ما بعد الـ 21

انت بس اللي عندك حرية الاختيار وقدرة تحمل عواقب كل اختيار فيهم نار واحنا اللي بنختار انهي واحد نتحرق فيه ياما نتحرق في القديم ياما الجديد علشان كده في راي المتواضع اختار نارك اللي تناسبك وتستاهلك واعرف كويس قوى ازاى تفاضل بينهم

التغير مش سهل والاستمرار في التعود مش محبب للنفس انت بس اللي عارف حياتك وانت بس اللي عارف قدراتك ❤️

خلي عقلك إللي يحددلك إيه إللي تسعى علشانه 👌🏻 ومشاعرك تبقى هي الاكسجين إللي بيكبر الشعله إللي عقلك بدأها و قبل ما تبدأ الأمور إللى إختارتها ، إتأكد إنها قابلة للإستمرار 🤍

هتحب بس مش هتسمح لنفسك تنجرف لأن الناس بتتغير، هتغضب لكن بسخرية ، مواقفك هتكون أنعم وأجمل وأنت هتكون سرعتك أقل وحماسك أهدى، لكن قراراتك مدروسة، مشاعرك هتحترمها من غير ما تتعلق بحاجة تملك قلبك فتعميك .. هتبص للي جاي لأن اللي فات مش هتعرف تغيره، اللي فات هو تدابير القدر اللي وصلتك لحكمة العمر الطويل ، ويوم ما تبص وراك، هتقول الحمد لله، جربت كل حاجة ولسه قادر أبتسم وأرضى .. هتكبر وتبقى نسخة مصححة معدلة من نفسك القديمة، نسخة قابلة للتصالح والتعديل والتغيير والتجديد، نسخة أجمل وجايز جدا أطيب.

إيه إللى بيجذبنا إلى أشياء بعينها ؟ إيه اللى بيعجبنا في الكافيه ده ؟ ومش بيعجبنا في التانى ، و إيه إللى بيجذبنا ل الشخص تحديدا؟ طريقته في الضحك؟ شخصيته؟ كلامه؟ اهتمامه ؟ ولا الغموض... الغموض اللى بيلف نفسه بيه؟

هتختار تندمج أو تنسجم يرجعلك بس إحسبها صح 💜

السعادة بتيجى فجأة ،إجهز ليها ♥️ هغنى و أرقص و أحلم و أسافر و أرجع و أندفع و أتردد و أسكت و أصرخ و أدندن و أكتأب و أفرح و أهرج و أتوهم و أستنى .. هتمسك بمساحة الراحة و الإعتياد إللى أنا هبقا فيها لحد ما أدمنها و فجأة أقع في الحب!

اختياراتنا ملهاش أسس معينة و لا ليها كتالوج ، هى اختياراتنا بتناسب كل واحد بشخصيته و ظروفه و سنه

اتمنالكم الرضا بكل إللى عندكم ♥️

هذا هو النضج يا عزيزى ،ليس صعباً كما تخيلته، وليس سعيداً كما ظننت. حان وقت النشر حان وقت التجاوز

في الرحلة .. في رحلة الاستشفاء والتجاوز، إوعي تقع في فخ إنك تحبس نفسك جوه ذكرى أو حنين أو وهم زائف .. افتكر إنك في رحلة، متركنش كتير في الطريق

توصل بالسلامة. ❤️