بهيدي الحلقة منحكي أنا وابراهيم القاضي عن بكاء الرجال، قصة الانتحار، كبت المشاعر السلبية، الذكورية بالنادي الرياضي, القلق الي منعيشوا بلبنان، الصحة النفسية، والاشيا الي تعلمناها من مسيرة العلاج النفسي...

وأكيد منربط الموصوع بكتير مفاهيم مفروضة على الرجال بمجتمعنا. مندردش عن اذا عنجد في معنى حقيقي للشفاء النفسي بحسب تجاربنا الشخصية مش مفهومنا العلمي للاشيا لأنو الصحة النفسية مش اختصاصنا أكيد.. هيدي بس للتنويه :)

منضحك كتير مع جاد شحرور على اشيا عشوائية. منحكي عن الكوميديا السوداء، الخيط الرفيع بين خطاب الكراهية وحرية التعبير ببساطة، الكوميديا الي رسخت صور نمطية مؤذية، والتعدي على حريات الصحافيين أونلاين وبالجنوب وبغزة. 

منحكي كتير عن علاقة هالموضوع بحياتنا اليومية ببساطة واللايبل الي بتعرضله الانسان الي بدافع عن حرية التعبير المطلقة.

 اذا ناشط/ة تلاحَق بسبب حرية التعبير، ليش هالشي بمسّ بكل الناس؟

فيكن تحضروا الحلقة على يوتيوب..

في كتير اشيا ما منعرفها عن فلسطين لأنو ببساطة ما منتخيل معنى العيش تحت احتلال…

هيدي الحلقة من الأروع. شيما عندها طريقة رائعة برواية القصص وربط كل شي شخصي وحلو بمفاهيم أكبر.

تعرفت على شيما من فترة بورشة عمل، حبيتها كتير وسألتها بوقتها كتير أسئلة عن التفاصيل الصغيرة والتنقل، ومع كل سؤال كنت عم اسأله كنت عم حاول اتخيل شعور العيش تحت الاحتلال اليومي وما اقدر… حبيت انقلكم محادثاتنا متل ما كانوا.

منحكي عن ذكرى النكبة الفلسطينية، علاقة الأَكل بالحقوق، البيت على الحيط، النكبة والابادة الحالية، وتفاصيل الاستعمار والاحتلال الصغيرة والكبيرة… من التنقل، للسفر الطويل، والحرمان من زيارة البحر، والابادة. منحكي عن رحلات السفر جوّا وبرا فلسطين، والاشيا الي بعيشوها الفلسطينيين يوميّاً.

-------------صار فيكن تكونوا من محرّكي بلا Label أو تشترولنا بوظة بهدف دعمنا لنقدر نعمل أكتر عبر الرابط التالي: https://www.buymeacoffee.com/balalabel ----------------

بهالحلقة أنا بحكي كتير لانو الموضوع قريب لقلبي، فما تواخذونا.لكل حدا مش كتير فاهم شو ناقص النساء بلبنان والمنطقة العربية، ومش حابب/ة كلمة نسوية، منعزمكن تعملوا كباية شاي، ترخّوا الأعصاب، وتحضروا هالحلقة لأنو النسويّة أبسَط من هيك.بتخبّرنا زينب اسماعيل عن قصة باربي، الاستقلالية، ومفاهيم النسوية البسيطة و تحصيل حقوق النساء المعقّد.منعيد كمان تفكيك كتير قصص من الطفولة ومننقلكن الأحاديث الشخصية الي كانت جزء كبير من رحلة اكتشاف مفاهيم النسوية لزينب وكريستين والنساء بشكل عام...

بهيدي الحلقة بتخبرنا ندى أيو فرحات عن سفرها للعمل بعد شهر من الولادة، عن أهمية حب النفس واللايبل الي انوضع عليها و قدرت تغيرو كإم وممثلة وامرأة لبنانية. 

منحكي كمان كتير عن صورة وحقوق النساء والامهات عبر الشاشات اللبنانية. 

فيكن تحضروا الحلقة عبر يوتيوب. 

صار فيكن تشترولنا بوظة وتدعمونا عبر: 

https://www.buymeacoffee.com/balalabel 

ياسمينا شمس الدين وميريام وهيبه  أصحابي المقربين. 

ياسمينا بتحكي عن طفولتها كحدا بينتمي للطائفة الشيعية وميريام بتحكي عن طفولتها كحدا بينتمي للطائفة المسيحية. 

قصصهن مختلفة كتير بس فيها اشيا مشتركة.

منحكي من دون فلاتر ومنضحك كتير كتير. 

منحكي عن الضاحية الي موجودة بالجنوب، عن اللغة الفرنسية والمسيحية وعن علاقة الحقوق بالدولة العلمانية. 

الحلقة موجودة على يوتيوب اذا حابين تشوفونا. 

--

صار فيكن تشترولنا بوظة بهدف دعمنا عبر الرابط التالي: 

https://www.buymeacoffee.com/balalabel
 

بهيدي الحلقة بخبرنا غابي جمّال عن الفيلم يلي حضره مع خاطفينه، العزيمة الي انعزم عليها بنص الحرب وعن أهمية الذاكرة والعدالة الانتقالية لتخطي الحرب الأهلية بلبنان.

غابي محارب سابق عن عمر صغير كتير، انتقل من المحاربة بالسلاح للمحاربة من أجل السلام.

الحلقة حلوة لأنها حقيقية، فيها مشاركة لمشاعر ندم ومصالحة مع النفس، أما قصص الحرب، فهي مش هلقد حقيقية لأنها لم توثّق، لكنها بالدرجة الأولى عبثية وحزينة وغريبة بنفس الوقت.

بهيدي الحلقة بتخبرنا جانيت دامينا عن مشكل التاكسي، ليش فكروها سرقت بنتها، “المدام” والسيناريو الأفضل لحقوق العاملات الأجنبيات في لبنان والغاء نظام الكفالة. 

  اذا بتسألوا حالكُن ليش دايماً في مطالبة بحقوق العاملات المنزليات بلبنان، اسمعوا التفسيرات بالحلقة من باب حقوقي واجتماعي. جانيت بتخبرنا القصص الي ما منسمعها أو منشوفها ومنسمعها كل يوم بس منختار انو نتجاهلها. 

الحلقة موجودة على يوتيوب صوت وصورة

بهيدي الحلقة، بخبرنا الياس صدقني عن حاجز الجيش، الكوميديا، وحقوق السوريين والسوريات بلبنان 

بالأوّل منسمع القصة، منحلل ما وراء السيناريو وأخيراً منفكّر بسيناريو آخر من زاوية حقوق الانسان

In this episode, Elias tells the army checkpoint story and talks about comedy and the Syrians' rights in Lebanon. 

We first hear the story, then move to reflecting on it and eventually land on “the other scenario” from a human rights perspective.  

هيدي بس المقدّمة، فيكن تحضروهاع يوتيوب.