Die Bloedoortappingsdiens doen weereens 'n beroep op bloedskenkings aangesien bloedreserwes tot minder as drie dae se voorraad gedaal het. Opvoedkundige beampte Frieda Vatileni-Asino het aan Kosmos 94.1 Nuus gesê dat hulle 250 eenhede volbloed per dag benodig om hulle tot die einde van Januarie deur te sien. Sy sê alle pasiënte ontvang bloed en bloedprodukte, wat beteken dat hulle elke dag aan die vraag van die hospitale moet voldoen en die reserwes is laag. Saterdag is weer Red Saturday.