Sougenannte Phishing Mailen, an deenen ee frauduléise Link dran ass, sinn näischt Neies. Mëttlerweil ginn awer och d’Online-Banking-Websitten realitéitstrei nogemaach.

Wien also e Virement wëllt maache muss oppassen, datt e wierklech um Site vu senger Bank ass an net op engem Fake-Site. Soss riskéiert ee seng Donnéeën - a warscheinlech och Geld - vun Onéierlecher geklaut ze kréien. Rezent war iwwer esou Websitten an der Press ze liesen. D’Pebia Urban huet sech mat enger Fra ënnerhalen, där genee dat passéiert ass.