eigentlich händ de danny und de sam welle über d'würdä vom ungeborene läbä rede. aber bim sam isch in de täg vor dere ufnahm fasch alles schief gloffe: z'wenig ziit mit gott, z'viel stress, z'viel konflikt i sim umfeld. dänn am morgä vor de ufnahm isch au na en striit mit sinere frau entbrannt.

z'viel unrueh für de sam. also isch zwüsched em danny und em sam es gspröch über schwachheit und gfühlti gottesferni entstandä. au dadrüber, wie wenig die eigeni leistig zellt und wo's im alltag aber ebe doch performance und disziplin brucht.

im dezember 25 hämmer zu dem thema scho mal ä emotionali folg ufgno. ä folg, wo nachere fortsetzig hät gschroue: da isch sie. «liebt eure feinde und bittet für die, die euch verfolgen», säit Jesus in dä bergpredigt. Was heisst «liebe» ganz konkret im umgang mit muslime?

«dä islam funktioniert nöd mit oisere christlichä kultur. es biisst sich, es gaht nöd mitenand», säit de danny. mues mä d grenzä ufezieh? oder wär das unchristlich unliebend? aber bin ich nöd au beuftragt, das z bewahre, was Gott mir gä hät?

de danny wills konkret wüsse: «agno, din sohn chunt hei und stellt dir sini fründin vor: sie isch muslima. wie reagiersch?» was de sam druf antwortet und warum er nöd i jedem muslimische chind ä tickende ziitbombe gseh will, ghörsch du i dä neuschte beLÄMMert-Folg.

im 2. mose 35 befiehlt Gott sim volk, dass nur die gabe sölled bringe, wo das au freiwillig wänd machä. was bedütet diä freiwilligkeit? was passiert mit mir, wänn ich freiwillig liäber nüt gib? schmor ich dänn im hölläfüür?

link zum video: https://youtu.be/wnkzxe8eDXg?is=HkQlIMNht96OLuj_

es gaht um grenze und grechtigkeit. weder de danny no de sam hetted erwartet, dass die afangs friedlichi diskussion so a fahrt ufnimmt. isch de sam en guetmensch-pazifischt? 

wänn Gott ois heilt, gheit alles ab. mä isch komplett neu. und doch: es isch guet möglich, das eim bald alti, chranki muschter iholed und mä us de freiheit wieder zrugg id unfreiheit gheit. trotz heilig! chan das würklich si? und falls ja: wie chan ich alti muschter loswerde und neui muschter umarme?

de hiob hät nöd nur a Gott glaubt, will er mit guetem gsegnet gsi isch. satan hät das aber gmeint. bim sam isches eher umgekehrt: vor allem bi leid und useforderig hät er intensiv s herz vo Gott gsuecht. das söll sich jetzt ändere: au guets söll id abhängigkeit vo Jesus füere.

im koran giz krassi stelle wie z.b.: wer nöd glaubt, söll sterbe. hoppla! was passiert jetzt mit ois, wänn immer meh muslime da läbed? was i dem allem ine chönt oisi ufgab sii und was nöd? – über das diskutiered de danny und sam i dere folg. es isch teilwiis recht kontrovers und möglicherwiis wirft das gschpröch frage oder emotione uf bi dir: du bisch herzlich iglade, i d beLÄMMert-whatsappgruppe z cho und mitzdiskutiere (link isch une).

https://chat.whatsapp.com/KICcU1xO9PWKA2gKwlGkwf?mode=hqrt1

de danny und de sam händ beid ihri gschicht mit chile. und beidi händ wünsch, wie die makellosi bruut vo Jesus söll usgseh. ganz a dem punkt simmer aber nonig acho... wieso nöd?

näbem gwohnte beLÄMMert-format, bi dem de danny und sam mitenand über es thema diskutiered, wirds in zuekunft au immer mal wieder so SPEZIAL-folge gä, i dene nur eine vo beidne zwort chunt, will er irgendwo zum rede isch iglade worde. die erschti SPEZIAL-folg macht de sam, wo am 2. november 2025 i de chile «focus lyss» über schmerz, druck und angscht gredt hät und erchlärt, wieso er hüt nüme vo Gott enttüscht isch.

hoppla! was für en schräge titel. isch das würklich so? ach was! angscht isch doch menschlich. mängisch sogar hilfriich, wills ois söll bewahre: oder söllmä öppe kei angscht ha, wänn mä useme brennende huus mues räne?