្រឹងកិច្ចសហប្រតិបត្តិការផ្នែកសេដ្ឋកិច្ចរបស់សហរដ្ឋអាមេរិកនៅតំបន់ឥណ្ឌូ-ប៉ាស៊ីហ្វិក