ཐེངས་འདིའི་བགྲོ་གླེང་མདུན་ཅོག་གི་ལས་རིམ་ནང་འདི་གའི་གསར་འགོད་པ་བསྟན་འཛིན་ནོར་བཟང་ལགས་ཀྱིས་བོད་མིའི་མང་གཙོའི་དུས་ཆེན་ཐེངས་༦༣ པ་བསྟུན། བོད་མིའི་མང་གཙོའི་ལམ་བུ་དང་ད་ལྟའི་གནས་བབ། མ་འོངས་ཁ་ཕྱོགས་སོགས་ཀྱི་སྐོར།

གཟའ་འཁོར་འདིའི་ལེ་ཚན་ནང་རྒྱ་ནག་གཞུང་གིས་བོད་ནང་བོད་མིའི་ངོ་བོ་རྩ་མེད་བཟོ་ཐབས་ཀྱི་སྲིད་བྱུས་ངན་པ་ལག་བསྟར་བྱེད་སྟངས་དང་འདིའི་ཤུགས་རྐྱེན་སོགས་ཀྱི་གླེང་མོལ་ཞུས་པ་དེ་གསན་རོགས་གནང་།

རྒྱལ་སྤྱི་བོད་རང་བཙན་ཚོགས་ཆེན་ཐེངས་དྲུག་པ་སྤྱི་ཡོངས་སྐོར་དང་། བོད་རང་བཙན་འཐབ་རྩོད་པའི་གནས་བབ་དང་མ་འོངས་ཁ་ཕྱོགས་སོགས་ཀྱི་སྐོར་ཚོགས་ཆེན་གོ་སྒྲིག་གནང་མཁན་ཁོངས་སུ་ཡོད་པ་བོད་གནས་ལྟ་ཞིབ་ཁང་གི་འགན་འཛིན་དབང་ལྡན་སྐྱབས་ལགས་ལ་འདི་གའི་གསར་འགོད་པ་བསྟན་འཛིན་ནོར་ལགས་ཀྱིས་གླེང་མོལ་ཞུས་ཡོད།།

ཉེ་དུས་ཨ་རིའི་རྒྱལ་ས་ལྦན་ཤོན་ཊོན་ནང་བརྟེན་གཞི་བྱས་པའི་རྒྱལ་སྤྱིའི་བོད་དོན་ལས་འགུལ་ཁང་གིས་ཤི་ཇི་ཕིང་གི་འདས་པའི་ལོ་ངོ་བཅུ་ལྷག་དབང་བསྒྱུར་བྱས་རིང་ལ་བོད་ཐོག་ལ་སྲིད་བྱུས་གང་འདྲ་ལག་བསྟར་བྱས་ཡོད་པ་དང། སྲིད་བྱུས་དེ་རིགས་ཀྱིས་བོད་མིར་ཤུགས་རྐྱེན་གང་འདྲ་བྱུང་བཞིན་ཡོད་པ་གསལ་སྟོན་བྱས་ཡོད་པ་རེད།

འདི་གའི་གསར་འགོད་པ་བསྟན་འཛིན་ནོར་བཟང་ལགས་ནས་ལ་དྭགས་ཀྱི་རྒྱལ་ས་གླེ་རུ་ཚོང་ལས་གཉེར་བཞིན་པའི་ལྷ་སའི་ཁ་ཆེ་བ་སྐུ་ཞབས་ཨབ་རྡུལ་རེཧ་མན་ལགས་དང་སྐུ་ཞབས་ཨ་སྦུ་སྦར་ཀར་ལགས་དང་ལྷན་དུ་ཁོང་རྣམ་པའི་ཚོང་ལས་ཀྱི་རང་བཞིན་དང་ཤྲི་རི་ན་གར་ཁུལ་གྱི་བོད་པ་ལྷ་སའི་ཁ་ཆེ་བ་ཚོའི་གནས་སྟངས་སྐོར་ལ་གླེང་མོལ་ཞུས་་པ་གསན་རོགས།

