Zientziaren bihotzera egingo dugu salto, izan ere, Bilboko Areatzatik zuzenean ari gara. Datozen egunetan jakin-minaren, esperimentazioaren eta etorkizunaren plaza nagusia bilakatuko da Areatza. Hemen bertan abiatu baita Elhuyar Zientzia Azoka 2026, Gaurtik maiatzaren 9ra bitartean ospatuko den topaketa handia.Lau egunez, 60 ikastetxetako 660 gaztek aurkeztuko dituzte ikasturtean landutako proiektuak, guztira 183 STEAM egitasmo baino gehiago. Zientzia, teknologia, ingeniaritza, artea eta matematikak uztartzen dituzten lanak izango dira ikusgai. Bigarren egunean eguzkia lagun izan dugu eta asko izan dira ezagutu ditugun ikerketan.

Elhuyarreko Aitziber Lasarekin azokaren bilakaera errepasatzen ari gara. Zientzialari gazteentzat irratian euren proiektuak azaltzea “izugarrizko bizipena” izaten dela nabarmendu du. Azokaren nondik norakoak ekarri dizkigu.

Gasteizko Olabide ikastolako Ibai, Paul eta Yuritz estreinakoz etorri dira euren proiektua aurkeztera. Iazko argi-mozketan inspiratuta, eguzki-labe bat asmatu dute, aluminioa eta kutxa beltz bat erabiliz, janaria 51 gradura berotzen duena.

Nora, Haizea eta Eva Barakaldoko Alazne ikastetxean dabiltza, DBHko 4. mailan, eta biomasatik eratorritako karbonoa eta erabili dute kutsatzen ez duen bateria egiteko.

Iruñeko Biurdana institututik Uxue eta Lujan. Berotze globalak eragindako eurite handiek baratzeetan duten eragina aztertu dute. Gehiegizko ur kopurua jasandako uhazak aztertu eta ur kopuru normalarekin ureztatutakoekin alderatu dituzte.

Sandra, Naroa eta Aroa ere Barakaldoko Alazne ikastetxetik datoz, kutsaduragatik kezkatuta daude. Garbikari intentsoaktiboek aparra sortzen dute garbitzeko, baina araztegiak ez ditu gai horiek guztiz ezabatzen. Goroldio mota berezi batek kutsadura hori jaisteko balio duela aurkitu dute.

Tolosako Herrikide ikastegitik datoz Naroa, Maria, Irati eta Dalal. BBC Micro Bit gailuen bidez, unean uneko kokapena kontuan hartuta, autobusa geltoki bakoitzera iristeko zenbat falta zaion zain daudenei jakinarazteko proiektua da haien “Busbira”.

Kirmen, Pello eta Julen Bilbotik datoz, Elhuyarren Bizilabe ekimenetik eta “Behelainotik edalontzira” proiektua egin dute, airetik ura erauzteko. Azkorri hondartza inguruan probak egin eta, ondorioztatu dutenez, oktogonoa da formarik eraginkorrena lurrunetik ura ateratzeko.

Idurre eta Eider Gasteizko Olabidetik datoz eta hiru hiriren arteko konparaketa egin dute, eraikinen ezaugarriak eta klima kontuan hartuta, gehiegi berotzen ote diren. Ondorioztatu dute berdeguneek eragin txar hori moteltzeko balio dutela.

Lekunberrikoak dira Ainhitze, Aiora, Naia, eta Naira. Leitzako Amazabal ikastegitik datoz eta ahoa eraginkortasunez garbitzen ote dugun ikertu dute. Hiru talde aztertu dituzte, hortz-eskuila eta pasta ezberdinak erabili dituztenak.

Maddi, Iraia eta Udane Gasteizko Olabidetik datoz. Patatak eta limoiak erabiliz argindarra sortu dute. Limoiak volt gehiago sortzen dituela ikusi dute, azidotasuna dela eta, baina euren ortuan denetik dute landatuta, eta denari atarramendua ateratzen diote, era batean edo bestean.

Legazpira joan gara, 2025eko azaroaren 14an, Latxartegi aretoan izan zen “Azaroan Musika” zikloaren baitako bertso-jaialdia aletu dugu.

deskargatu hemen.

