هتحب بس مش هتسمح لنفسك تنجرف لأن الناس بتتغير، هتغضب لكن بسخرية ، مواقفك هتكون أنعم وأجمل وأنت هتكون سرعتك أقل وحماسك أهدى، لكن قراراتك مدروسة، مشاعرك هتحترمها من غير ما تتعلق بحاجة تملك قلبك فتعميك .. هتبص للي جاي لأن اللي فات مش هتعرف تغيره، اللي فات هو تدابير القدر اللي وصلتك لحكمة العمر الطويل ، ويوم ما تبص وراك، هتقول الحمد لله، جربت كل حاجة ولسه قادر أبتسم وأرضى .. هتكبر وتبقى نسخة مصححة معدلة من نفسك القديمة، نسخة قابلة للتصالح والتعديل والتغيير والتجديد، نسخة أجمل وجايز جدا أطيب.