Өнөөдөр бид хамтдаа Исаиа 52-р бүлгийг үзэх болно. Бид Исаиа 53-р бүлэг рүү ойртох тусам Иеховагийн зарц буюу Есүс Христийн дүр зураг улам бүр тодорхой харагдах болно. Нөгөөтэйгүүр Исаиа 53-р бүлэг ойртох тусам Исаиагийн өгүүлж буй Иеховагийн зарц гэдэг нь гарцаагүй Есүс Христ мөн гэдгийг бид улам илүү тодорхой харж байна. Бидний одоо үзэх Исаиа 52-р бүлгийг зарим Библийн багш нар “сэрүүлэг бүлэг” гэж нэрлэдэг. Учир нь энэ бүлэг эхлэхдээ “сэрэгтүн сэрэгтүн” гэж эхэлдэг.

Израильчууд худал хуурмаг шүтээнүүдийг шүтэж Бурхан Эзэнээ умартсан учраас Бурхан тэднийг орхисон. Гэхдээ Бурхан тэднийг хэзээ ч үүрд мартаж орхихгүй гэж амласан. Христэд итгэж Бурханы хүүхдүүд болсон итгэгч биднийг ч бас Бурхан хэзээ ч мартаж орхихгүй. Тэр бидэнд гайхамшигтай ирээдүй, гайхамшигтай мөнхийн улсыг бэлдсэн. Тиймээс бид итгэлийн амьдралдаа тууштайгаар амьдрах ёстой.

Есүс Христ бол өнө эртний цагаас Бурханы амласан байсан Тослогдсон Аврагч юм. Хүн төрөлхтөн зөвхөн Есүс Христэд итгэх итгэлээр л гэм нүглийнхээ шийтгэлээс ангижрах боломжтой. Бурхан Есүс Христэд итгэж Бурханы ард түмэн болсон хүмүүсийг хэзээ ч орхидоггүй, хэзээ ч мартдаггүй. Итгэгч бид нар энэ итгэлээр урам зоригтой амьдрах ёстой.

Вавилончууд худал хуурмаг шүтээнүүдийг шүтэж байснаараа Бурханы шүүлтийг амссан. Өнөөдөр итгэгч бид ч бас амьдралдаа аливаа хиймэл шүтээнүүдээс зайлсхийж, бидний амьдралд Бурханы байр суурийг амархан эзэлдэг аливаа эд баялаг, эрх мэдэл, байр суурь гэх мэт зүйлст ухаалгаар хандан амьдрах учиртай. Бурхан биднийг үргэлж Өөртөө дуудаж биднийг Өөрийнх нь хүслийн дагуу амьдраасай гэж хүсдэг. Учир нь бидэнд хандсан Бурханы хүсэл бол хамгийн сайн нь юм.

Бурхан бол сансар огторгуй орчлон ертөнцийг Бүтээгч Бурхан. Тэр Өөрийн хүмүүсээ тээж, түшиж, хамгаалдаг. Хүмүүс өөрсдийн гараар худал хуурмаг хиймэл шүтээнүүдийг бүтээдэг ч тэдгээр нь хүмүүст дарамт болохоос хүмүүст тус болж чаддаггүй. Ямар ч хиймэл шүтээн Бурхантай эн зэрэгцэж чадахгүй. Харин Бурханд итгэж найдагч нь хэзээ ч хөл алдахгүй.

Өнөөдөр бид хамтдаа Исаиа 43-44-р бүлгийг үзэх болно. Бидний эхэнд үзэх Исаиа 43-р бүлэг дээрээс бид нэгэн үнэнийг олж харах болно. Тэр юу вэ гэвэл Бурхан Израиль үндэстнээс одоо ч нүүрээ буруулаагүй, Израиль үндэстнийг орхиогүй гэдгийн баталгаа юм. Элч Паул Ром 11:1 дээр “" Тэгвэл би хэлье. Бурхан Өөрийн ард түмнийг голсон гэж үү? Огт үгүй!” гэж хэлсэн байдаг. Бурхан Өөрийн ард түмэн болох Израильчуудыг голж хаяагүй гэдгийг

Өнөөдөр энэ цагт хамтдаа Исаиа номын 41-р бүлгийг үзэцгээе. Энэхүү бүлэг дээр бидний өмнө нь үзсэн Исаиа 40-р бүлэг дээрх санаа үргэлжлэн гарах болно. Энэхүү бүлэг дээр Бурхан ямар агуу болохыг эш үзүүлэгч Исаиа уран яруугаар илэрхийлэх болно. Бурхан зөвхөн Бүтээгч учраас агуу биш харин биднийг аварсан учраас агуу юм гэдгийг бид ойлгох ёстой. Энэхүү бүлэг дээр Бурханы хүүхдүүдэд тайвшрал болох гайхамшигтай үгс бичигдсэн байгаа.

Өнөөдөр энэ цагт бид хамтдаа Исаиа 40-р бүлгийг үзэх болно. Исаиа номын 40-р бүлгээс эхлэн Исаиа номын өөр нэгэн том багц хэсэг эхэлдэг. Өөрөөр хэлбэл Исаиа 40-р бүлгээс эхлэн Исаиа номын 2-р хагас эхэлж байна гэсэн үг. Тэгвэл Исаиа номын эхний хагас болон 2-р хагас нь өөр хоорондоо тэнгэр газар шиг ялгаатай байдаг. Исаиа номын эхний хагаст Бурханы зөв шударга засаглал, Түүний дээд эрх мэдлийг өгүүлсэн байдаг бол харин сүүлийн хагаст Бурханы уучлал өршөөл, Түүний авралыг өгүүлэх болно.

Хезекиа хаан үхлүүт өвчин туссан үедээ Бурханд чин сэтгэлээсээ залбирах үед Бурхан түүнийг эдгээсэн. Ингэхдээ эмийн ургамал ашиглан эдгээсэн. Үүний нэгэн адил бид ч бас аливаа хүнд өвчин туссан үедээ юуны түрүүнд Бурханд хандан залбираад дараа нь хамгийн сайн эмчид хандах нь зүйтэй. Хезекиа хаан Вавилончуудын захидлыг Бурханы өмнө задлахын оронд ихэрхэн бардамнаснаас болоод залруулашгүй алдаа гаргасан. Итгэгч бид Хезекиа хааны энэ алдааг давталгүйгээр сайн муу аливаа бүх л зүйлийг Бурханы өмнө авчирж, Бурханы хүслийн дагуу шийддэг хүмүүс байх хэрэгтэй.

Итгэгч бидний амьдралд тохиолддог аливаа асуудал дунд бид Бурханаас биш өөр бусад зүйлсээс аврал тусламж хүсэх үе гардаг. Харин Ассирийн сүрдүүлгийн өмн Хезекиа хаан Бурханы өмнө ирээд залбирсан шиг бид ч бас амьдралдаа тохиолдсон аливаа асуудлын өмнө хамгийн түрүүнд Бурхан руугаа ханддаг хүмүүс байх учиртай. Бурхан Ассирийн 185 000 дайчдыг устгаж Иерусалимыг гайхамшигтайгаар аварсан шигээ Өөрт нь итгэж