Barwanne Podcast

Ide letschte Folg spielemer Heads Up, also e Mischig us Scharade und Taboo und nehmed euses Allegemeinwüsse under dLuupe (Es isch chli peinlich). Dezue gits en alte Klassiker, es lauwarms Sommersby und wie immer viel Lache, bevor mer eus mal wieder abmeldet. Viva!

Wie tönt Öl-Farb und wie pantomimt mer Schleim? Mir hend hüt eis vo eusne Lieblingsspiel id Barwanne gholt - s’Schüsselispiel! Wie das gaht und wie mir eus schlönd gsehnder i de neuste Folg! Mir freued eus, wenner drii lueged! CinCin! 

I de hütige Folg challenged mer eus i de “Whisper-Challenge”. Ei Person lost Musig und ghört darum nöd, was die ander Person seit - mer muss also Lippe lese und wie sich usestellt, fallt das nöd allne so liecht. S’Endergebnis umfasst au no de eint oder ander Gast und isch uf jede Fall en Lacher wert! Yamas!

Mir sind zrug! Mir wüssed, ihr hend eus sicher uh vermisst und eu e neui Staffle vom Barwanne Podcast gwünscht - und da isch sie! Die neue vier Folge dreihed sich um alli mögliche Challenges. Hüt, i de erste Folg spieled mer “Wer wür am ehnste?”, “Wer bin ich?” und zum Schluss tested mer no verschiedeni Snacks zume Glas ZAPFE-Vinoo. Zum Wohl! 

Mir verabschiedet euus! Ide letschte Folg vom Barwanne Podcast übergebemer eu s Wort und lönd eu bestimme, was die Folg so lauft! Mer redet über Broccoli, Schicksal und Urintrichter!  Schalted ihh und stossed es letschts Mal mit eus ahh! Danke vielmal, daser eus zueglost hend und Prost ihr Säcke!

Hüt wirds deep ide Barwanne! Mer redet über dBedüütig vo Selbstliebi, wie mirs praktiziered und was Schwierigkeite demit sind! Dezue tümer miteme Mimosa uskatere! Nazdorovje!

Hüt lerned ihr eus nomal richtig kenne! Mir hend beidi de Persönlichkeitstest gmacht vo Myers und Briggs und reded drüber, wie sehr s‘Resultat uf eus zuetrifft und wie fescht mer so Tests chan vertraue. Dezue schlürfed mer en Amaretto Sour. Yamas!

Hüt lerned ihr eus nomal richtig kenne! 

Hüt started mer i die dritti Staffle vom Barwanne Podcast! Mer reded über euses Stern- und Mondzeiche und eusi Aszendente und diskutiered, wie gnau so öpis überhaupt chan sie. Mer freued eus, wennd debi bisch! 

I eusem zweite Staffelfinale tested mir eusi beste Kolleginne vo Winterthur mit Quizfrage über euses Lebe und d‘Welt. Lern d’Lynn, d’Lorena und d’Léonie kenne und find use, wer s‘klügste Köpfchen isch! Zum Wohl!