Asteburua ate joka dugu, eta ohikoa denez, agendari begirada bat botatzeko unea iritsi da. Gaur,  Gabriel Aresti euskaltegiko ikasleak izan ditugu Bilbo Hiria irratian, eta haiek ekarritako proposamenekin astebururako plan erakargarriak mahai gainean jarri ditugu.

Deskargatu hemen.

No progama de hoxe seguimos os versos de Celso Emilio Ferreiro para falar de solidaridade e internacionalismo. Conversamos con Bruno Lopes, a Brigada de Información da Guarda Civil acusa o activista de antisemitismo. Analizamos a actualidade xeopolítica con Oscar Valadares, militante do colectivo internacionalista “Mar de Lumes”.

Gaurko saioan Celso Emilio Ferreiroren bertsoei jarraiki, elkartasunaz eta internazionalismoaz jardun dugu. Bruno Lopesekin solastatu gara, Guardia Zibilaren informazio brigadak antisemitismoa leporatu dion ekintzailea. Mar de Lumes talde internazionalistako kidea den Oscar Valadaresen eskutik geopolitikaren egungo egoera aztertu dugu.

Deskargatu hemen.

Irmaus. Celso Emilio Ferreiro

“Camiñan ao meu rente moitos homes.

Kirolaren gozo eta garratza airean, arraunaren egoera aztertu dugu Eritz Monasterio eta Patxi Egurrolarekin.

Deskargatu hemen.

“Urteko aurreneko POTTO saioan Plentziara joan gara, Delorean autoa hartuta. Irailaren aurrenekoan Plentzian egiten den urteroko saioa ekarri dugu uhinetara: hamargarren kolpea izan du Antolin jaietako bertso-saioak.

Deskargatu hemen.

Otxandion sortutako olerkaria bere sorterrian bertan hil zen gaurkoa lako egun batean Felipe Arrese Beitia idazlea (1841eko maiatzaren 25a – 1906ko urtarrilaren 16a). Lehenago marrazkigintza ikasketak Gasteizen egin eta lanbidez santugile ibili ostean, 31 urterekin ekin zion olerkaritzari. Hego Euskal Herriko Lore Jokoak hasi zirenetik (Elizondo, 1879), ez zuen bakar batean ere huts egin Arrese Beitiak. Euskaltzale, foruzale eta kristaua izan zen idazle erromantiko berantiar hau hobeto ezagutuko dugu hemen.

Deskargatu hemen.

Urtarriletik azarora bitartean, 1,3 milioi turistak bisitatu dute hiria, iazko epe berean baino % 13 gehiago, eta 2,5 milioi gaualdi erregistratu dira. Datuen arabera, nazioarteko turismoak indar berezia hartu du: bisitarien % 52tik gora atzerritik etorri dira, Estatuko turistak bigarren urtez jarraian gaindituz. Nazioarteko bisitarien kopurua % 14 hazi da, eta Estatutik etorritakoena, % 12tik gora. Bilboko Udaleko Ekonomiaren Garapen, Merkataritza, Turismo eta Enplegu zinegotzi Kontxi Claverren hitzetan, datuok “turismo jasangarria eta orekatua lortzeko estrategiaren emaitza” dira, eta, abenduko datuak falta diren arren, 2025eko balantzea positiboa dela azpimarratu du.Nazioarteko jatorrien artean, Frantzia da Bilborako merkatu nagusia. Erresuma Batuak hazkunde nabarmena izan du bigarren postua lortuz, besteak beste, San Mamesen jokatutako UEFA Europa Leagueko Finalari esker. Halaber, Estatu Batuetako merkatua indartzen ari da, New Yorkekin irekitako aire-konexio berriari esker, Alemaniaren gainetik kokatuz. Estatuko turismoari dagokionez, Madril eta Katalunia dira bisitari gehien bidaltzen dituzten erkidegoak, eta Andaluzia ere gorantz doa, Sevillarekin eta Malagarekin aire-konexioak hobetu direlako.

Deskargatu hemen.

