Brewed Chats: Moms' Morning Talks

بنيجي علي نفسنا كتير اوي عشان نرضي الي حوالينا و بننسي اننا محتاجين مسطرة و مرجعية نرجعلها لما نكون مش عارفين نعمل ايه.. ازاي نتصرف من غير ما نزعل و لا نيجي علي حد لصالح حد تاني..الاهم نفتكر احنا موجودين ليه و بنعمل ايه علي الارض و من خلال الرؤية بتاعتنا هنظبط البوصلة.

Powered by Podeo — Listen to this episode

كل الامات دلوقتي عندها التخوف بتاع حدود مسيئولياتي لغاية فين؟ امتي نعاقب و امتي لا انا بنصح بس و امتي و لا ده و لا ده انا بس بآهله للفكرة…. دايما في العبادات او التذكير بيكون ساعات بالترهيب و العقاب و ده اكبر غلط.. طب نعمل ايه؟ هنتعلم مع هالة العسال امتي اعمل ايه و معملش ايه من اول و هما اطفال لغاية ما يبقي في احفاد… تعالوا نتعلم سوا عن حدودنا 

Powered by Podeo — Listen to this episode

بعد ما اتكلمنا الحلقة اللي فاتت عن علاقتنا بربنا و ازاي نعرف ايه رؤيتنا في الحياة, هنتكلم في الحلقة ده مع هالة العسال عن ازاي يبقى عندنا رؤية في تربيتنا لأولادنا. ازاي اعرف ايه رؤيتي و احدد اهدافي. ازاي كل ده لازم اربطه بقراراتي اليوميه و كل الخطط اللي بعملها في حياتهم.  قولولنا بتاخدوا قرارات ازاي في تربية اولادكم؟ هل في قرارات بتندموا بعد ما تاخدوها و تحسوا انها ضد مبادئكم؟

Powered by Podeo — Listen to this episode

مع بداية رمضان كل سنة بنحط خطط كتير لعبادات طول الشهر و مع مشغوليات كل يوم مش بنعرف ننتظم. و ده غير اصلا ان العبادات ده كلها مكانتش في اولوياتنا ولا بنعملها طول السنة. هل المشكلة اصلا في تنظيم الوقت و المشغوليات ولا المشكلة اكبر و أعمق من كدة؟ ليه دايما بنحس اننا تايهين و مش عارفين نمشي على اي خطط حاطينها؟ اسمعوا الحلقة أ-هالة العسال هتساعدنا نعرف أساس المشكلة و نحلها ازاي

Powered by Podeo — Listen to this episode

جملة برضو بنسمعها كتير. كل اللي متجوزين جديد بيبقوا متلخبطين بين كلا اهلهم واللي حواليهم انهم ياخدوا خطوة الخلفة بس في نفس الوقت شايفين كل اصحابهم اللي حواليهم مضغوطين ازاي و مشغولين مع أطفالهم. شايفين ازاي ده مسؤولية كبيرة. و ساعات الوعي الزيادة ده بيخليهم مترددين زيادة و حاسين انهم مش مستعدين. طيب ايه الافضل نخلف على طول ولا نستنى؟ و نعرف ااي اننا مستعدين؟ هل في استعدادات اصلا؟

Powered by Podeo — Listen to this episode

مهما الدنيا اتطورت برضو كل البنات سمعت الجملة ده. طيب البنات اللي اتجوزت بدري مرتاحين و مبسوطين؟ ولا البنات اللي اتجوزت متأخر؟ ايه الناسب أكتر؟ ولا كل حد ليه ظروفه و كل سيناريو ليه مميزاته و عيوبه؟ و امتى تعرفي انك فعلا مستعدة للجواز؟ شوفوا الحلقة الجديدة مه د. ناتالي نزيه و تجربتها الشخصية في توقيت الجواز و رأيها في عيوب و مميزات كل سيناريو.

Powered by Podeo — Listen to this episode

اوقات كتير بتحسي انك عايزة تاخدي اجازة او تهربي. حتى امهتنا زمان كانوا بيقولوا همشي و محدش يعرفلي طريق. الشغل او الدراسة اة اي حاجة تانية ليها اجازة الا الامومة. حتى لو بعدتي او سافرتي برضو هم لسه في دماغك. طيب بتحسي بكدة ليه و تقدري تعملي ايه لما توصلي للاحساس ده؟ اسمعي الحلقة و قوليلنا بتعملي ايه لما توصلي للمرحلة ده

Powered by Podeo — Listen to this episode

في بداية مشوار الأمومة منتي فاكرة انه اكيد كل ما الطفل يكبر كل ما الدنيا هتبقى اسهل. مع الوقت بتعرفي ان كل مرحلة ليها مميزاتها و التحديات بتاعتها. سن الطفولة المبكرة (سنتين و ثلاث سنوات) ده اول مرحلة الام بتواجه فيها تحديات في التربية و التعامل مع الطفل. مرحلة مختلفة تماما عن التعامل مع رضيع كل التحديات عبارة عن رعاية فقط. مرحلة فيها اختبار كبير لصبرنا و تحكمنا في مشاعرنا. مع ضيفة الحلقة سلمى مصطفى مدربه تربيه ايجابيه معتمده، وكوتش متخصصه في التربيه والعلاقات الاسريه هنتكلم ازاي نتعامل مع التحديات ده.

Powered by Podeo — Listen to this episode

اي حد بيشتغل دايما محتاج يطور من نفسه في شغله ياخد دورات دبلومات كورسات او دراسات عليا. طيب و الأم؟ يعني امومة و بيت و اولاد و شغل و كمان دراسة؟ أزاي؟ امهات كتييير مضغوطة انها توفق بين كل ده. اسمعوا الحلقة ده بنتكلم عن حياة الأم اللي بتدرس و تشتغل و ايه الحلول اللي ممكن نعملها علشان نسهل الدنيا شوية

Powered by Podeo — Listen to this episode

كام مرة قرأنا كومنت بجد ممكن يعمل مصيبة على بوست في نصيحة للأم. النت و الوسائل التواصل الإجتماعي أكيد فادتنا كأمهات و سهلت علينا حاجات كتير في الأمومة. معلومات و توجيهات و دعم اكيد امهاتنا كانوا بيتعبوا اوي علشان يوصلوا له زمان. بس برضو زي اي حاجة ليها مميزات ليها اضرار و عيوب. أيه مشاكل السوشيال ميديا و ازاي نتجنبها. شوفوا الحلقة مع ضيفة الحلقة إستشاري الأسري المعتمدة د. رضوى عبد الحميد.

Powered by Podeo — Listen to this episode