Meer inligting is bekend rakende die brande wat laat Woensdag suidoos van die pan in Etosha Nasionale Park waargeneem is. Kosmos 94.1 Nuus het by die omgewingsministerie aangeklop en die woordvoerder Vilho Hangula het die publiek verseker dat daar geen rede tot kommer is nie. Hy bevestig dat dit beheerde brande is wat deur die ministerie uitgevoer word as deel van voorbereidings vir die komende veldbrandseisoen.