Asteko errepasoa egin dugu Gorka Peñagarikano kazetariarekin, eta AEBek Venezuelan egindako erasoa izan dugu solasgaien artean nagusi. Bigarren atalean, Danele Sarriugartek Marina Garces filosofoari egindako elkarrizketa izan dugu hizpide: Denbora bizigarri baterako liburua argitaratu berri du, eta Euskal Herrian izan da aurkezpenak egiten. Saioa ixteko, Argia Sarien berri eman dugu; urtarrilaren 30ean ospatuko dute 37. edizioa, eta aurten, lehen aldiz, Alaia Gaztelumendik sortutako eskulturak jasoko dituzte saridunek.

Deskargatu hemen.

Erlantz Lizundia irakasle agregatua da Euskal Herriko Unibertsitateko (UPV/EHU) Bilboko Ingeniaritza Eskolan. Material Aurreratuen Ingeniaritzan doktoratu zen 2011n UPV/EHUn. Erlantz British Columbiako (Kanada) eta ETH Zuricheko (Suitza) unibertsitateetan egon zen 2016an eta 2018an, hurrenez hurren, ikertzaile bisitari gisa. Material berriztagarrietan eta biodegradagarrietan (zelulosa, kitina edo lignina) oinarritutako material eta teknologia jasangarriak garatzea du helburu, kimika berdea, biomimetikoa, bioekonomia eta ekonomia zirkularraren ikuspegiak erabiliz. Halaber, baterien ekodiseinuan eta birziklatzean, polimeroen upcyclingean edo biopolimeroen balorizazioan lan egiten du, bizi-zikloaren analisiaren bidez (BZA).

Gaurkoan bost gairi buruz hitz egin dugu berarekin, bere ikerketen aniztasunaren erakusle:

Deskargatu hemen.

Gaurkoan Josu Larrinagak berriro negazionismoa ekarri digu mikrofonoetara. Hiru negazionismo mota daudela azaldu digu: Lehenengoa eta potoloena, gizakiak eragindako klima aldaketarena, bazirudien atzeraka zihoala, baina azkenaldion indarra hartu du, errealitateak kontrakoa agerian uzten duen arren. Trumpek bultzatu du ebidentzia zientifiko guztien aurka doan errealitate agerikoaren arbuioa. Muturreko fenomeno meteorologikoak gero eta maizago gertatzen dira eta gero eta gogorragoak izan ohi dira. Bigarren negazionismoa, emergentzia klimatikoa, duela urte batzuk Eusko Jaurlaritzak berak aldarrikatua, baina beroni aurre egiteko politika publikoak lagunduta etorri ez dena. Energia berriztagarrien zabalpen uzkurra edo atzerakoia, industriala eta fosilista planteatzen da, negazionismo hipokrita bat, erregai fosilen bazterketa behin eta berriro atzeratzen duena (retardismoa). Azkenik, hirugarrena, ekologismoaren lerroetatik dator eta energia berriztagarrien ekipamenduen aurkakoa da, azpiegitura horien aurkako mobilizazioa zabaltzen da, argudioak Interneteko azoka faltsuan erosita, betiko kapitalismoaren eskutik datorrela argudiatuta. Bitartean, bestelako alternatiba berriztagarririk ez da bilatzen, energia kontsuma murrizteko ahaleginik ez da egiten, eta erregai fosilen kontsumoa jaistea ez da planteatzen, benetako larrialdi edo emergentzia batean egongo ez bagina legez.

Deskargatu hemen.

Urte luzez, Deustualdeko eta Bilboko auzoetako bizitza euskaraz kontatzeko leiho izan dira eta Prest! aldizkaria eta Uriola komunikabideak. Auzoetako istorio txiki zein handiei ahotsa emanez, kazetaritza komunitarioa eta gertukoa eraiki dute, eta belaunaldi askorentzat erreferente izan dira. Orain, ordea, BLB kooperatibak –bi proiektu horien atzean dagoenak– ateak ixteko erabakia hartu du, arrazoi ekonomikoek baldintzatuta. Azken zenbakia argitaratu eta ostiralean “Mila esker gu irakurtzeagatik” agur festa egingo dute. Itxiera ez da soilik komunikabide baten amaiera: auzoetako euskarazko informazio-sare baten etenaldia ere bada. 25 urteko ibilbidea egin du Prest aldizkariak, 2000 ale baino gehiago hilabetero argitaratu eta Deustualdeko etxeetara doainikbidali ditu. Beraz bi komunikabideen itxiera galera handia izan da.

Deskargatu hemen.