Bestu íslensku plötur ársins 2012

Útvarpsþátturinn Hlustið og þér munið heyra á Rás 2 var í styttri kantinum miðvikudagskvöldið 9. janúar en milli klukkan 21 og 22 var endurflutt umfjöllun um bestu íslensku plötur ársins 2012 að mati hlustenda og starfsmanna Rásar 2, frá því í Popplandinu fyrr um daginn.

Alls fengu 39 íslenskar plötur atkvæði og meðal þeirra tónlistarmanna sem voru nálægt því að komast á topp 10 má nefna Ojba Rasta,Skálmöld, Sigur Rós, Eivöru Pálsdóttur, Borko, Mannakorn, Magnús & Jóhann, Múgsefjun, Legend, Ghostigital, Elízu Newman, Sigurð Guðmundsson og Memfismafíuna, Egil Ólafsson, Dimmu og Vintage Caravan.

Hlustendur og starfsmenn Rásar 2 völdu bestu íslensku plötur ársins 2012. Dýrð í dauðaþögn með Ásgeiri Trausta var valin plata ársins en í 10 efstu sætunum voru eftirfarandi plötur:

1. Ásgeir Trausti - Dýrð í dauðaþögn

2. Valdimar - Um stund

3. Moses Hightower - Önnur Mósebók

4. Jónas Sigurðsson & Lúðrasveit Þorlákshafnar - Þar sem himin ber við haf

5. Retro Stefson - Retro Stefson

6. Hjaltalín - Enter 4

7. Tilbury - Exorcise

8. Kiriyama Family - Kiriyama Family

9. Pétur Ben - God's Lonely Man

10. Biggi Hilmars - All We Can Be