ཐེངས་འདིའི་བགྲོ་གླེང་མདུན་ཅོག་གི་ལེ་ཚན་ནང་འདི་གའི་གསར་འགོད་པ་བསྟན་འཛིན་ནོར་བཟང་ལགས་ནས་ལ་དྭགས་པ་ལོ་རྒྱུས་སྨྲ་བ་རྒན་ཐུབ་བསྟན་དཔལ་ལྡན་ལགས་དང་ལྷན་ཁོང་དེ་སྔ་བོད་ལ་ཆོས་བཞུགས་སུ་ཕེབས་པའི་དུས་སྐབས་ཀྱི་་མཐོང་ཐོས་མྱོང་འཚོར་གྱི་ལོ་རྒྱུས་སྐོར་གླེང་མོལ་ཞུས་པ་དེ་གསན་རོགས།།

ད་རིང་གི་ལས་རིམ་འདིའི་ནང་ཀེ་ན་ཊའི་གྲོང་ཁྱེར་ཊོ་རོན་ཊོ་ནང་གི་གཞོན་སྐྱེས་ཚོར་ལྷ་མོའི་འཁྲབ་གཞུང་སློབ་ཁྲིད་བྱེད་ཕྱོགས་ཀྱི་བརྒྱུད་རིམ་དང། བརྒྱུད་རིམ་འདི་ནས་གཞོན་སྐྱེར་ཉམས་མྱོང་དང་སློབ་གསོ་ག་རེ་བྱུང་ཡོད་པའི་ཐད་ལ་གླེང་སློང་བྱེད་ཀྱི་རེད།

ཐེངས་འདིའི་བགྲོ་གླེང་མདུན་ཅོག་ཏུ་ལ་དྭགས་བྱང་ཐང་ཧན་ལེ་ཡི་འགོ་པ་ཟུར་པ་བསྟན་པ་བརྩོན་འགྲུས་ལགས་ཀྱི་ལྷན་ལ་དྭགས་བྱང་ཐང་བོད་མི་འབྲོག་པ་ཚོའི་འཚོ་གནས་དང་འགྱུར་བ།

༄༅། འདི་ལོ་་འཛམ་གླིང་ཕྱོགས་ཡོངས་སུ་དད་ལྡན་མང་ཚོས་ནས་མགོན་པོ་གང་ཉིད་ཕྱི་ལུགས་ལྟར་དགུང་གྲངས་༨༨ ལ་ཕེབས་པའི་སྐུའི་འཁྲུངས་སྐར་དུས་ཆེན་རྣམ་པ་འདྲ་མིན་ཐོག་ནས་སྲུང་བརྩི་ཟབ་རྒྱས་ཞུས་ཡོད་པ་རེད། ༧གོང་ས་མཆོག་གི་འཁྲུངས་སྐོར་གྱི་གལ་གནད་སྐོར་བགྲོ་གླེང་ཞུས་པ་དེ་གཤམ་ལ་ཀུན་བཟང་རིག་འཛིན་ལགས་ཀྱིས་སྙན་སྒྲོན་གནང་གི་རེད།

བདུན་ཕྲག་སྔ་མར་རྒྱ་གར་གྱི་སྲིད་བློན་ན་རེན་ཌ་ར་མོ་ཌི་ཨ་རིར་གཞུང་འབྲེལ་འཚམས་གཟིགས་གནང་ཡོད་པ་དེ་ལ་རྒྱལ་སྤྱི་ཁྱོན་ནས་འགྱུར་བ་ཆེན་པོ་ཞིག་ཏུ་ངོས་འཛིན་བྱེད་ཀྱི་ཡོད་པ་དང་། དེས་རྒྱ་གར་གྱི་ཁྱིམ་མཚེས་རྒྱ་ནག་ལ་བརྡ་ལན་གང་སྤྲད་དང་། དེ་ནས་བོད་དོན་ལ་འབྲེལ་ཆགས་གནས་ཚུལ་གང་བྱུང་བ་བཅས་ཀྱི་ཐད་གླེང་མོལ་ཞུས་ཡོད།