Ons hou nie almal van die donker nie, en veral op plekke waar ons min of niks kan sien nie. Maar ons loop daarin as ons moet. En ons het rede om versigtig te wees: want ons is blind.

Ons kan nie sien wat in die toekoms gaan gebeur nie. Ons visie strek niks verder as nou nie. Ek kan nie eens met sekerheid sê wat volgende gaan gebeur nie...

Ons is sonder uitsondering, absoluut, onveranderlik blind.

Jesus vra van Jaïrus om die onsienlike te sien. Om 'n keuse te maak. Om óf volgens die feite te lewe óf deur die geloof te sien. Wanneer ek deur 'n tragedie getref word, moet ek ook kies wat ek sien. Ek kan óf die seer óf die Geneser raaksien.