'n Veldbrand het Woensdag 80 km noordwes van Outjo, by die Louterwaterplaas ontstaan. Dit het intussen versprei na naburige plase en groot skade is aangeteken. Volgens inligting, is dit die vyfde vuur in die afgelope maande in dieselfde omgewing weens nalatigheid. Kosmos 94.1 Nuus verstaan ook dat dit meestal hervestigingsplase en by opkomende boere is waar die brande ontstaan. Die nuusspan het met Piet Gouws, 'n boer in die omgewing gepraat wat meer inligting het.