Die veeartsenydepartement het ‘n verbod op die invoer van gesplete hoef-diere en hul produkte uit Botswana aangekondig, na bek-en-klouseer in die land bevestig is. Die produkte sluit in dié vir persoonlike of huishoudelike gebruik. Die verbod het onmiddellik in werking getree. Die landbouministerie se woordvoerder, Romeo Muyunda, verduidelik.

Die Hooggeregshof in Pretoria het uitspraak voorbehou oor die Inligtingsreguleerder se aansoek om verlof tot appèl teen die uitspraak wat toelaat dat matriekuitslae gepubliseer word. Die hof het voorheen bevind die gebruik van eksamennommers beskerm leerders se privaatheid en dien ook die openbare belang. Alana Bailey van AfriForum sê hulle hoop die langdurige saak, wat al meer as vier jaar aan die gang is, kan nou afgehandel word:

'n Belangrike bulletin misgeloop? Geen probleem, luister na elke bullie net hier. Al die hoof nuus op een plek.

Namibië sal Afrika se eerste millimeter-golflengte radioteleskoop huisves nadat 'n kontrak onderteken is om met die konstruksie van die Africa Millimeter Telescope te begin, wat deel sal vorm van die globale Event Horizon Telescope-netwerk. Die teleskoop sal naby die HESS-sterrewag by Gamsberg gebou word. Die ligging bied hoë hoogte, 'n droë klimaat en lae radio-interferensie, wat dit geskik maak vir astronomiese waarnemings. Unam het die ontwikkeling verwelkom en gesê die projek plaas Namibië en Afrika midde-in globale astrofisika-navorsing. Kosmos 94.1 Nuus het meer inligting by die woordvoerder van Unam, Simon Namesho gekry.

Die parlement debatteer steeds die 2026/27-begroting en PDM-president McHenry Venaani het dit as herhalend en stagnant beskryf. Hy sê hoewel maatskaplike besteding belangrik is, moet die regering kyk na meer ontwikkelingsbesteding as dit werkloosheid wil aanspreek. Venaani sê die landbousektor speel 'n sentrale rol en moet meer aandag kry.

Arbeidsdeskundige Herbert Jauch waarsku teen sommige werkgewers se vrystelling van die minimumloon van 18 Namibiese dollar per uur wat deur die lynministerie voorgestel is. Dit kom na 'n verklaring deur die ministerie dat die wet werkgewers wat finansiële of operasionele probleme ondervind, toelaat om aansoek te doen vir toestemming om werkers onder die minimum drempel te betaal. In gesprek met Kosmos 94.1 Nuus sê Jauch dat sulke bepalings die deur kan oopmaak vir opportunistiese werkgewers om die stelsel uit te buit.

Namibië het lof van die Afrika-eweknie-oorsigmeganisme ontvang vir sy pogings om jeugwerkloosheid aan te pak. Dit is in terme van 'n geteikende oorsigverslag wat in 2017 opgestel is en hervormings in onderwys, tegniese opleiding, jeugbefondsing en waardetoevoeging in landbou aanbeveel. Die regering sê vordering sluit in die stig van 'n soewereine welvaartfonds en 'n Nasionale Jeugontwikkelingsfonds om jong entrepreneurs te ondersteun en werk te skep. Kosmos 94.1 Nuus het met Dr. Alfons Witbeen, die Afrika-eweknie-oorsigmeganisme se direkteur van bedrywighede gepraat, wat 'n opdatering gee van die Jeugontwikkelingsfonds.

Suid-Afrikaanse lugrederye het kaartjiepryse verhoog nadat stralerbrandstofkoste, wat deur die konflik in Iran gedryf word, met 70-persent gestyg het. FlySafair het 'n tydelike brandstofheffing ingestel vir vlugte wat tussen vandag en 12 Mei bespreek word, terwyl Airlink tariewe aangepas het sonder om 'n heffing op bestaande kaartjies te voeg. Kirby Gordon van FlySafair sê daar is geen onmiddellike bedreiging vir die plaaslike brandstofvoorraad nie, maar waarsku oor moontlike skeduleveranderinge as die krisis ná April voortduur:

'n Belangrike bulletin misgeloop? Geen probleem, luister na elke bullie net hier. Al die hoof nuus op een plek.

'n Belangrike bulletin misgeloop? Geen probleem, luister na elke bullie net hier. Al die hoof nuus op een plek.