ប្រេសិតពិសេសនៃប្រធានអាស៊ាន ឯកឧត្ដមឧបនាយករដ្ឋមន្រ្តី ប្រាក់ សុខុម រដ្ឋមន្រ្តីការបរទេសនៃព្រះរាជាណាចក្រកម្ពុជា បានបំពេញដំណើរទស្សនកិច្ចការងារលើកទី២ នៅមីយ៉ាន់ម៉ា កាលពីថ្ងៃទី៣០ ខែមិថុនា ដល់ថ្ងៃទី០៣ ខែកក្កដា ឆ្នាំ២០២២ ដែលដំណើរទស្សនកិច្ចនេះមានគោលបំណង ដើម្បីជំរុញការអនុវត្តនូវកិច្ចព្រមព្រៀងឯកច្ឆន្ទទាំង៥ ពន្លឿនការផ្ដល់ជំនួយមនុស្សធម៌និងកម្មវិធីចាក់វ៉ាក់សាំងរួម និងបង្កើនបរិយាកាសអំណោយផលសម្រាប់ការសន្ទនានយោបាយប្រកបដោយបរិយាប័ន្នផងដែរ។