Kaleko bizitzaren taupadetan, askotan oharkabean pasatzen diren istorio txikiek osatzen dute benetako kontakizuna. Hari fin baina sendo horietatik tiraka dator “Haritik Tiraka”, Ane Gebara eta Ivan Casado-k osatzen duten Bitsa Konpainiaren kaleko antzezlan berria. Urtebeteko sormen prozesuaren ostean, Karrikanen babesarekin eta Mendi Zolanen egindako egonaldian mamituta, auzoetako eguneroko keinu, isilune eta loturei begiratzeko gonbita egiten duen proposamena da. Biolontxelo baten laguntzaz eta objektuen, gorputzaren zein hitzaren bidez, ikuslea kalea espazio partekatu gisa berrirudikatzera gonbidatzen du. Umore Azokan aurkezteko atarian, sortze-bide honen xehetasunak ezagutzeko aukera izan dugu Ane Gebararekin.

Deskargatu hemen.

Zientziaren bihotzera egingo dugu salto, izan ere, Bilboko Areatzatik zuzenean ari gara. Datozen egunetan jakin-minaren, esperimentazioaren eta etorkizunaren plaza nagusia bilakatuko da Areatza. Hemen bertan abiatu baita Elhuyar Zientzia Azoka 2026, Gaurtik maiatzaren 9ra bitartean ospatuko den topaketa handia.Lau egunez, 60 ikastetxetako 660 gaztek aurkeztuko dituzte ikasturtean landutako proiektuak, guztira 183 STEAM egitasmo baino gehiago. Zientzia, teknologia, ingeniaritza, artea eta matematikak uztartzen dituzten lanak izango dira ikusgai, eta egia esan, etorkizunari begira dagoen belaunaldi baten isla zuzena da hau.

Elhuyar Zientzia Azoka gazteek beraiek garatutako proiektuen azoka da, eta ikerketa eta garapena barrutik bizitzeko aukera ematen die. Helburua argia da: gazteei STEAM bizipen errealak eskaintzea, komunitate osoaren inplikazioarekin. 12 eta 18 urte bitarteko gazteei zuzendutako egitasmo-sarea da, Euskal Herri osokoa, nahiz eta nazioarteko beste zientzia-azoka batzuetatik gonbidatutako taldeak ere bertaratu ohi diren. Parte-hartzaileek, gainera, sari ugari eskuratzeko aukera dute, hala nola atzerriko azoketara bidaiak edo ikerketa-zentroetan egonaldiak.

Deskargatu hemen.

Irratsaio honetan art pop dramatikotik neo-psych giroetara, euskal pop intimistatik hyperpop distiratsura eta folk elektroniko kontenplatiboraino egingo dugu bidea, artisten unibertso oso desberdinak lotuz. Lehenik, Anna Calviren Is This All There Is? entzungo dugu: 2026ko EP-a da, Matt Berninger, Iggy Pop eta Perfume Genius bezalako gonbidatuekin grabatua, art rock eta gitarra-joko ikusgarriak giro zinematografikoan eskaintzen ditu. Ondoren, Inner Waveren See You When I Get Back iritsiko da: L.A.ko hirukotearen bosgarren diskoa, neo-psych eta indie rock elektroniko leunaren artean mugitzen den lana, galera eta sendatze prozesuak jorratzen dituena, sintetizadore beroak, gitarrak efektuz bustita eta groove geldo itsaskorrak erabiliz, gaueko gidatze luzeetarako aproposa. Jarraian, Nataliren unibertso intimistan sartuko gara, Sua eta Zauria kantuak tartean: euskarazko pop ilun eta barearekin, elektronika leun eta erritmo motel-bainak erabiliz, zauri emozionalak eta maitasunaren alde lausotuak kontatzen ditu ahots gertuko eta xuxurlari batekin. Ondoren, Deb Neverren Arcade etorriko da: alt-pop eta rock elektroniko ilunaren artean dabilen lehen disko luzea. Saioaren erdialdean, Maskaken Ziklikoa entzungo dugu: rock eta post-hardcore kutsudun soinu ilun eta atmosferikoa, ziklo errepikakorretan harrapatutako gizartearen sentsazioa jasotzen duena. Jarraian, Meisonen Ultrapop: hyperpop eta elektronika esperimentalaren bertsio gozo eta harrigarri bat, ahots autotuneatuak, erritmo azkarrak eta sintetizadore distiratsuak uztartzen dituena. Grace Ivesen Girlfriend izango dugu hurrena: bedroom pop sintetikoa eta pop esperimental minimalista uztartzen dituen lana, egitura oso zuzeneko kantu laburrez osatua. SYMLen Nobody Lives Here diskoak itxiko du saioa: Brian Fennell estatubatuarraren proiektu intimista, folk eta piano giro leunak elektronika leunarekin nahasten dituena.

