Schüler:innen aus der Grondschoul an de Lycéeën, mee och Erwuessener haten d’Geleeënheet zu Iechternach am Bësch d’Ausstellung “Bësch am Krich, Krich am Bësch" ze gesinn. Déi Ausstellung gouf op Initiativ vun der Natur a Bëschverwaltung organiséiert.

Et war déi 5. Editioun vun dëser lieweger Expo, wou een un Hand vun Ateliere mat alen Utensilien aus dem Zweete Weltkrich, mee och Fotoen an Temoignagen, erkläert krut wéi d’Kämpf am Bësch ofgelaf sinn. D’Carole Schimmer war sech déi Open-Air-Ausstellung ukucken.