Die is byna 23hoo toe die rooi Volkswagen vir die soveelste keer

voor die kafee verby ry. Die man en meisie in die motor kyk by

die kafee in. Hulle is uiteindelik tevrede die kafee-eienaar is alleen.

Hulle hou voor die kafee stil en stap binne. Die man bestel 'n

bord kerrie en rys. Die meisie eet lustig aan 'n bakkie jogurt.

Terwyl hulle besig is om te eet, kyk die man op en sê in die

rigting van die kafee eienaar: "Hier is nie genoeg vleis in my kerrie nie.

Die vriendelike kafee eienaar bied dadelik aan om meer vleis in

die kombuis te gaan haal. Hy stap agtertoe by die kombuisdeur

in met die kerrie-eter kort op sy hakke.

Terwyl die kafee eienaar omdraai om die vleis uit die kastrol te

skep, hoor hy die jong man agter hom sê: "I like my meat."

Die volgende oomblik klap 'n skoot. Die koeël wat dwarsdeur

die kafee eienaar se liggaam ruk, slaan in die kastrol met kerrievleis

vas. Half in 'n beswyming sak hy op die vloer ineen.

Deur die newels van bewusteloosheid hoor hy hoe die geldlaai

oopgemaak word. Hy weet dat daar sowat R240 in die laai is en

dat dit die buit van sy onverwagte aanvaller word.

Tien minute later klop die man aan sy huis se agterdeur, slegs

'n paar treë van die kafee af. Sy vrou, wat hom twee uur

vantevore springlewendig in die kafee agtergelaat het, staan vir

'n oomblik verstom toe sy haar man se toestand sien.

Haar desperate poging om hom die huis in te sleep, is

tevergeefs. Hy is te swaar vir haar. Sy roep 'hulle huishulp nader en

saam dra hulle haar man na die motor. Sy besef dat daar nie tyd is

om op die skok te reageer nie en jaag dadelik hospitaal toe.

Voordat Meneer Anton Benade, die 29-jarige eienaar van die

Elrina-restaurant op Despatch, in die Oos-Kaap, tien dae

later op 22 Februarie 1973 in die hospitaal beswyk het,

het hy 'n verklaring aan die polisie gedoen.

Die enigste getuie van die gebeure daardie aand, 12 Februarie

1973, in die Elrina, was dood. Selfs met sy verklaring en die

beskrywing van die twee besoekers wat laataand sy restaurant

binnegestap het, het die polisie nie veel leidrade gehad om op te

volg nie, want sy beskrywing na die kort ontmoeting was baie

vaag.

Beloftes vanuit Jesaja 54 Deel 1 (Oes waar jy nie geplan het nie, Maak jou mond wyd oop, Groter Grondgebied, Skaamteloos)

Is lockdowns, maskers en die intenting sinneloos?

Xi Jinping Said at Century Communist Party on 1 July 2021

"Time for bullying China is over for ever. The party showed the world that Chinese people is not only capable of dismantling the old world, but can build a new one." 

Source Al Jazeera News Updates - Xi warns against foreign bullying as China marks party centenary

Ander gesprekke:

Suid Chinese See

Hong Kong 

Taiwan 

Jack Ma 

Gebede vanuit Arthur Deel 4 (God kom doen Springcleaning, Dinge buite ons gemaksone, relabel ons foute en jy en jou kosbare seëning tesame met versamel kosbare advies)

Beloftes vanuit Jesaja 53 (God se unieke genesingsplan vir al ons eina, Mooie quote, Dis vir God lekker om ons te help en alles sal in flow wees)

If You Don't Heal What Hurt You, You'll Bleed on People Who Didn't Cut You.

Gebede vanuit films  Arthur Deel 3 (Uitspattige liefde, Vergeet die verlede en die trauma en ware vriendskap)

Gebede vanuit films  Arthur Deel 2 (God maak alles lekker, jou en jou cheerleaders en wees nice met almal)

Gebede vanuit films  Arthur Deel 1 (Betaal almal se vonisse, Bly net ‘n rukkie langer en die mees amazingste afspraak ooit)

God beantwoord ons gebede op uitsonderlike maniere