Deskargatu hemen.

Euskalgintzaren Kontseiluak Euskal Herri osoko euskaltzaleei dei egin die datorren ekainaren 13an Iruñean egingo den Euskaltzaleon Martxan parte hartzera, euskaraz bizitzeko baldintza errealak eskatzeko. Agerraldi jendetsu batean aurkeztu dute mobilizazioa, eta azaldu dutenez, aldarrikapena eta ospakizuna uztartuko dituen ekimena izango da. Helburua da euskaraz bizitzeko beharrezko baldintzak aldarrikatzea eta euskaltzale izatearen harrotasuna indartzea. Martxa hiru zutabetan antolatuko da, eta zutabeak 17:00etan abiatuko dira Antoniutti parketik, Runako parkea-tik eta Askatasun Enparantzatik. Hirurek 18:00etan egingo dute bat Gazteluko plazan, bertan ekitaldi nagusia ospatzeko.

Deskargatu hemen.

Mikel Telleria, oraingoan bere azken lana aurkezteko: “Oroit Lou Reed”. 2025aren hasieran argitaratutako disko honetan, Idiazabalgo kantautoreak omenaldi berezia egin dio Lou Reed-i, rockaren historian funtsezko figura izan den artistari. Baina Telleriak ez du ohiko bertsio-diskoa egin; aitzitik, euskaraz sortutako hamar abesti originalen bidez, New Yorkeko kronikagilearen unibertsoa berrinterpretatu du, bere begirada propioarekin. Disko kontzeptual baten gisara eraikia, “Oroit Lou Reed” lanak hasieratik amaieraraino bidaia sonoro bat proposatzen du, giro pausatu eta ilunetatik erritmo biziagoetara jauzi eginez. Horretan, gainera, musikari esanguratsuen laguntza izan du Telleriak, eta soinu zaindu baten bidez, Lou Reeden ondarea gaur egungo entzuleengana ekartzeko ahalegina egin du. Datorren maiatzaren 8an izango da hitzordua, Bertendona Institutuan. Gurean izan da diskoaren eta kontzertuaren inguruan berbetan.

Deskargatu hemen.

Gaurkoa bezalako egun batez sortu zen Ondarroan (1864ko maiatzaren 4an) Txomin Agirre Badiola euskal idazle eta apaiza. Askoren ustez euskarazko lehen eleberrigilea izan zen Agirre. Bere lan nagusiak Kresala (bizkaieraz) eta Garoa (gipuzkeraz) dira. Ondarroan jaioa, ama bertakoa eta aita Mutrikuar arotza, familia xume baten magalean hazi zen. Apaiz moduan Zumaian aritu eta bertan bizi izan zen 1920an hil zen arte. Euskal gaiekiko ardura handia erakutsi zuen; garaiko euskararen inguruko hainbat tirabirek, hala nola bizkaierazale eta gipuzkerazaleen artekoak, hizkuntzari kalte besterik egiten ez zioten ustekoa zen, eta beti iritziak bateratzearen alde agertu zen. Eusko Ikaskuntzako kide eta, bertan sortutako Euskaltzaindiako kide ere izan zen Txomin Agirre.

Deskargatu hemen.

KIROL ALA ESKIROL?

Kolpeak jaso ala eman? Galdera guztiek behar omen dute erantzunik, baina gaurkoan ez ditugu erantzunak hedatuko. Bakoitzak, berea.

Pello Gutierrez boxeolari zornotzarra izan da gurean gonbidatu: boxeolari eta psikologian ikerlari, bikote santua. Ane Zabala lankideak Paulino Uzkudun “Urtain” izandakoaren inguruan taularatu duten antzerki-ikuskizuna ekarri digu; Danel Abando boxeolari ohiak kritikaz jantzi digu saioa; Aerobik irakasleek kirol-jardunaren analisia egin digute eta Maite Sarasolaren ahotan izan ditugu agur bertsoak

on egin.

Deskargatu hemen.

Bertsoaren magia zabaldu dugu (berriz ere)

Deskargatu hemen.